1 Timoteo 1:19 - Qullan Arunaca

¹⁹ Mayninacajj chuymanacapar jan ist'apjjatapatwa, iyawsäwinacapanjja aynacht'apjje.

Aymar Bibliia 1986

¹⁹ Mayninacajj chuymanacapar jan ist'apjjatapatwa, iyawsäwinacapanjja aynacht'apjje.

1 Timoteo 1:19 Jak'a apnaqawi uñst'ayäwi

Mateo 6:27

Ucampisa wali llaquisitapatsti, ¿qhitis jumanacatjja jacañapjja mä horampisa yapt'asispa?

1 Corintios 11:19

¡Jumanacanjj waquisiwa jaljta jaljta sarnakapjjañamajja, uqhamat yatiñataqui qhitis chekpach Cristor arquirejj uca!

Gálatas 5:4

Jumanacat maynïrinaca: “Leyiru phokhatas laycuwa Diosampi catokatätan” sirinacajja, Cristotjja jayancapjjewa, Diosan munasiñapatsa jayancapjjaraquiwa.

1 Timoteo 1:5

Aca camachin amtäwipajj acawa: Munasipjjam k'oma chuymat jutqui uca munasiñampi suma chuymampi, uqhamarac chekpach iyawsäwimpi.

1 Timoteo 3:9

Iyawsäwi toket khanañchatäquis ucjja sum catjjäsiñaparaquiwa, k'oma chuymanïñaparaquiwa.

1 Timoteo 6:12

Iyawsäwin suma nuwasiñapan nuwasim, wiñay jacaña jicjjataraquim ucataquiw Diosajj jawstam, iyawsäwin suma arsüwipwa lurawayta takenin uñjcaya.

1 Timoteo 6:21

Mayninacatejj aca casta yatichäwinacaru arcapjjchi ucajja, iyawsäwitjja saranucutäpjjewa. Tatitojj jumanacarojj qhuyapayasiñapampi bendispan.

1 Timoteo 6:9

Qhitinacatejj kamir cancaña thakapjje ucanacajja, janiw yant'anacarojj atipjapquiti, ucatsti take casta lokhe amtäwinacan sipitaparuw jalantapjje, ucatsti jan waliruw puripjje, jakenacarusti jiwañaru t'unjañaruw puriyaraqui.

2 Timoteo 2:18

Jupanacajj cheka arutjja maysaruw saranucupjje: ‘Jiwatat jactañajj pasawayjjewa’ sasa. Uca arunacampiw sarnakapjje mayninacan iyawsäwinacap mayjt'ayasina.

2 Timoteo 4:4

Cheka arunacataquejj mayswa uñtapjjani, ucat sipana c'ari arunacaruw ist'apjjani.

Tito 1:9

Uqhamaraquiw catjjäsiñapa yatichatäqui uca cheka arunaca, uqhamat yakhanacar waytt'añapataqui uca suma yatichäwimpi, uqhamarac qhitinacatejj jan Diosar ist'añ munapqui ucanacar iyawsayañapataquisa.

Hebreos 3:14

Tucuycamatejj take chuyma arcañäni take iyawsañampi, cunjämatï kalltatpacha utjquistu uqhama, ucapachajj Cristompejj utjistuw cunatejj jiwasanccani ucajja.

1 Juan 2:19

Jupanacajj jiwasanaquirï taypitwa mistuwayapjje, ucampis chekpachansa janiw jiwasanacanquirïquiti; jiwasanacanquirïspa ucajja, mayaquïscasänwa. Ucampis uqhamaw lurasiwayi takenis jan jiwasanquirïtapa khanañchañataqui.

Apocalipsis 3:10

Llamp'u chuymanïma satajj-jja ist'istawa, ucataracwa jichhajj jumar imäma cuna yant'anacatejj aca orakpacharu jutcani ucanacatjja. Uca yant'anacasti aca oraken utjiri jakenacar yant'añataquiw jutani.

Apocalipsis 3:3

Amtasimay cuna yatichäwtï catokcta ucjja, ucarjamaraqui arcam, ucatsti arrepientisiraquim. Janitejj p'arjjtascätajja, jan amtat horasaruw mä lunthatjama acatjamat jutä.

Apocalipsis 3:8

‘Nayajj yattwa take luratanacamjja. Juma nayrakatarusti mä jist'arat puncwa uchta, ucsti janiw qhitis jist'antcaspati; pisi ch'amäcsta ucasa, arunacajj ist'istawa, janiraquiw cunapachas jan uñt'ir tucquistati.