Hechos 26:4 - Qullan Arunaca

⁴ “Take judionacajj asquiw yatipjje, cunjämtejj nayajj jupanac taypin jaccäyäta marcajjana, uqhamarac Jerusalenana, wawatpacha ucjja.

Aymar Bibliia 1986

⁴ “Take judionacajj asquiw yatipjje, cunjämtejj nayajj jupanac taypin jaccäyäta marcajjana, uqhamarac Jerusalenana, wawatpacha ucjja.

Qullan Arunaka DC

⁴ “Judionakax taqpachaniw nayar wawatpach uñt'apxitu. Kamisatix nayax markaxampin Jerusalenampin jakkäyäta uk askiw yatipxi.

Hechos 26:4 Jak'a apnaqawi uñst'ayäwi

Hechos 22:3

“Nayajj judiötwa. Cilicianquir Tarso marcan naciriraquïtwa. Ucampis aca Jerusalén marcanwa jilsuwayta. Gamaliel chacharaquiw nayarojj sum yatichawayitu awquinacasar churat leyiparjama. Take chuymajjampiraquiw Diosar sirviñar uchasta, cunjämtejj jumanacajj jichhürunacajj sirvipctas uqhama.

Hechos 24:14

Ucampis nayajj arstwa, awquinacajjan Diosapar sirvitajja, aca machak yatichäwi sapqui ucarjama. Iyawsaractwa cunatejj leyinsa, profetanacansa kellkatäqui uca arunacaru.

Gálatas 1:13

Jumanacajj ist'apjjtawa nayajj cunjämäcäyättejj nayrajja, cunapachatejj judionacan religionap arccäyäta ucqhajja. Yatipjjtawa cunja khoru cancañampis nayajj Diosan iglesiapar arcnakäyätjja, uqhamarac tucjañ muncäyäta ucsa.

Filipenses 3:5

Nacitajjat quimsakallko uru sarakataruw nayarojj circuncidapjjetu. Israelit jakëtwa, Benjamín castaraquïtwa, nacïwitpach hebreo jake, awquinacajjas hebreoraqui, judionacan leyip yatiñanjja fariseötwa.

2 Timoteo 3:10

Ucampis jumajj sumwa arcawayta nayan yatichäwinacajjaru, sarnakatajjaru, amtäwejjaru, iyawsäwejjaru, llamp'u chuymanïtajjaru, munasiñajjarusa,