2 Samuel 5:19 - Qullan Arunaca

Ucatwa Davidajj Tatituru yanapa mayiraquïna, jisct'asiraquïnwa: —¿Filisteo jakenacarojj nuwantiristti? ¿Jupanacarojj atipjayitätati? —sasa. Tatitusti juparojj saraquïnwa: —Jïsa, nuwantascaquim, nayaw jumarojj jupanacjjaru atipjaña churäma —sasa.

Aymar Bibliia 1986

Ucatwa Davidajj Tatituru yanapa mayiraquïna, jisct'asiraquïnwa: —¿Filisteo jakenacarojj nuwantiristti? ¿Jupanacarojj atipjayitätati? —sasa. Tatitusti juparojj saraquïnwa: —Jïsa, nuwantascaquim, nayaw jumarojj jupanacjjaru atipjaña churäma —sasa.

Qullan Arunaka DC

Ukat Davidax Tatitur yanap mayisin jiskt'asirakïna: —¿Filisteo jaqinakar katuntiristti? ¿Jupanakar atipjayitätati? —sasa. Tatitusti ukxaruw sarakïna: —Jïsa, katuntaskakim, nayaw jupanakar atipjañamatak yanapäma —sasa.

2 Samuel 5:19 Jak'a apnaqawi uñst'ayäwi

2 Samuel 2:1

Uca khepatsti Davidajj Tatituruw jisct'asiraquïna, saraquïnwa: —¿Cawquïri marcanacatejj Judá tokencqui ucanacar sarañajj waquisispati? —sasa. Tatitusti saraquïnwa: —Jïsa, sarañamajj waquisiwa —sasa. —¿Cawquirus sarañajjajja? —sasaw Davidajj jisct'asiraquïna. Tatitusti ucjjarojj saraquïnwa: —Hebrón marcar sarañamaw —sasa.

2 Samuel 5:23

Uqhamasti Tatituruw Davidajj wasitat sarasin jisct'asiraquïna, Tatitusti juparojj saraquïnwa: —Jani nayräjjatjja nuwantamti jan ucasti cunapachatejj bálsamo sat kokanacäquis uca chekaru purisinsti khepäjjata jupanacarojj muyuntam, ucatsti nuwantam.

1 Reyes 22:6

Israelan reyipasti profetanacaruw tantachäna, ucanacasti niya pusi patacäpjjänwa, ucatwa jupanacarojj jisct'äna: —¿Sariristti, janicha, Galaadanquir Ramot ucarojja? —sasa. Ucatsti jupanacajj ucjjarojj sapjjänwa: —Nuwasir sarascaquim, Tatituwa catuyätam —sasa.

Proverbios 3:6

Take luräwinacamanjja Tatitutjja amtasipunim, ucatsti jupajj cheka thaquinjamwa irpascätam.

Santiago 4:15

Ucampis aqhama sapjjañamawa: “Dios munani ucqhajja, jaccasinjja uc ac lurañäni” sasa.

Jueces 20:28

Ucampis israelitanacajj Diosaruw jisct'apjjäna: “¿Waquisispati wastatampi nuwasiña Benjamín sat tribunquir jilanacajjampi, jan ucajj atipjatäjjapjjaquïcha?” sasa. Ucat Diosajj saraquïnwa: “Sarapjjam wastata nuwasiri kharüruwa nayajj atipjayapjjäma” sasa.

1 Samuel 22:15

¿Jichhaquiti nayajj Diosaru Davidjjatsti jisct'aststi? Janiw cunas uca toketjja utjquiti. Uca laycu jach'a munañan reyejja jan cunsa aca sirvirip contrajj lurpati, ni familianacapa contrasa, sirvirimajj janiw cunsa aca tokenacatjja ni juc'sa, ni waljsa yatquiti uca laycu.

1 Samuel 23:2

jupajj sarasin Tatituruw uca toket jisct'asïna, aqham sasa: —Tata, ¿munasmati nayan filisteonac contra nuwasiri sarañajj-jja? Tatitusti saraquïnwa: —Jïsa, sarascaquim, Keila marcarusti khespiyaraquim —sasa.

1 Samuel 23:4

Uqhamasti Davidajj wasitatwa Tatiturojj jisct'asiscaquïna, Tatitusti saraquïnwa: —Jumajj sarascaquim Keila marcaru, nayaw amparamaru filisteonacjja catuyascäma —sasa.

1 Samuel 28:6

Ucatwa Tatituru jisct'asïna, ucampisa Tatitojj juparojj janiw ist'cänti ni samcansa, ni urim toksa, ni profetanaca toksa.