2 Samuel 2:1 - Qullan Arunaca

¹ Uca khepatsti Davidajj Tatituruw jisct'asiraquïna, saraquïnwa: —¿Cawquïri marcanacatejj Judá tokencqui ucanacar sarañajj waquisispati? —sasa. Tatitusti saraquïnwa: —Jïsa, sarañamajj waquisiwa —sasa. —¿Cawquirus sarañajjajja? —sasaw Davidajj jisct'asiraquïna. Tatitusti ucjjarojj saraquïnwa: —Hebrón marcar sarañamaw —sasa.

Aymar Bibliia 1986

¹ Uca khepatsti Davidajj Tatituruw jisct'asiraquïna, saraquïnwa: —¿Cawquïri marcanacatejj Judá tokencqui ucanacar sarañajj waquisispati? —sasa. Tatitusti saraquïnwa: —Jïsa, sarañamajj waquisiwa —sasa. —¿Cawquirus sarañajjajja? —sasaw Davidajj jisct'asiraquïna. Tatitusti ucjjarojj saraquïnwa: —Hebrón marcar sarañamaw —sasa.

Qullan Arunaka DC

¹ Uka qhipatsti, Davidax Tatituruw jiskt'asïna, jupar sänwa: ——¿Kawkïri markanakatix Judá tuqinkki ukanakar sarañax wakisispati? —sasa. Tatitusti sarakïnwa: —Jïsa, sarañamax wakisiwa —sasa. Ukat Davidax jiskt'asïna: —¿Kawkirus saräxa? —sasa. Tatitusti ukxaruw sarakïna: —Hebrón markar saram —sasa.

2 Samuel 2:1 Jak'a apnaqawi uñst'ayäwi

Génesis 13:18

Uqhamwa Abramajj carpapa apthapisiwayjjäna, ucatsti Mamre sat sutini mä jaken encinas kokanacani ch'umiparu jaquiriw sarjjäna, Hebrón marca jac'aru. Ucanwa Tatitun sutiparu mä altar sayt'ayaraquïna.

Génesis 32:2

Jacobosti ucanac uñjasinjja sänwa: “Acajj Diosan ejercitopawa” sasa. Ucatwa uca chekarojj Mahanaim sas sutichäna.

2 Samuel 15:7

Pusi mara pasjjatatsti Absalonajj reyirojj sänwa: —Nayajj achict'assmawa, jach'a rey, Hebrón chekaru cuntejj Tatituru arscäyätjja uca phokheri sarañajjataqui.

2 Samuel 2:11

Uqhamasti Davidajj Judá triburojj apnakaraquïnwa pakallko mara, sojjta phajjsini, jupasti Hebrón jach'a marcatwa apnakaraquïna.

2 Samuel 5:19

Ucatwa Davidajj Tatituru yanapa mayiraquïna, jisct'asiraquïnwa: —¿Filisteo jakenacarojj nuwantiristti? ¿Jupanacarojj atipjayitätati? —sasa. Tatitusti juparojj saraquïnwa: —Jïsa, nuwantascaquim, nayaw jumarojj jupanacjjaru atipjaña churäma —sasa.

2 Samuel 5:23

Uqhamasti Tatituruw Davidajj wasitat sarasin jisct'asiraquïna, Tatitusti juparojj saraquïnwa: —Jani nayräjjatjja nuwantamti jan ucasti cunapachatejj bálsamo sat kokanacäquis uca chekaru purisinsti khepäjjata jupanacarojj muyuntam, ucatsti nuwantam.

1 Reyes 2:11

Jupasti reyïnwa Israelanjja pusi tunca mara, Hebrón marcanjja pakallk maraw reyïna, Jerusalenansti quimsa tunca quimsani mararaqui.

1 Crónicas 29:7

Jupanacasti templo lurayañataquejja churapjjänwa: pataca sojjta tunca pheskani waranka kilo korinaca, tunca waranka kori kollkenaca, quimsa pataca quimsa tuncani waranka kilo kollke, uqhamarac niya sojjta pataca waranka kilo bronce, ucatsti quimsa millona quimsa patacani waranka kilo hierroraqui.

2 Crónicas 11:10

Zora, Ajalón, uqhamarac Hebrón, sayt'asiñatac perkanacani lurayatänjja, uca marcanacasti Judá, Benjamín ucanacancänwa.

Salmos 143:8

Willjtanacajj munasiñam ist'ayita, take chuymamp jumar iyawsatajj laycu. Sarañajjäqui uca thac uñachayita, jumar almajj catuyasitajj laycu.

Salmos 27:4

Tatitut mä mayisiñajjaquiw utji, ucaquirac thakä: jacañ urunacajjan utapan utjasiña; utapan jupar yupaychañataqui, khapak cancañap uñjasin cusisiñataqui.

Ezequiel 36:37

Tatitusti aqham sascaquiwa: “Mä juc'ampi lurascaquïwa. Cuntejj Israel marcajj mayquitani jupanac laycu lurañajj-jja ucanacsti phokharaquïwa; jakenacapsti mä jach'a tamaruw tucuyjjaraquëjja.

Números 13:22

Néguev sat chekanjam mantasinjja Hebrón sat chekacamaw puripjjäna. Ucanwa jacapjjäna Ahimán, Sesai, Talmai, Anac chachanacan wawanacapajja. Hebronasti luratänwa pakallko mara nayräjja Egiptonquir Zoán marcat sipansa.

Números 27:21

Ucampisa Josué chachajj Eleazar sacerdoter uñstañapawa. Ucatsti Eleazar sacerdotew sutipampi jisct'ani, Urim sat toke. Josué chachaw israelitanacarojj apnakani take cuna lurañanacapansa.

Josué 15:13

Josué chachasti Jefone jaken Caleb yokaparojj Judá tribun orakenacapatjja churaraquïnwa cunjämtï Diosajj Josué chacharojj siscatayna uqhama, ucatsti churänwa Quiriat-arba Hebrón sutini marca, cawquïritï anaquitas jach'a jakenacan wali aytat marcapäcän uca.

Jueces 1:1

Josué chachan jiwjjatapatsti, israelitanacajja Diosaruwa jisct'apjjäna yatiñataqui cawquïr tribusa nayrakata mistsuspa cananeonacampi nuwasiñataqui uca.

1 Samuel 10:22

Ucatwa wasitat Tatituru jisct'apjjäna, Saúl waynajj ucanti jicjjatasi janicha uc yatiñataqui. Tatitusti Saúl waynan ucancascatapjja yatiyänwa, k'epinaca mankhan imantasiscatapa uñacht'ayaraquïna.

1 Samuel 23:2

jupajj sarasin Tatituruw uca toket jisct'asïna, aqham sasa: —Tata, ¿munasmati nayan filisteonac contra nuwasiri sarañajj-jja? Tatitusti saraquïnwa: —Jïsa, sarascaquim, Keila marcarusti khespiyaraquim —sasa.

1 Samuel 23:4

Uqhamasti Davidajj wasitatwa Tatiturojj jisct'asiscaquïna, Tatitusti saraquïnwa: —Jumajj sarascaquim Keila marcaru, nayaw amparamaru filisteonacjja catuyascäma —sasa.

1 Samuel 30:31

Hebrón, uqhamarac cawqhanacantejj jupasa, uqhamarac jakenacapasa sarnakcatayna take ucsanquirinacaruw apayataraquïnjja.