2 Samuel 2:1 - Qullan Arunaka DC

¹ Uka qhipatsti, Davidax Tatituruw jiskt'asïna, jupar sänwa: ——¿Kawkïri markanakatix Judá tuqinkki ukanakar sarañax wakisispati? —sasa. Tatitusti sarakïnwa: —Jïsa, sarañamax wakisiwa —sasa. Ukat Davidax jiskt'asïna: —¿Kawkirus saräxa? —sasa. Tatitusti ukxaruw sarakïna: —Hebrón markar saram —sasa.

Aymar Bibliia 1986

¹ Uca khepatsti Davidajj Tatituruw jisct'asiraquïna, saraquïnwa: —¿Cawquïri marcanacatejj Judá tokencqui ucanacar sarañajj waquisispati? —sasa. Tatitusti saraquïnwa: —Jïsa, sarañamajj waquisiwa —sasa. —¿Cawquirus sarañajjajja? —sasaw Davidajj jisct'asiraquïna. Tatitusti ucjjarojj saraquïnwa: —Hebrón marcar sarañamaw —sasa.

Qullan Arunaca

¹ Uca khepatsti Davidajj Tatituruw jisct'asiraquïna, saraquïnwa: —¿Cawquïri marcanacatejj Judá tokencqui ucanacar sarañajj waquisispati? —sasa. Tatitusti saraquïnwa: —Jïsa, sarañamajj waquisiwa —sasa. —¿Cawquirus sarañajjajja? —sasaw Davidajj jisct'asiraquïna. Tatitusti ucjjarojj saraquïnwa: —Hebrón marcar sarañamaw —sasa.

2 Samuel 2:1 Jak'a apnaqawi uñst'ayäwi

Génesis 13:18

Ukhamasti Abram chachax chhujllap apthapisiwayasax Hebrón markar jakiriw sarxäna, Mamré sat ch'umi jak'aru. Ukan Tatitun sutip jach'añchañatak mä altar sayt'ayäna.

Génesis 32:2

2 (3) Jacobux jupanakar uñjasin säna: “Akax Diosan mä ejercitopawa” sasa. Ukat uka chiqarux Mahanaim sutimpi uchäna.

2 Samuel 15:7

Pusi mara qhipatsti, Absalonax reyiruw säna: —Reyixay, achikt'asïma, Hebrón markar kuntix nayax Tatitur arskäyät uka phuqhiri sarañaxataki.

2 Samuel 2:11

Ukat Davidax Hebrón markan qhiparäna, ukatsti paqallq mara, suxta phaxsiniw Judá marka apnaqäna.

2 Samuel 5:19

Ukat Davidax Tatitur yanap mayisin jiskt'asirakïna: —¿Filisteo jaqinakar katuntiristti? ¿Jupanakar atipjayitätati? —sasa. Tatitusti ukxaruw sarakïna: —Jïsa, katuntaskakim, nayaw jupanakar atipjañamatak yanapäma —sasa.

2 Samuel 5:23

Davidasti wasitat Tatitur jiskt'asïna, Tatitusti juparux sarakïnwa: —Janis jupanakar nayräxat nuwantkam, jan ukasti, jupanakar muyuntam, bálsamo quqanakäkis uka chiqar purisin qhipäxat jupanakar katuntäta.

1 Reyes 2:11

Jupasti pusi tunka maraw Israel marka apnaqawayäna, paqallqu marax Hebrón markana, kimsa tunka kimsan marasti Jerusalén markana.

1 Crónicas 29:7

jupanakasti Tatitun utap lurañatakix patak suxta tunka phisqan waranqa kilo quri, tunka waranqa qurit lurat qullqinaka, kimsa patak kimsa tunkan waranqa kilo qullqi, niya suxta pataka waranqa kilo bronce, kimsa waranqan waranqapa kimsa patakan waranqa kilo hierro churapxäna.

2 Crónicas 11:10

Sorá, Aialón, Hebrón. Uka markanakasti Judá, Benjamín ukanakan jach'a pirqanakani markanakapänwa.

Salmos 143:8

Willjtanakax munasiñamat ist'ayita, taqi chuymamp jumar iyawsatax layku. Sarañaxäki uka thakhi uñachayita, kuntix nayax munkta uk mayisinsma.

Salmos 27:4

Tatitur mä mayisiñaxakiw utji, ukakirak munta: jakañaxkam utapan utjasiña, utapan jupar yupaychañataki, qhapaq kankañap uñjasin kusisiñataki.

Ezequiel 36:37

“ ‘Tatitusti akham saskakiwa: Juk'ampsa luraskakïwa. Kuntix Israel markax jupanak layku lurañax maykitani ukanak phuqhäwa; jaqinakapsti mä jach'a tamaruw tukuyxarakï.

Números 13:22

Négueb wasaranjam mantasin Hebrón chiqakamaw puripxäna. Hebrón markax Soan sat egipcio marka utt'ayaskän ukat paqallq mara nayraw utt'ayasitayna. Uka markan Ahimán, Sesai, Talmai chachanakax jakapxäna, jupanakasti Anac sat jach'a tansa jaqin wawanakapänwa.

Números 27:21

Josué chachax Eleazar sacerdoten nayraqataparuw uñstañapa, Eleazarasti Urim tuqiw sutipxar nayar jiskt'itani. Josué chachaw israelitanakar apnaqani taqi kuna lurañanakapansa —sasa.

Josué 15:13

Josué chachax Jefuné jaqin Caleb yuqaparux Judá ayllun uraqinakapat mä t'aqa churäna. Tatitun arsutaparjamasti, Hebrón marka churäna, Anac sat jach'a tansa jaqin wawanakapan aytat markapa.

Jueces 1:1

Josué chachan jiwxatapatsti, israelitanakax Tatituruw jiskt'apxäna, kawkïr ayllus nayraqata cananeo jaqinakampi nuwasispa uk yatiñataki.

1 Samuel 10:22

ukat Tatiturux wasitat jiskt'apxäna, Saúl waynax ukankaskpachati janicha uk yatiñataki. Tatitusti Saúl waynan q'ipinak manqhan imantatäskatap uñacht'ayäna.

1 Samuel 23:2

jupax Tatituruw jiskt'asïna, akham sasa: —Tatay, ¿nayax filisteonakampi nuwasir sariristti? —sasa. Tatitusti sarakïnwa: —Jïsa, saraskakim, Queilá markarusti qhispiyarakim —sasa.

1 Samuel 23:4

Ukhamasti Davidax wasitat Tatiturux jiskt'asïna, Tatitusti sarakïnwa: —Jumax Queilá markarux saraskakim, nayaw filisteonakarux amparamar katuyäma —sasa.

1 Samuel 30:31

Hebrón, ukhamarak kawkhanakantix jupasa, jaqinakapasa sarnaqkatayna taqi uksankirinakaruw uka churäwinak apayäna.