2 Samuel 5:19 - Qullan Arunaka DC

¹⁹ Ukat Davidax Tatitur yanap mayisin jiskt'asirakïna: —¿Filisteo jaqinakar katuntiristti? ¿Jupanakar atipjayitätati? —sasa. Tatitusti ukxaruw sarakïna: —Jïsa, katuntaskakim, nayaw jupanakar atipjañamatak yanapäma —sasa.

Aymar Bibliia 1986

¹⁹ Ucatwa Davidajj Tatituru yanapa mayiraquïna, jisct'asiraquïnwa: —¿Filisteo jakenacarojj nuwantiristti? ¿Jupanacarojj atipjayitätati? —sasa. Tatitusti juparojj saraquïnwa: —Jïsa, nuwantascaquim, nayaw jumarojj jupanacjjaru atipjaña churäma —sasa.

Qullan Arunaca

¹⁹ Ucatwa Davidajj Tatituru yanapa mayiraquïna, jisct'asiraquïnwa: —¿Filisteo jakenacarojj nuwantiristti? ¿Jupanacarojj atipjayitätati? —sasa. Tatitusti juparojj saraquïnwa: —Jïsa, nuwantascaquim, nayaw jumarojj jupanacjjaru atipjaña churäma —sasa.

2 Samuel 5:19 Jak'a apnaqawi uñst'ayäwi

2 Samuel 2:1

Uka qhipatsti, Davidax Tatituruw jiskt'asïna, jupar sänwa: ——¿Kawkïri markanakatix Judá tuqinkki ukanakar sarañax wakisispati? —sasa. Tatitusti sarakïnwa: —Jïsa, sarañamax wakisiwa —sasa. Ukat Davidax jiskt'asïna: —¿Kawkirus saräxa? —sasa. Tatitusti ukxaruw sarakïna: —Hebrón markar saram —sasa.

2 Samuel 5:23

Davidasti wasitat Tatitur jiskt'asïna, Tatitusti juparux sarakïnwa: —Janis jupanakar nayräxat nuwantkam, jan ukasti, jupanakar muyuntam, bálsamo quqanakäkis uka chiqar purisin qhipäxat jupanakar katuntäta.

1 Reyes 22:6

Ukatsti Israelan reyipax profetanakaruw tantachäna, jupanakasti niya pusi patakanïnwa, ukat jupanakarux jiskt'äna: —¿Galaadankir Ramot markar katuntir sariristti, janicha? —sasa. Profetanakasti ukxaruw sapxäna: —Nuwasir saraskakim, Tatituw uka marka katuyätam —sasa.

Proverbios 3:6

Taqi luräwinakaman Tatitut amtasipunim, jupaw chiqa thakhinjam irpaskätam.

Santiago 4:15

Ukampis akham sapxañamawa: “Dios munan ukax jakaskañäniwa, ukatsti uka aka lurañäni” sasa.

1 Samuel 22:15

¿Jichhakit nayax Davidxat Diosar jiskt'astxa? ¡Janiwa! Uka layku, jumax jach'a munañan rey, janiy aka luqtirimarusa, wila masinakaxarus kuna ñanqhsa luramti, aka luqtirimax janiw kuns aka tuqit yatkiti —sasa.

1 Samuel 23:2

jupax Tatituruw jiskt'asïna, akham sasa: —Tatay, ¿nayax filisteonakampi nuwasir sariristti? —sasa. Tatitusti sarakïnwa: —Jïsa, saraskakim, Queilá markarusti qhispiyarakim —sasa.

1 Samuel 23:4

Ukhamasti Davidax wasitat Tatiturux jiskt'asïna, Tatitusti sarakïnwa: —Jumax Queilá markarux saraskakim, nayaw filisteonakarux amparamar katuyäma —sasa.

1 Samuel 28:6

Ukatsti Tatituruw jiskt'asïna, ukampis Tatitux janiw juparux samkanak tuqisa, Urim tuqisa, profetanaka tuqis jayskänti.