1 Samuel 22:15 - Qullan Arunaca

¹⁵ ¿Jichhaquiti nayajj Diosaru Davidjjatsti jisct'aststi? Janiw cunas uca toketjja utjquiti. Uca laycu jach'a munañan reyejja jan cunsa aca sirvirip contrajj lurpati, ni familianacapa contrasa, sirvirimajj janiw cunsa aca tokenacatjja ni juc'sa, ni waljsa yatquiti uca laycu.

Aymar Bibliia 1986

¹⁵ ¿Jichhaquiti nayajj Diosaru Davidjjatsti jisct'aststi? Janiw cunas uca toketjja utjquiti. Uca laycu jach'a munañan reyejja jan cunsa aca sirvirip contrajj lurpati, ni familianacapa contrasa, sirvirimajj janiw cunsa aca tokenacatjja ni juc'sa, ni waljsa yatquiti uca laycu.

Qullan Arunaka DC

¹⁵ ¿Jichhakit nayax Davidxat Diosar jiskt'astxa? ¡Janiwa! Uka layku, jumax jach'a munañan rey, janiy aka luqtirimarusa, wila masinakaxarus kuna ñanqhsa luramti, aka luqtirimax janiw kuns aka tuqit yatkiti —sasa.

1 Samuel 22:15 Jak'a apnaqawi uñst'ayäwi

2 Samuel 15:11

Jerusalén marcatsti pä pataca jakenacaruw jawsayaraquitayna, uca jakenacasti take chuymaw Absalonampi chicajj sarasipcatayna. Janiraquiw Absalonan uca amtatanacapjja yatipcataynati.

2 Samuel 19:18

Ucatsti jupajj jawira maqhataraquïna, uqhamat reyiru yanapt'añataqui Jordán jawira maqhataniñanjja, uqhamat rey nayrakatanjja mä suma uñjatäñataqui. Cunapachatejj reyejj Jordán jawira jac'aru purinïna ucapachasti Simei chachajj reyin nayrakataparuw alt'asïna,

2 Samuel 19:19

ucat saraquïna: —Jach'a rey, nayajj achict'assmawa, janiquiy juchanacajj-jja amtasimti, janiraqui cuntejj naya sirvirimajj juma contra jan wal lurcta ucsa, cunürutejj jumajj Jerusalenat mistcayät ucapachajja. Nayataquejj janiquiy colerasiñamjja,

2 Samuel 5:19

Ucatwa Davidajj Tatituru yanapa mayiraquïna, jisct'asiraquïnwa: —¿Filisteo jakenacarojj nuwantiristti? ¿Jupanacarojj atipjayitätati? —sasa. Tatitusti juparojj saraquïnwa: —Jïsa, nuwantascaquim, nayaw jumarojj jupanacjjaru atipjaña churäma —sasa.

2 Samuel 5:23

Uqhamasti Tatituruw Davidajj wasitat sarasin jisct'asiraquïna, Tatitusti juparojj saraquïnwa: —Jani nayräjjatjja nuwantamti jan ucasti cunapachatejj bálsamo sat kokanacäquis uca chekaru purisinsti khepäjjata jupanacarojj muyuntam, ucatsti nuwantam.

2 Corintios 1:12

Mayaw nanacarojj cusisiyapjjetu. Chuymanacajjajj sapjjetuwa nanacajj aca orakenjja mä suma chuymampi, uqhamarac k'oma chuymampi sarnakapjjatajja, jumanac taypinjja yämasa. Diosaw qhuyapayasiñapanjja uqham sarnakañataquejj yanapapjjetu, janiw nanacan amuyt'asipjjatanacajj laycuti.

1 Samuel 22:16

Ucampisa reyejj sascaquïnwa: —¡Ahimelec, suma yatisim. Jumasa, take familianacamasa, chekpachansa jiwarapjjätawa! —sasa.

1 Samuel 25:36

Abigail warmisti utapar cuttanjjän ucqhajj Nabal chachaparojj mä jach'a mank'äwi lurasquiri jicjjatäna. Uca jach'a mank'äwisti mä reyitacjamänwa. Uqhamarus wali c'uchiquiraquïnwa, wali machantataraqui. Ucat jupajj janiw cuns siscaraquïnti khepärmanthi alwacamajja.