1 Samuel 22:16 - Qullan Arunaca

¹⁶ Ucampisa reyejj sascaquïnwa: —¡Ahimelec, suma yatisim. Jumasa, take familianacamasa, chekpachansa jiwarapjjätawa! —sasa.

Aymar Bibliia 1986

¹⁶ Ucampisa reyejj sascaquïnwa: —¡Ahimelec, suma yatisim. Jumasa, take familianacamasa, chekpachansa jiwarapjjätawa! —sasa.

Qullan Arunaka DC

¹⁶ Ukampisa reyix saskakïnwa: —¡Ahimélec, yatim, jumasa, taqi wila masinakamas jiwarapxätawa! —sasa.

1 Samuel 22:16 Jak'a apnaqawi uñst'ayäwi

1 Reyes 18:4

Cunapachatï Jezabel warmejj Tatitun profetanacaparu jiwayaña kalltäna ucqhajja, jupajj pataca profetanacaruw apthapïna, ucatjja payaruw jaljäna pheska tuncacama, pä puturuwa imantäna, ucatsti churänwa mank'aña jupanacataqui.

1 Reyes 19:2

Ucatsti Jezabel warmejj mä yatiyirwa Eliasan ucaru qhitäna yatiyaniñapataqui, aqham sasa: “¡Jumatejj Eliasästajja, nayajj Jezabelaraquïtwa! Ucatsti diosanacajj nayarojj walipuni mutuyitpan, kharürojj janitejj aca pachpa horasaru jumar lurcaraquïma, cunjämtï uca profetanacampi lurctajja uqhama ucqhajja” sasa.

Ester (hebreo) 3:6

Ucampis cunjämatejj niya yatiyapjjaraquïna Mardoqueojj cuna casta marcatäquitejj uca, ucjjarusti amuyänwa jan asquïtapa jupa saparuqui mutuyaña, jan ucasti amtänwa cunjäm tokes tucjatäspa judío jakenacajja qhitinacatejj Asuero reyin reinopan jacapcäna ucanacajja.

Proverbios 28:15

Mä jan wali apnaker khoru jilïrejj, wararir leonjamawa, jan ucajj mank'at awtjat osor uñtatawa pobre jakenacar t'akhesiyas apnake.

Daniel (hebreo) 2:12

Uca arunac ist'asinsti reyejj sintipuniw colerasïna, ucat mä aru mistuyaraquïna Babilonia orakena take yatiñani jakenacajj jan mayani jiwarayatäñapataqui.

Daniel (hebreo) 2:5

Reyisti ucjjarojj saraquïnwa: —Jichhasti nayan amtäwejjajj aqhamawa. Janitejj jumanacajj sapquitäta cuntejj samcascta uca uqhamaraqui janitejj uca samca khanañchapquitäta, ucapachasti jumanacajj jisc'a jisc'a tucjatäpjjätawa, utanacamasa mayjaru t'unthapitaraquïniwa.

Mateo 2:16

Cunapachatï Herodesajj magonacan juparu sallkjatapa amuyasïna ucapachajja walpun colerasïna, ucatsti mä arsüwi mistuyaraquïna take yokall wawanacaru jiwarayañapataqui pä maranit aynacharu, take Belenanquirinacaru, uqhamarac uca jac'anquirinacarusa, cunapachatï magonacajj juparu siscatayna uca urunacarjama.

Hechos 12:19

Ucapachasti Herodesajj thaktayänwa. Jan jicjjatjjëpansti, jupajj soldadonacaruw jisct'äna, ucatsti uca soldadonacan jiwarayatäñapataquiw arsuraquïna. Uca khepatsti Herodesajj Judeat mistusinjja Cesarea marcar jacasiriw sarjjäna.

Deuteronomio 24:16

“Awquinacasti janiw wawanacapan juchanacap laycu jiwayatäñ puedquiti, ni wawanacas awquinacan jucha luratanacap laycojj jiwayatäcaspati, jan ucasti sapakat mayniw quipca juchapatjja jiwani.

1 Samuel 14:44

Saúl reyejj art'asiraquïnwa: —¡Diosajj nayar jiwayitpan take ch'amapampi janitejj jiwcäta ucapachajja, Jonatán! —sasa.

1 Samuel 20:31

Jupan aca oraken jacañapcamasti, jumasa uqhamarac reinomasa janiw jumataquïcaniti. ¡Uqhamajj jichhajj saram, ucatsti thaktayanim, acaru irptayaniraquim, jiwañapajj waquisipuniwa! —sasa.

1 Samuel 22:15

¿Jichhaquiti nayajj Diosaru Davidjjatsti jisct'aststi? Janiw cunas uca toketjja utjquiti. Uca laycu jach'a munañan reyejja jan cunsa aca sirvirip contrajj lurpati, ni familianacapa contrasa, sirvirimajj janiw cunsa aca tokenacatjja ni juc'sa, ni waljsa yatquiti uca laycu.

1 Samuel 22:17

Ucatsti janc'aquiw reyejj jupan guardiaparojj ordenaraquïna: —¡Tatitun sacerdotenacaparojj jiwarayapjjam! Jupanacasa Davidampïpjjaraquiquiwa. Jupan jaltascatap yatcasinsa, janiw jupanacajj nayarojj yatiyapquituti —sasa. Ucampisa reyin guardiapajj janiw Tatitun sacerdotenacap contrajj ampar aytañ munapcänti.