1 Reyes 22:6 - Qullan Arunaca

⁶ Israelan reyipasti profetanacaruw tantachäna, ucanacasti niya pusi patacäpjjänwa, ucatwa jupanacarojj jisct'äna: —¿Sariristti, janicha, Galaadanquir Ramot ucarojja? —sasa. Ucatsti jupanacajj ucjjarojj sapjjänwa: —Nuwasir sarascaquim, Tatituwa catuyätam —sasa.

Aymar Bibliia 1986

⁶ Israelan reyipasti profetanacaruw tantachäna, ucanacasti niya pusi patacäpjjänwa, ucatwa jupanacarojj jisct'äna: —¿Sariristti, janicha, Galaadanquir Ramot ucarojja? —sasa. Ucatsti jupanacajj ucjjarojj sapjjänwa: —Nuwasir sarascaquim, Tatituwa catuyätam —sasa.

Qullan Arunaka DC

⁶ Ukatsti Israelan reyipax profetanakaruw tantachäna, jupanakasti niya pusi patakanïnwa, ukat jupanakarux jiskt'äna: —¿Galaadankir Ramot markar katuntir sariristti, janicha? —sasa. Profetanakasti ukxaruw sapxäna: —Nuwasir saraskakim, Tatituw uka marka katuyätam —sasa.

1 Reyes 22:6 Jak'a apnaqawi uñst'ayäwi

1 Reyes 12:9

jupanacarusti sänwa: —¿Cunjämsa jumanacajj amuyt'ayapjjetasma aca jakenacaru sañajjataquejja, cuntejj awquejjajj jupanacjjaru lurañanaca wayt'awayqui ucanaca apakt'añajja mayipquitu ucatjja? —sasa.

1 Reyes 18:19

Jichhasti jakenacaru qhitam, ucatsti take israelitanacaru tantachpan Carmelo sat kolluna, Baal diosan pusi pataca pheska tuncani profetanacaparu, uqhamarac Asera diosan pusi pataca profetanacaparusa, qhitinacarutejj Jezabelajj mank'ayqui ucanacaru.

1 Reyes 18:20

Acab reyejj qhitänwa take israelitanacar jawsanipjjañapataqui, ucatsti tantachänwa profetanacarojja Carmelo kolluna.

1 Reyes 22:10

Israelan reyipasa, uqhamarac Judá ucanquir Josafat reyisa armaduranacapampi ucht'atäsipcänwa, uqhamarac trononacapan kont'atäsipcaraquïnwa, Samariaru mantañawjana suma qhusqhachata orakena; ucanwa take profetanacajj jupanacan nayrakatanacapana jutir urunacat parlañaru uchasipjjäna.

1 Reyes 22:15

Ucatsti jupajj reyin nayrakataparuw saräna, reyejj juparojj jisct'änwa: —Micaías, ¿nuwantir sarapjjeristti Galaadanquir Ramot marcarojja, janicha? —sasa. Ucjjarusti Micaiasajj sänwa: —Nuwasir sarascaquim, ucatsti atipjätawa, Tatitusti jumaruw catuyätamjja —sasa.

1 Reyes 22:5

Ucampis nayrakatajj Tatitun munañapa jisct'am —sasa.

2 Reyes 10:19

Ucatsti jichhajj jawsanipjjam Baal diosan take profetanacaparu, yupaychirinacaru, uqhamarac sacerdotenacaparusa, jan qhitis janiw sispati nayajj mä jach'a sacrificio waquichta Baal diosar loktañataqui. Qhititejj jan jutcani ucasti juchañchatäniwa.” Ucampis Jehú reyejj waquichänwa aca c'ari arunaca, Baal diosar yupaychiri jakenacar jiwarayañataqui;

2 Reyes 3:13

Ucatsti Eliseojj Israelan reyiparojj sänwa: —¿Cuna lurañajjasa jumampejj utjitojja? Saram awquimana profetanacaparu jisct'asiri —sasa. Ucatsti Israelan reyipasti sascaquïnwa: —Janiwa, Tatituwa nanac quimsa reyirojj apanipjjetu, moabitanacan amparaparu catuyañataqui —sasa.

2 Crónicas 18:14

Ucatjja reyin nayrakataparuwa ustäna, ucatsti reyejj juparojj jisct'änwa: —Micaías, ¿Galaadanquir Ramot chekaru nuwirejj sarapjjeristti, janicha? —sasa. Ucjjarusti Micaías profetajj juparojj sänwa: —Nuwirejj sarascaquim, ucatsti atipjätawa, Diosaw jumarojj uca marca catuyätam —sasa.

Isaías 36:10

Uqhamarus jumajj ¿amuytati nayan jutatajja aca marcar t'unjañataqui, jan Diosaman yanapata? ¡Yatim, jupa quipcaw nayarojj jumar t'unjañataqui arup churaraquitu!’

Jeremías 5:31

Cuntejj profetanacajj yatiyapjje ucajj c'ariwa; sacerdotenacasti munañanacaparuw apnakapjjaraqui, ¡marcajjasti uqhamwa munaraqui! Ucampisa ¿cunsa lurapjjäta tucuya urojj purincan ucqhajja?’ ”

Ezequiel 13:22

Jumanacajj c'arisiñanacamampejj asqui jakenacarojj llajlla tucuyapjjtajja, uca lurañsti janiw nayajj muncäyätti, ucampisa ñankha lurir jakenacarojj juc'ampi ch'amañcht'apjjaractajja juc'ampi jan wali luräwinaca lurapjjañanacapataqui, uqhamat nayajj jan jupanacaru jacañ churañajjataqui.

Mateo 7:15

“Amuyasipjjam qhitinacatejj: ‘Diosatwa parlta’ sasa c'arisisa sarnakapqui ucanacatjja. Jupanacasti ovejanacar uñtataw jumanacan ucarojj jutapjje, ucampis chuymapanjja ñankha lunthat kamakenacawa.

2 Timoteo 4:3

Niya purininiwa cunapachatejj jakenacajj jan asqui yatichäwinac catokañ munapcani uca urunacajja; ucampis jupanacan munañanacaparjamaquiw walja yatichirinac thakapjjani, cunjämtejj jupanacajj yatichayasiñ munapjje uc ist'añataquiqui.

Apocalipsis 19:20

Uca jach'a ajjsarcañ animalasti c'ari profetamp chica preso catutäjjänwa. Uca c'ari profetasti milagronaca lurirïtaynawa uca ajjsarcañ animal nayrakatanjja. Jupasti uca milagronacampiraquiw qhitinacatejj uca jach'a ajjsarcañ animalan chimpupampi uscuyascatayn ucanacarojj sallkjatayna. Ucatsti c'ari profetasa, uqhamarac uca ajjsarcañ animalasa asufrempi akasquiri nina kotar jacquirpacha jakontatäpjjänwa.