2 Samuel 17:8 - Qullan Arunaca Jumajj asquiw yattajja, awquimampi uqhamaraqui cawquïri jakenacatejj jupampi chicäqui ucanacasti wali ch'amani chachanacawa, janiraquiw cunsa ajjsarapquiti, jichhasti wali coleratapunïsipcpachawa, cunjämatejj mä osa animalajj wawanacap apakatajj wali coleratajj uqhama. Uqhamarus juman awquimajj guerran nuwasir jakeraquiwa, arumajj janiraquiw mayni jakenacamp chicäpcpachati. Aymar Bibliia 1986 Jumajj asquiw yattajja, awquimampi uqhamaraqui cawquïri jakenacatejj jupampi chicäqui ucanacasti wali ch'amani chachanacawa, janiraquiw cunsa ajjsarapquiti, jichhasti wali coleratapunïsipcpachawa, cunjämatejj mä osa animalajj wawanacap apakatajj wali coleratajj uqhama. Uqhamarus juman awquimajj guerran nuwasir jakeraquiwa, arumajj janiraquiw mayni jakenacamp chicäpcpachati. Qullan Arunaka DC Jumax askiw yattaxa, awkimampi, jaqinakapampix jan axsarir chachanakätapa, jichhasti wali q'apisitäsipkpachawa, kamisatix mä osax qallunakap apaqatax wal qhuruchaski ukhama. Ukhamarus awkimax nuwasiñ yatir jaqiwa, janiw arumax mayni jaqinakap taypin qhantatkaspati. |
Thiyaparusti take oficialanacapaw sayt'asipjjaraquïna, ucañcamasti take cereteonaca, peleteonaca, qhitinacatejj palacio uñjapjjerïcän ucanaca, sojjta pataca geteo jakenaca cawquïrinacatejj Gat sisqui uca marcatpacha jutapcatayna, ucanacaw reyin nayrakatapanjam sarapjjäna.
Jichhas yakha chekan mä putun imantatäscpachawa. Uqhamaraqui juman soldadonacaman mä kawkhani jiwakatapatejj ist'asini nayrïri nuwasiñanjja, ucapachasti yakhepanacajj amuyjjapjjaraquiniwa, juman arquirinacamajj k'ala t'unjatäpcaspas uqhama.
Uqhamasti uca quimsa wali suma chachanacajj, filisteonacan taypiparu mantasinsti Belén puncunquir uma phuch'utjja umwa apsunipjjäna, Davidan umt'añapataqui. Ucampisa jupajj janiw umt'añ muncänti, jan ucasti Tatitutaqui mä ofrendäcaspas uqhamwa waratatäna,
Abisai jakesti, cawquïritejj Joab chachan jilapäna, uqhamaraqui Sarvia sisqui uca jaken yokaparaquïna, ucasti quimsa tuncanjjaru jilïriraquïnwa. Mä cutisti quimsa pataca jakenacaruw nuwantaraquïna, lanzapampisti jiwarayaraquïnwa.
Eliseosti jupanacar uñtasinjja, maldicïnwa Tatitun sutiparu. Ucat ucspachawa pä osojja ch'umit mistunisina jisc'a jisc'a tucjäna jupanacat pusi tunca payaniru.
Jan amuyt'an ñankha amtäwin jakempi jiquisiñat sipansa, walïcaspaw wawanacap aparat khoru osampi jiquintasiñajja.
Mä jan wali apnaker khoru jilïrejj, wararir leonjamawa, jan ucajj mank'at awtjat osor uñtatawa pobre jakenacar t'akhesiyas apnake.
‘Taycamajj mä leonänwa, leonanac taypinwa jacaraquïnjja. Putupsti uca leonanac taypiruw lurasiraquïna, ucanwa león kallunacaparu uywararaqui.
“Payïri animalasti mä osor uñtatjamaraquïnwa, maysa toketjja juc'ampi waytata, maysa toketsti janiraqui, uca animalasti quimsa jaraphi ch'aqhanaca acht'atänwa; ucatsti ist'aractwa aqham siri: ‘¡Saram, ucatsti kawkha aychtejj muncta uca mank'antaniraquim!’ sasa.
Wawanacap chhakhayasiri osar uñtataraquiw jupanacarojj thaquin jicjjatä, ucatsti jisc'a jisc'a chuymapjja tucjä. Mä leonar uñtataraquiw pachparu jupanacjja mank'antä; mä monte animalar uñtataw jupanacarojj tucjä.
Ucampis danitanacajj sapjjaraquïnwa: —Jan uqhama arnakapjjestati, ucataraqui nanacata maynisa colerasisinjja nuwapjjeristam, uqhamatwa jiwapjjasma jumasa uqhamarac familiamasa —sasa.
Ucat jupanacat maynejj arsu: —Nayajj uñjtwa, Belenanquir Isaí chachan mayni yokapaw suma toct'añ yati; uqhamarus guerran nuwasiñataquejj jan ajjsaririwa. Cunapachatejj cunsa parli ucqhajj, wali suma amuyumpiw parli, uqhamarac wali suma uñnakt'ani waynawa. Tatitusti jupampiraquiwa —sasa.
Uqhamwa Davidajj filisteo chacharojj atipjäna. Mä k'orawampi, mä kalampiquiw Davidajj filisteo chacharojj jiwt'ayäna, jan espadampiqui,
Cawquïri imantasiñanacarutejj imantasqui ucanacsti wali suma uñakanipjjam; nayan ucaru yatiyiri cuttanipjjam, cawqhancquitejj ucjja sum yatjjatasa. Ucat nayajj jumanacampi chicaw sarä. Chekpachapuni uca chekancchejja, nayasti c'uchut c'uchu thaksü take uca Judá orakjja, uqhamarac take jakenac taypsa.