Proverbios 17:12 - Qullan Arunaca

¹² Jan amuyt'an ñankha amtäwin jakempi jiquisiñat sipansa, walïcaspaw wawanacap aparat khoru osampi jiquintasiñajja.

Aymar Bibliia 1986

¹² Jan amuyt'an ñankha amtäwin jakempi jiquisiñat sipansa, walïcaspaw wawanacap aparat khoru osampi jiquintasiñajja.

Qullan Arunaka DC

¹² Jan amuyt'ani ñanqha amtäwini jaqimp jikthaptañat sipansa, qallunakap aparat qhuru osamp jikthaptañaw juk'amp walïspa.

Proverbios 17:12 Jak'a apnaqawi uñst'ayäwi

2 Samuel 17:8

Jumajj asquiw yattajja, awquimampi uqhamaraqui cawquïri jakenacatejj jupampi chicäqui ucanacasti wali ch'amani chachanacawa, janiraquiw cunsa ajjsarapquiti, jichhasti wali coleratapunïsipcpachawa, cunjämatejj mä osa animalajj wawanacap apakatajj wali coleratajj uqhama. Uqhamarus juman awquimajj guerran nuwasir jakeraquiwa, arumajj janiraquiw mayni jakenacamp chicäpcpachati.

2 Reyes 2:24

Eliseosti jupanacar uñtasinjja, maldicïnwa Tatitun sutiparu. Ucat ucspachawa pä osojja ch'umit mistunisina jisc'a jisc'a tucjäna jupanacat pusi tunca payaniru.

Proverbios 17:11

Jan ist'asiri pitthapir jakesti nuwasiñanacacwa thake, ucampis khoru qhitanacaw jupatac jutani.

Proverbios 27:3

Kalasa, ch'allasa jathiwa, ucampis jan amuyt'an jaken colerasitapajj ucanacat sipansa juc'amp jathiwa.

Proverbios 28:15

Mä jan wali apnaker khoru jilïrejj, wararir leonjamawa, jan ucajj mank'at awtjat osor uñtatawa pobre jakenacar t'akhesiyas apnake.

Proverbios 29:9

Janiw walïquiti mä yatiñan jakena jan amuyt'an jakempi ch'ajjwañapajja; jan amuyt'ani jakejj colerasiwa, sawcasiraquiwa, ucatsti janiw cuna ascsa jupampejj apscaniti.

Oseas 13:8

Wawanacap chhakhayasiri osar uñtataraquiw jupanacarojj thaquin jicjjatä, ucatsti jisc'a jisc'a chuymapjja tucjä. Mä leonar uñtataraquiw pachparu jupanacjja mank'antä; mä monte animalar uñtataw jupanacarojj tucjä.

Mateo 2:16

Cunapachatï Herodesajj magonacan juparu sallkjatapa amuyasïna ucapachajja walpun colerasïna, ucatsti mä arsüwi mistuyaraquïna take yokall wawanacaru jiwarayañapataqui pä maranit aynacharu, take Belenanquirinacaru, uqhamarac uca jac'anquirinacarusa, cunapachatï magonacajj juparu siscatayna uca urunacarjama.