Oseas 13:8 - Qullan Arunaca

⁸ Wawanacap chhakhayasiri osar uñtataraquiw jupanacarojj thaquin jicjjatä, ucatsti jisc'a jisc'a chuymapjja tucjä. Mä leonar uñtataraquiw pachparu jupanacjja mank'antä; mä monte animalar uñtataw jupanacarojj tucjä.

Aymar Bibliia 1986

⁸ Wawanacap chhakhayasiri osar uñtataraquiw jupanacarojj thaquin jicjjatä, ucatsti jisc'a jisc'a chuymapjja tucjä. Mä leonar uñtataraquiw pachparu jupanacjja mank'antä; mä monte animalar uñtataw jupanacarojj tucjä.

Qullan Arunaka DC

⁸ Qallunakap chhaqhayasir jukumarir uñtataw jupanakarux jikxatä, ukatsti chuymapsa jisk'a jisk'a tukjä. Mä leonar uñtataw jupanakarux pachpan manq'antä; ch'uminkir laq'ur uñtataw jupanakarux tukjarakï.

Oseas 13:8 Jak'a apnaqawi uñst'ayäwi

2 Samuel 17:8

Jumajj asquiw yattajja, awquimampi uqhamaraqui cawquïri jakenacatejj jupampi chicäqui ucanacasti wali ch'amani chachanacawa, janiraquiw cunsa ajjsarapquiti, jichhasti wali coleratapunïsipcpachawa, cunjämatejj mä osa animalajj wawanacap apakatajj wali coleratajj uqhama. Uqhamarus juman awquimajj guerran nuwasir jakeraquiwa, arumajj janiraquiw mayni jakenacamp chicäpcpachati.

Salmos 50:22

Diosat armasirinaca, sum ist'apjjam, ucatarac k'al tucjasipquirisma; janirac qhiti arjjatirs jicjjatasisipcasma;

Salmos 80:13

Ch'uminquir qhuchejj yap k'alpun tucji, ch'umi mankhanquir animalanacasti mank'supjjaraquiwa.

Proverbios 17:12

Jan amuyt'an ñankha amtäwin jakempi jiquisiñat sipansa, walïcaspaw wawanacap aparat khoru osampi jiquintasiñajja.

Isaías 5:29

Wararitapasti mä leonan wararitapjamawa, cunjämatejj mä cuna mank'antañataquis catjasin wararejj uqhama, ucatsti jan qhitin apakcayaraquiw mank'antejja.

Isaías 56:9

Jutapjjam, ch'uminquir animalanaca; jutapjjam, montenquir animalanaca, tamarusti mank'antapjjaraquim;

Jeremías 12:9

Marcajjajj mä suma phuyunacani jamach'jamawa, cawquïrirutejj yakha jamach'inacajj nuwapjjaraqui uqhama. ¡Take montenquir animalanaca jichhajj jutapjjam; jach'a mank'äwi lurañataqui tantacht'asipjjaraquim!

Jeremías 25:38

Mä leonajj putupat mistunqui uqhamaw mistuniraqui, ucatsti jupanacan marcapajj pampa t'unjataw uñjasiraqui, Tatitun colerasiñapajj mä ninjam naqhatap laycu, uqhamaraqui mä jach'a nuwasïwi apayanitapata.

Oseas 2:12

Uva yapunacapsa, higo yapunacapsa tucjäwa, jupasti uca yapunacatjja, sänwa: ‘Aca yapunacwa munirinacajjajj pagota churapjjetu’ sasa. Nayasti uca yapunacapjja korampiw korantayä, ucatsti pampanquir animalanacaraquiw uca yapunacjja mank'apjjani.

Oseas 5:14

Cunjämatejj mä leonajj jaljjatejja, uqhamracwa nayajj lurä Efrainampiru Judá marcampirojja; naya pachpaw jupanacarojj jisc'a jisc'a tucjawayasinsti, sarjjaraquïwa; catuntaraquïwa, ucatsti janiraquiw qhitis aparquitaniti.