2 Samuel 23:16 - Qullan Arunaca

¹⁶ Uqhamasti uca quimsa wali suma chachanacajj, filisteonacan taypiparu mantasinsti Belén puncunquir uma phuch'utjja umwa apsunipjjäna, Davidan umt'añapataqui. Ucampisa jupajj janiw umt'añ muncänti, jan ucasti Tatitutaqui mä ofrendäcaspas uqhamwa waratatäna,

Aymar Bibliia 1986

¹⁶ Uqhamasti uca quimsa wali suma chachanacajj, filisteonacan taypiparu mantasinsti Belén puncunquir uma phuch'utjja umwa apsunipjjäna, Davidan umt'añapataqui. Ucampisa jupajj janiw umt'añ muncänti, jan ucasti Tatitutaqui mä ofrendäcaspas uqhamwa waratatäna,

Qullan Arunaka DC

¹⁶ Ukat ukspachaw uka kimsa jan axsarir chachanakax, filisteonakan campamentop chiqa mantasin Belén punkunkir phuch'ut uma apsunipxäna, ukatsti Davidan ukaruw aparapipxäna. Ukampis jupax janiw umt'añ munkänti, jan ukasti uka um Tatitutak mä waxt'äwïkaspas ukham waranuküna,

2 Samuel 23:16 Jak'a apnaqawi uñst'ayäwi

Génesis 35:14

Jacobojj mä kala ittasin sayt'ayäna mä pilarar uñtata, cawqhantejj Diosajj juparu parljjaycatayna uca chekaru, ucatsti Diosaruw loktjjäna aceitempi, vinompi warjjatt'asa.

2 Samuel 23:9

Ucjjarusti Dodo sat jaken Eleazar yokapa, ahohita sataraqui, jupasti quimsanitjja sinti suma soldadopunïnwa. Davidampi chicaraquiw Pasdamim sisqui uca chekancäna, cunapachatejj filisteonacajj uca chekaru nuwasiñataqui tantacht'asipcän ucapacha, israelitanacasti ucapachajj sarjjapjjaraquïnwa.

1 Crónicas 11:18

Ucatsti quimspachani jan ajjsariri chachanacaw filisteonacan campamentoparu mantapjjäna, ucatjja Belén puncuna phuch'uta uma apsunisinwa Davidan ucaru apanipjjäna. Ucampis Davidajj janiw umt'añ muncänti, jan ucasti Tatitutaquiwa mä ofrendjama waranucüna,

Eclesiastés 4:12

Mayni sapajj atipjatäspawa, ucampis paninejj atipapjjaspawa, uqhamaraqui quimsat c'anat wisqhajj janiw mäqui t'akascaspati.

Lamentaciones 2:19

Sartasim, ucatsti arumanacas arnakasiraquim, ucqhat ucqharu arnakasiraquim; chuymamsti Tatitun nayrakataparu ucharaquim, umjama chuymamas jalaracpan; amparanacamsti juparu mayt'asisa loktaraquim, wawanacaman jacañapataquisa jupat mayiraquim, uca wawanacamasti calle esquinanacanwa mank'atjama jiwarasipcaraqui.

Números 28:7

Vino ofrendatsti sapa ovejatjja mä litro churapjjäta. Aca vinosti santuarionwa waratatasini, Tatitu Diosan jach'a cancañaparu.

Hechos 20:24

Ucampis take acanacajj janiw llaquisiyquituti. Janiraquiw jacañajjas cuna jach'äquis nayataquejja, jan ucasti cuntejj Tatitojj: ‘Luram’ sisquitu uc cusisiñamp phokhañaquiw wact'itu. Ucasti Diosan munasiñap utjatap jakenacar khanañchañaquiwa.

Romanos 5:7

Janiw qhitis jasaquejj mä jake laycu jiwcaspati, ni mä asqui jake laycusa; inas maynejj jiwaracchispa mä suma asqui jake laycu.

2 Corintios 5:14

Criston munasiñaparaquiw jariyapjjetu, maynin takenitaqui jiwatap yatjjasina, ucataracwa takenisa jiwapjjaraqui.

Filipenses 2:17

Nayan quipca jacañajjas sacrificatäcchinejja, cawquïr catuyäwtï iyawsapjjatam laycu Diosaru loktapctas uca phokhañataqui ucajja, nayajj cusistwa, jumanacampi chicaraquiw cusisiractjja.

1 Samuel 19:5

jiwañaru purirjamäcchïnsa, uqhampachasa filisteo jakenacarojj jiwarayascaquïnwa. Uqhamataracwa Tatitojj take israelitanacaru khespiyistu. Jach'a reyisti uca uñjasinjja cusisiraquïnwa. Uqhamasti, ¿cunatarac jach'a reyisti mä jan juchan Davidan jacañap contra jiwayañ amtasin juchañchasiñ muntasti?

1 Samuel 7:6

Israelitanacasti Mizpa chekaruw tantacht'asipjjäna, ucanwa uma apsupjjäna, uca umwa waratatapjjäna mä ofrendäcaspas Tatitutaqui uqhama. Uca urusti ayunapjjänwa, khanwa arsusipjjaraquïna Tatitu contra jucha luratanacapjja. Uca Mizpa chekanjja Samuelojj israelitanacan jach'a jilïripa tucjjaraquïna.