2 Samuel 23:16 - Qullan Arunaka DC

¹⁶ Ukat ukspachaw uka kimsa jan axsarir chachanakax, filisteonakan campamentop chiqa mantasin Belén punkunkir phuch'ut uma apsunipxäna, ukatsti Davidan ukaruw aparapipxäna. Ukampis jupax janiw umt'añ munkänti, jan ukasti uka um Tatitutak mä waxt'äwïkaspas ukham waranuküna,

Aymar Bibliia 1986

¹⁶ Uqhamasti uca quimsa wali suma chachanacajj, filisteonacan taypiparu mantasinsti Belén puncunquir uma phuch'utjja umwa apsunipjjäna, Davidan umt'añapataqui. Ucampisa jupajj janiw umt'añ muncänti, jan ucasti Tatitutaqui mä ofrendäcaspas uqhamwa waratatäna,

Qullan Arunaca

¹⁶ Uqhamasti uca quimsa wali suma chachanacajj, filisteonacan taypiparu mantasinsti Belén puncunquir uma phuch'utjja umwa apsunipjjäna, Davidan umt'añapataqui. Ucampisa jupajj janiw umt'añ muncänti, jan ucasti Tatitutaqui mä ofrendäcaspas uqhamwa waratatäna,

2 Samuel 23:16 Jak'a apnaqawi uñst'ayäwi

Génesis 35:14

Jacobusti uka chiqan qalat mä pilarar uñtat sayt'ayäna, kawkhantix Diosax jupar parlxaykatayna ukkharu, ukatsti aceitempi, vinompi warxatasaw Tatitur luqtxäna.

2 Samuel 23:9

Jupxarusti, Ajoj chiqankir Dodó sat jaqin Eleazar yuqapänwa, jupasti uka kimsanitxa sinti jan axsarir soldadopunïnwa. Eleazarax Davidamp chikaw Pasadamim chiqankäna, kunapachatix filisteonakax Israelar katuntañatak tantachasipkäna, ukat israelitanakax jaltxapxarakïn ukapacha,

1 Crónicas 11:18

Ukatsti kimspach jan axsarir chachanakaw filisteonakan campamentopar mantapxäna, ukatsti Belén markar mantañankki uka phuch'ut uma apsunisin Davidan ukaruw apanipxäna. Ukampis Davidax janiw umt'añ munkänti, jan ukasti, Tatitutakiw mä waxt'äwjam waranuküna,

Eclesiastés 4:12

Mayni sapax atipjatäspawa, ukampis panix atipjapxaspawa, ukhamarus kimsat k'anat wiskax janiw mäki t'aqaskaspati.

Lamentaciones 2:19

Jerusalén, sartasim, arumanakas Tatitur arnaqasim; Tatitun nayraqatapan chuymamsa ch'allxtayasim, umar uñtat jalayarakim; amparanakam luqtas Tatitut mayt'asim, wawanakaman jakañapatakis jupat achikt'asim, uka wawanakamasti marka thakhinakan manq'atjam jiwaraski.

Números 28:7

Vino waxt'atsti sapa ovejat mä litro vino luqtapxani. Uka vinompiw Tatitur jach'añchasa qullan utjäwir warakipapxani.

Hechos 20:24

Uk yatiskasinsa, janiw llakisiykituti. Nayatakix janiw jakañaxas kuna jach'äkisa, nayax kusisitaw tukuykam jalañ munta, kuna lurañtix Tatit Jesusax churkitu uk kusisiñamp phuqhañakiw wakt'itu, ukatsti Diosan munasiñapat suma yatiyäwi arunak jaqinakar qhanañchaña.

Romanos 5:7

Janiw khitis mä jaqi laykux jiwkaspati. Janirakiw mä aski jaqi laykusa; inas maynix mä jaqin aski luratap layku jiwarakchispa.

2 Corintios 5:14

Criston munasiñapaw nanakan utjantasi, maynin taqinitak jiwatap yatxasina, ukhamïpansti, taqiniw nayra jakäwinakar jiwapxaraki.

Filipenses 2:17

Jumanakax Diosar iyawsasaw jupar arkapxtaxa, ukasti juparu luqtäwi katuyatäkaspas ukhamawa. Inas nayarux jiwayapxchitani, jiwataxasti Diosatakix mä luqtäniwa, ukhamäspa ukasti, nayax wali kusisitäyäwa, jumanakampi chikarakiw kusisirakï.

1 Samuel 19:5

filisteo jaqir jiwayañatakix jakañapsa apt'asirpachänwa, ukhamat Tatitux taqi israelitanakar qhispiyi. Juma munañan reyix ukham uñjasax kusisïyätawa. Ukhamasti, ¿kunatarak juma munañan reyisti jan juchani Davidar jiwayasin juchañchjasiñ muntasti? —sasa.

1 Samuel 7:6

Israelitanakasti Mispá chiqaruw tantacht'asipxäna, ukan uma apsusin Tatit nayraqatan mä waxt'äwïkaspas ukham wartapxäna. Uka urusti israelitanakax ayuno lurapxäna, Tatit nayraqatan jucha luratanakapsa qhan arsusipxäna. Samuelux Mispá chiqanwa israelitanakan irpiriparu tukurakïna.