2 Samuel 15:18 - Qullan Arunaca

¹⁸ Thiyaparusti take oficialanacapaw sayt'asipjjaraquïna, ucañcamasti take cereteonaca, peleteonaca, qhitinacatejj palacio uñjapjjerïcän ucanaca, sojjta pataca geteo jakenaca cawquïrinacatejj Gat sisqui uca marcatpacha jutapcatayna, ucanacaw reyin nayrakatapanjam sarapjjäna.

Aymar Bibliia 1986

¹⁸ Thiyaparusti take oficialanacapaw sayt'asipjjaraquïna, ucañcamasti take cereteonaca, peleteonaca, qhitinacatejj palacio uñjapjjerïcän ucanaca, sojjta pataca geteo jakenaca cawquïrinacatejj Gat sisqui uca marcatpacha jutapcatayna, ucanacaw reyin nayrakatapanjam sarapjjäna.

Qullan Arunaka DC

¹⁸ Jilïr yanapirinakapasti David jak'an taqpachani sayt'asipxäna, ukchañkamasti reyi uta uñjiri taqpach cereteonakampi, peleteonakampi, Gat markatpach jupar arkanipkatayna uka suxta pataka geteo jaqinakampix, reyin nayraqatapan siqiki sarantapxäna.

2 Samuel 15:18 Jak'a apnaqawi uñst'ayäwi

2 Samuel 15:17

Reyisti take qhitinacatejj jupampi chica sarcän ucanacampisti marca thiya utäquis ucaruw sayt'apjjäna.

2 Samuel 18:2

Ejercitopa quimsaru jaljasinsti, mayïrïqui ucjja Joab chachaw sarayäna, payïrïqui ucsti Abisai jakew sarayaraqui, cawquïritejj Sarvia sisqui ucan yokapa, Joab chachan jilapäcaraquïna uca; quimsïrïqui ucsti Itai sisqui uca jaken sarayañapataquiw uscüna, uca Itai jakesti Gat marcanquiriraquïnwa. Ucat takpach ejercitorusti saraquïnwa: —Nayajj jumanac chicaw nuwasiri sararaquï —sasa.

2 Samuel 20:23

Joab chachaw Israel marcan ejercitopan jach'a jilïriparaquïnjja, Joiada jaken yokapa Benaía sata jakesti uñjirinacan jilïriparaquïnwa, uca uñjirinacasti cereteonaca, peleteonaca ucanacaraquïnwa.

2 Samuel 20:7

Joab chachan jakenacapasti, cereteonaca, peleteonaca, qhitinacatejj reyin palaciopan guardia lurapjjerïcän ucanacasa, Jerusalén marcan juc'ampi suma soldadonacäcän ucanacasti Abisai jakempi chicaw Jerusalenatjja mistuwayapjjäna, Seba jakeru arctasa.

2 Samuel 6:10

Cunjämatejj jani Tatitun arcapa apaña muncjjapjjänti Davidan Marcaparu, ucatsti Obed-edom sat jaken utaparu jaytanipjjañapataquiw arsuraquïna, jupasti Gat sisqui uca chekanquiriraquïnwa.

2 Samuel 8:18

Benaía sat Joiada jaken yokapasti cereteonacan apnakeriparaquïnwa, uqhamaraqui peleteonacampina. David reyin yokanacapasti sacerdotenacäpjjaraquïnwa.

1 Reyes 1:38

Ucatsti Sadoc sacerdotesa, Natán profetasa, Joiada ucan Benaía yokapasa, uqhamarac cereteonacasa, peleteonacasa sarapjjänwa, ucatsti Salomonarojja David reyin mulaparuwa lat'jjatayawayapjjäna, ucatsti Gihón chekaruw irpapjjäna.

1 Crónicas 18:17

ucatsti Joiada chachan Benaía yokapasti jilïrïnwa cereteonacjjaru, peleteonacjjarusa David reyin wawanacapasti jupan wali yanapirinacapänwa.

1 Samuel 23:13

Uqhamasti Davidampi, jakenacapampijj, niya sojjta patacanïpjjänwa, Keila marcat mistuwayasinsti jan cawcsaru sarañ amtasaquiw sarjjapjjäna. Saúl reyisti Davidan Keila marcat jaltjjatap yatisinjja, janiw cunsa lurcjjaraquïnti, arctañataquejja.

1 Samuel 25:13

Ucatwa Davidajj jakenacaparojj saraquïna: “¡Takeni armanacam catusipjjam!” sasa. Jakenacapasti espadanacapjja cinturanacaparuw wact'asipjjäna, Davidas uqhamaraqui. Ucatsti pusi pataca jakenacaw jupampi chica sarapjjäna. Pä pataca jakenacasti cunanacatejj utjcäna ucanac uñjañataquiw kheparapjjaraquïna.

1 Samuel 27:3

Davidampi jakenacapampisti Gat sisqui uca chekanwa jacapjjäna Aquis sat jakempi, sapa maynisa familiapampi. Davidasti panpacha warminacapjja irpasjjaraquïnwa: Jezreelanquiri Ahinoam sat warmimpi, uqhamarac Abigail warmimpi cuna, cawquïritejj Nabal jaken warmipäcäna uca. Uca Nabal jakesti Carmel chekana utjiriraquïnwa.

1 Samuel 27:4

Saúl reyisti, Davidan Gat tokeru sarjjatap yatisinsti, janiwa arcnakcjjänti.

1 Samuel 30:1

Quimsüru sarakatatsti, Davidampi jakenacapampejj Siclag marcaruw puripjjäna. Ucansti jicjjatapjjaraquïnwa amalecita jakenacajj Néguev sat orakeru mantanipjjatapa, ucatsti Siclag marcaru nuwantapjjatapa t'unjasa, ninampi phichhantasa.

1 Samuel 30:14

Cereteo jakenacan aynacha orakepa saqueyjiriw sarapjjta, ucatsti Judá, Caleb tokenquirinacar uqhamaraqui. Siclag marcarusti ninampiw phichhantapjjta.

1 Samuel 30:9

Davidasti janc'aquiw sarjjaruwayi, jupampi chicäpcäna uca sojjta pataca jakenacasa jupampi chicaraquiw sarapjjaraquïna. Besor sisqui uca jawira thiyaruw puripjjäna.