2 Corintios 10:5 - Qullan Arunaca Uqhampï nanacajj t'unjapjjtjja Dios contra jan wali parlanac utjatapjja, uqhamarac Diosan arunacapajj jan uñt'atäñapataqui jarc'quis uca arunacarusa. Take jakenacan amtatanacapsa Cristoruquiw catuyapjjta, ucanacajj juparu ist'apjjañapataqui. Aymar Bibliia 1986 Uqhampï nanacajj t'unjapjjtjja Dios contra jan wali parlanac utjatapjja, uqhamarac Diosan arunacapajj jan uñt'atäñapataqui jarc'quis uca arunacarusa. Take jakenacan amtatanacapsa Cristoruquiw catuyapjjta, ucanacajj juparu ist'apjjañapataqui. Qullan Arunaka DC ukhamarak Diosan arunakapax jan uñt'atäñapatak jark'ir jach'achasiñ arunakarusa. Jaqin janchi amtatanakapsa Cristoruw katuyapxta, ukhamat jupar jaysapxañapataki, |
Cunapachatejj Tatituru ucqha suma k'aphejj purïna ucqhajj Tatitojj aqham sänwa: “Janipuniw mayampsa aca orakerojj maldiscjjäti jaken juchap laycojja, jakesti waynatpacha ñankha lurañacpunwa amtasquejja. Janiraquiw animalanacarojj mayampsa tucj-jjäti, cunjämtejj jichhajj lurcta uqhama.
¿Qhitirus toktasa, jisc'achtasa? ¿Qhititaquis jach'at arstajja, uqhamarac jach'a cancañampi altorus uñtaractajja? ¡Israelan Kollan Diosap tokew parltajja!
Nayajj colerasitama, jach'achasitama uñt'atajj laycojja, nasamarojj mä argollwa uchäma, lacamarusa mä frenompi, cutt'ayämawa cawquïr thaquinjamtï jutcäyäta ucanjama” sasa.
Ucatpï jichhajj chuymas usuta parlatanacajjatsa jumat jayana pisayastjja, lak'a khellaru kont'ata.”
Ñankha lurir jakejj, jan p'enkanpachaw arsu: “Janiw Diosajj utjquiti, janiw qhitis luratajjat camsquitaniti” sasa. Uqhamac jupajj amuyi.
jumaw kont'atajjsa, sartatajjsa yattajja, lup'itanacajjarojj jayatpach amuytajja.
Jumaw t'akhesiyat jakenacarojj khespiytajja, jach'a jach'a tucurinacarusti jisc'achtawa.
Arojj ist'asajj mäquiw jaysapjjetu; yakha marcanquir jakenacajj k'ayachapjjetuwa,
Ucat faraonasti sänwa: —¿Qhitisa Tatitojja, arup ist'añajjataquejja, uqhamarac israelitanacarus sarjjapjjañapataqui antutañajjataquejja? Janiw nayajj Tatiturojj uñt'cti, uca laycusti janiw antutquiristti israelitanacaru sarjjañapataquejja.
Tatitojj janiw uñjañ munquiti ñankha jakenacan amtäwinacaparojja, ucampis juparojj suma k'oma arunacawa cusisiyi.
Jan amuyt'an jakesti jucha lurañacwa munasqui; ¡jan yäkasir jakesti, uñisitawa jakenacanjja!
Jach'a jach'a tucur jakenacajja, k'ala alt'ayatäpjjapuniniwa. Uca urusti Tatituquiraquiw jach'a cancañap uñacht'ayani,
Khoru jakejj sarnakäwipjja apanucpan, ñankha amtañan jakesti amtañanacapjja apanucpan; Tatitun ucar cuttanjjapjjam, jupasti jumanacatjja qhuyapayasipjjätamwa; Diosasar maqhatjjapjjam, jupasti perdonañataquejj janc'aquiwa.
cayunacapasti ñankha tokeruquiw jalañ munasipqui, jan juchani jaker jiwayiris janc'aquiw jalañ munapjje. Amtañanacapansti jak jiwayañanacac amtasipqui, cawqui chektejj sarapqui uca chekanacansti t'unjatäñaquiw utjasqui.
Qhitinacatejj jumaru t'akhesiyapcäyätam ucanacan wawanacapasti juma nayrakataruw alt'ata jutapjjani, qhitinacatejj jisc'achapcäyätam ucanacasti cayunacamaruw quillt'asipjjani, sapjjaraquïtamwa: ‘Tatitun marcapa’ ‘Israelan Kollan Diosapan Sión kollupa’ sasa.
Jerusalén, ñankhanacatjja chuymam k'omachasim, uqhamatwa jumajj khespita uñjasïta. ¿Cunapachcamas p'ekemanjja amtäta jan wali amtañanacjja?
Take pampanquiri kokanacasti yatipjjaraquiniwa nayan Tatitütajja. Nayajj jach'a jach'a tucuri kokanacarojj liwinuctwa, jisc'a kokanacaruw jiltayaractjja. Ch'ojjña kokanacarojj wañsuytwa, waña kokanacarusti ch'ojjñatatayaractwa. Naya Tatituw ucjja arsta, arsutajjarusti phokharactwa.’ ”
“Jichhajj naya Nabucodonosor reyejj alajjpachanquiri reyirojj yupaycharactwa, jach'acharactwa, wakaycharactwa, cuntejj jupajj lurqui ucanacasti chekapapuniwa, uqhamaraqui qhititejj jach'a jach'a tucqui ucarusti jisc'achjaraquispawa.”
Chuyma mankhatwa jan wali amtañanacajj juti, jake jiwayañanaca, wachoka juch lurañanacasa, lunthatasiñanaca, c'arisiñanaca, uqhamaraqui jakjjata jan wali parlañanacasa.
Jach'a muspharcañ luräwinac luri, uqhamaraquiw jach'a jach'a tucurinacarus atipjaraqui.
Uqham Diosan ch'amanïtapa uñt'apcchisa, jakenacajj janiw Diosarjam yupaychapquiti ni yuspagarapcaraquisa, jan ucasti juc'amp jan cunatac ina lup'ïwinacar chhaktatäpjjewa, jan walinac amtir chuymapasti ch'amact'ataraquiwa.
Uca quipca Jesucristo tokeraquiw Diosajj jiwasanacar suma luraña churistu, sutipan jiwasanacajj arunacap yatiyir sarañasataqui take acapachanquirinacar jupar arquiri tucuyañataqui.
Jichhasti take acanacajj khanañchasiwa Kellkatanac toke, cawquïrinactejj profetanacajj jaytawaycatayna wiñay Diosan arunacaparjama uca. Aca jan uñt'at yatichäwisti khanañchasiwa take jakenacajj juparu iyawsapjjañapataqui, jaysapjjañapataquiraqui.
ucampis naya quipcanjja mayaw utjitu, cuntejj nayajj muncta uca contrawa, ucasti janchejjancquis uca juchan munañapawa, ucan catuntataraquïtwa.
Kellkatanacansti saraquiwa: “Wali yatiñan jakenacan yatitanacapjja t'unjäwa, Maysaruraquiw amuyt'ir jakenacan amuyunacapsa apanucöjja” sasa.
Acapacha yatiñ cancañasti Diosataquejj lokhe cancañawa. Diosan Arupasti saraquiwa: “Diosajj yatiñan jakenacarojj jupanacan pachpa sallka chuymampi amtatanacaparuw jalantayi.”
Ucampis jumanacajj janiw arsusipctati uca ch'amampi sirviyasirinacarojja, jumanacan tucjirinacarusa, jumanacar jisc'achirinacarusa, uqhamarac jumanacar nuwirinacarusa.
Aca yanapasti jupanacarojj Tatitun arunacaparjam sarnakapjjatamwa uñacht'ayani, ucatsti jupanacajj Diosaruw yupaychapjjani. Diosarusti jach'aruraquiw aptapjjani, jumanacajj uqham cusisit chuymampi jupanacataquis, takenitaquis apthapt'apjjatamatjja.
Janirac jumanjja aca jan wali amtäwejj utjcpanti: ‘Niyaw jac'äjje pakallköri marajja, cawquïri marantejj manunacajj perdonasqui ucajj’ sasa, uqhamat jan wali ajanumpi pobren jicjjatasiri jila masimarojj uñcatañataqui, janiraqui cunsa mayt'cätati ucapachajj jupajj Diosaruwa juma contra mayisini, uca luratamasti jucharaquïniwa.
Diosajj jumanacarojj churapjjaraquïtamwa samarañapa, ucasti take cuntejj jakejj amuyt'caspas ucat juc'amp jach'awa. Uca samarañasti jumanacan chuymanacamsa, amuyunacamsa imaniwa Cristomp mayaquïpjjatam laycu.
Acawa take cunatejj Diosancquis uca contra sayt'iri uñisirejja. Jupasti Diosan templopan kont'asiñcamaw puri Diosäcaspas uqhama, ucatsti jupa pachpaw Diosat uñt'ayasiraqui.
Ucatsti qhä ñankha jakejj uñstaniniwa, Tatit Jesusasti saman phust'apampiquiw jiwayani, c'ajquir jutäwipampiw t'unjaraquini.
Diosan arupasti jacasquiwa, jach'a ch'amaniraquiwa. Purapar arini espadat sipansa juc'ampi ariraqui, ucasti almampir ajayumpirojj juc'amp mankhacamaw puri, lup'ïwinacsa, chuyman amtäwinacapsa khanstayaraquiwa.
Uqhama suma tucuyatäsinjja wiñay khespiyasiñ chuririw tucu take jupar jaysirinacarojja;
Take jumanacarusti Dios Awquiw ajllisipjjtam nayratpacha amtataparjama. Kollan Ajayu tokeraquiwa jumanacarojj jupataqui yakhachasipjjtam, jupar jaysapjjañamataqui, Jesucriston wilapampi k'omachatäpjjañamataquiraqui. Jumanacasti Diosan bendicionanacapjja jilarquiri catokapjjam, uqhamarac suman sarnakasiñsa.
Jichhajj jumanacajja, Kollan Ajayu toke Tatitun arunacap ist'asinjja, almanacamjja k'omachasjjapjjtawa jilatanacaru chekpachan munañataqui. Uqhamajj maynit maynicamaw munasipjjañama take chuyma, uqhamarac take ch'amampi.