2 Corintios 10:5 - Qullan Arunaka DC

⁵ ukhamarak Diosan arunakapax jan uñt'atäñapatak jark'ir jach'achasiñ arunakarusa. Jaqin janchi amtatanakapsa Cristoruw katuyapxta, ukhamat jupar jaysapxañapataki,

Aymar Bibliia 1986

⁵ Uqhampï nanacajj t'unjapjjtjja Dios contra jan wali parlanac utjatapjja, uqhamarac Diosan arunacapajj jan uñt'atäñapataqui jarc'quis uca arunacarusa. Take jakenacan amtatanacapsa Cristoruquiw catuyapjjta, ucanacajj juparu ist'apjjañapataqui.

Qullan Arunaca

⁵ Uqhampï nanacajj t'unjapjjtjja Dios contra jan wali parlanac utjatapjja, uqhamarac Diosan arunacapajj jan uñt'atäñapataqui jarc'quis uca arunacarusa. Take jakenacan amtatanacapsa Cristoruquiw catuyapjjta, ucanacajj juparu ist'apjjañapataqui.

2 Corintios 10:5 Jak'a apnaqawi uñst'ayäwi

Génesis 8:21

Kunapachatix uka suma q'aphix Tatitun ukar purïna ukkhasti, Tatitux akham sänwa: “Janipuniw mayampsa aka uraqirux jaqin jucha luratap laykux ñanqhachkxäti, jaqix waynatpacha ñanqha lurañak amtaski. Janirakiw animalanakarus mayampsa tukjkxäti, kunjämtix jichhax lurktxa ukhama.

2 Reyes 19:22

¿Khitirurak ñanqhachta, jisk'acharaktasti? ¿Khititakirak jach'at arsta, jach'achasiñampi uñkataraktasti? ¡Israelan Qullan Diosapatakiw parltaxa!

2 Reyes 19:28

Nayax q'apisirïtama, jach'achasirïtam uñt'smawa, ukat nasamarux mä argolla uchäma, lakamarusti mä jakima uchäma, kawkïr thakhinjamtix jutkta ukanjam kutt'ayarakïma” sasa.

Job 42:6

Ukatpï jichhax laq'a taypina, qhilla taypin qunt'ata taqi arsutanakaxat chuym liq'istxa.

Salmos 10:4

Ñanqha lurir jaqix, nasa qhiwtasaw arsu: “Janiw Diosax utjkiti, janiw khitis lurataxat wayt'irix utjkiti” sasa. Ukak jupax lup'iski.

Salmos 139:2

jumaw qunt'ataxsa, sartataxsa yattaxa; lup'itanakaxsti jayatpach amuytaxa.

Salmos 18:27

27 (28) Jumaw t'aqhisiyat jaqinakarux qhispiytaxa, jach'a jach'a tukurinakarusti jisk'achjtawa.

Salmos 18:44

44 (45) Arux ist'asax mäkiw jaysapxitu; yaqha markankir jaqinakaw jach'achapxitu,

Éxodo 5:2

Ukampis faraonax sänwa: —¿Khitirak Tatitusti, nayan jupar ist'añaxataki, israelitanakarus antutaskañaxatakixa? Janiw nayax Tatiturux uñt'kti, janirakiw israelitanakarus sarañapatak antutkäti —sasa.

Proverbios 15:26

Tatitux ñanqha lurir jaqinakan amtäwinakaparux uñisiwa, ukampis juparux suma quña arunakaw kusisiyiwa.

Proverbios 24:9

Jan amuyt'asir jaqin amuyupax jucha lurañakiwa; ¡jan yäqasir jaqix, taqinin uñisitawa!

Isaías 2:17

Jach'a jach'a tukur jaqinakaxa, p'iqi waytat jaqinakasa, q'ala aynacht'ayatäpxaniwa. Uka urusti Tatitukiw jach'ar aptatäni,

Isaías 55:7

Qhuru jaqix sarnaqäwip apanukpan, ñanqha amtañan jaqisti uka amtañanakap apanukpan; ukatsti Tatitun ukar kuttanxapxam, jupasti jumanakat khuyapayasipxätamwa; Diosasar makhatxapxam, jupasti juchanak pampachañatakix jank'akiwa.

Isaías 59:7

kayunakapax ñanqha tuqirukiw jalañ munaski, jan juchan jaqinakar jiwayiriw jank'ak jalaski. Amtañanakapansti jaqi jiwayañanakak amtasipki, kawki chiqtix sarapki uka chiqanakansti t'unjatäñakiw utjaski.

Isaías 60:14

Khitinakatix t'aqhisiyapkäyätam ukanakan wawanakapasti, juman nayraqatamaruw alt'at jutapxani, khitinakatix jisk'achapkäyätam ukanakasti, kayunakamaruw killt'asipxani, sapxarakïtamwa: ‘Tatitun markapa’, ‘Israelan Qullan Diosapan Jerusalén markapa’ sasa.

Jeremías 4:14

Jerusalén, ñanqhanakat chuymam q'umachasim, ukhamat jumax qhispit uñjasïta. ¿Kunapachkamas uka jan wali amtañanakampix apnaqayasïta?

Ezequiel 17:24

Pampankir taqi quqanakasti nayan Tatitütax yatipxani. Nayaw jach'a jach'a tukuri quqanakarux liwinukta, jisk'a quqanakarusti jiltayaraktwa. Nayaw ch'uxña quqanakarux wañsuyta, waña quqanakarusti ch'uxñatatayaraktwa. Naya, Tatituw uk arsta, arsutaxarusti phuqhapuntwa.’ ”

Daniel (hebreo) 4:37

37 (34) “Ukat jichhaxa, naya, Nabucodonosor reyix alaxpachankir Reyiru yupaychta, jach'añchta, waqaycharakta, jupan luräwinakapax chiqapapuniwa, jach'a jach'a tukurinakarusti jisk'achjarakiwa.”

Mateo 15:19

Chuyma manqhat mistu: jan wali amtañanaka, jaqi jiwayañanaka, wachuqa jucha lurañanaka, lunthatasiñanaka, k'arisiñanaka, jaqxat jan wali parlañanaka.

Lucas 1:51

Jach'a ch'amapampiw taqi kuns luri, jach'a jach'a tukurinakarus atipjaraki,

Romanos 1:21

Diosar ukham uñt'kasasa, janiw Diosarjam yupaychapkiti, janirakiw yuspagarapkisa. Jan ukasti, juk'ampi jan wali lurañanakak lup'ipxi, amuyunakapas q'ala ch'amakt'atawa.

Romanos 1:5

Jesucristo tuqiw apostolüñatak katuqta, lurañanakap phuqhañataki, ukhamat sapa mayni markanakan jupar iyawsas jaysapxañapataki.

Romanos 16:26

ukampis jichhax profetanakan qillqatanakap tuqiw uñachayasi, wiñay jakir Diosan arunakaparjama. Diosan imantat aka amtäwipax taqi markanakaruw yatiyasi, ukhamat iyawsapxañapataki, jaysapxañapatakiraki.

Romanos 7:23

ukampis naya pachpan amuyuxampis nuwaskaspa ukham amuyta: ukasti juchan munañapawa, ukaw nayxanki, ukan katuntatarakïtwa.

1 Corintios 1:19

Qillqatan siwa: “Yatiñan jaqinakan yatiñ kankañap chhaqtayä, ch'ikhi jaqinakan ch'ikhi kankañapsa tukjarakïwa” sasa.

1 Corintios 3:19

Akapach yatiñ kankañasti Diosatakix luqhi kankañawa. Qillqatax siwa: “Diosax yatiñaninakarux pachpa sallqa yatiñapampiw katunti” sasa.

2 Corintios 11:20

khitinakatix ch'amampi t'aqhisiyapktam, sallqjapktam, uñisiñat ajanut t'axllipktam ukanakarusa.

2 Corintios 9:13

Aka yanapasti jupanakarux Criston suma yatiyäwi arunakarjam sarnaqapxatam uñacht'ayani, ukatsti jupanakax Diosaruw yupaychapxani, jumanakan ukham kusisit chuymampi jupanakatakisa, taqinitakis yanapanak apthapipxatamatxa Diosarux jach'añchapxarakiniwa.

Deuteronomio 15:9

Janirak chuymaman aka jan wali amtäwix utjkpanti: ‘Niyaw paqallqüri marax jak'äxi, manunakat pampachañ maraxa’ sasa, ukat jan wali ajanump pist'añan jikxatasir marka masimar uñkatxasma, janirak kunsa mayt'kxasmati; jupasti ukapachax Diosaruw jumar ñanqhachas mayisini, uka luratamasti jucharakïniwa.

Filipenses 4:7

Ukkhakiw Diosax jumanakarux samarañap churapxätam, uka samarañapasti jaqitakix jan amuyt'kayawa; uka samarañarakiw jumanakan chuymanakama, amuyunakamsa imani Cristonkapxatam layku.

2 Tesalonicenses 2:4

Jupax Diosan sutip apki ukanakatak sayt'ir uñisiriwa, janiw Diosan yupaychatäñap munkiti, ukhamarus jupax Diosan utapan qunuñap utt'ayasi, Diosäkaspas ukham tukusa.

2 Tesalonicenses 2:8

Ukatsti uka ñanqha jaqiw uñstanini, juparusti Tatit Jesusax lakapampi phust'asakiw tukjani, ukatsti kunapachatix k'ajkir jutäwipampi jutkan ukkhax jisk'aruw tukuyani.

Hebreos 4:12

Diosan arupax jakaskiriwa, ch'amanirakiwa. Purapar arini espadat sipan juk'ampi ariwa, ukasti jaqin ajayupkama, ch'akhapkama, parpapkama purir aruwa; lup'ïwinaksa, chuyma manqhan amtäwinaksa qhanstayiwa.

Hebreos 5:9

ukham t'aqhisisasti jupar iyawsirinakatakix wiñay qhispiyasiñ chuririw tukuwayi,

1 Pedro 1:2

Jumanakarusti nayratpach Dios Awkix amtataparjam ajllisipxtam. Ajay tuqiw jupatak yaqhachasipxtam, ukhamat jupar jaysapxañamataki, Jesucriston wilapamp q'umachatäpxañamataki. Jumanakasti Diosan jilarkir waxt'äwinakap katuqapxam, suman sarnaqasiñ katuqapxarakim.

1 Pedro 1:22

Jumanakasti, Tatitun arunakapar jaysasinxa, jilatanakar chiqpach munañatakiw q'umachasxapxtaxa. Ukhamax maynit maynikamax taqi chuymampi, taqi ch'amamp munasipxañamawa.