2 Corintios 9:13 - Qullan Arunaca

¹³ Aca yanapasti jupanacarojj Tatitun arunacaparjam sarnakapjjatamwa uñacht'ayani, ucatsti jupanacajj Diosaruw yupaychapjjani. Diosarusti jach'aruraquiw aptapjjani, jumanacajj uqham cusisit chuymampi jupanacataquis, takenitaquis apthapt'apjjatamatjja.

Aymar Bibliia 1986

¹³ Aca yanapasti jupanacarojj Tatitun arunacaparjam sarnakapjjatamwa uñacht'ayani, ucatsti jupanacajj Diosaruw yupaychapjjani. Diosarusti jach'aruraquiw aptapjjani, jumanacajj uqham cusisit chuymampi jupanacataquis, takenitaquis apthapt'apjjatamatjja.

Qullan Arunaka DC

¹³ Aka yanapasti jupanakarux Criston suma yatiyäwi arunakarjam sarnaqapxatam uñacht'ayani, ukatsti jupanakax Diosaruw yupaychapxani, jumanakan ukham kusisit chuymampi jupanakatakisa, taqinitakis yanapanak apthapipxatamatxa Diosarux jach'añchapxarakiniwa.

2 Corintios 9:13 Jak'a apnaqawi uñst'ayäwi

Salmos 50:23

nayar yuspagarirejj jach'aruw aptitu; asqui thaquejjan saririrusti Diosan khespiyäwip uñjayä” sasa.

Mateo 5:16

Uqhamaraqui jumanacan khanamajj jakenacataquejj khant'aracpan. Uqham suma wali luräwinacam uñjasa jumanacan Dios Awquimaru yupaychapjjañapataqui.

Mateo 9:8

Cunapachatejj jakenacajj uc uñjapcän ucqhajja wali ajjsarapjjäna, Diosarusti yupaychapjjaraquïnwa, uqham jakenacaru ch'ama churatapata.

Lucas 6:46

“¿Cunatarac jumanacasti: ‘Tata, Tata’ sapjjesta, ucatjja janirac cuntï sapcsma ucjja lurapctati?

Juan 15:8

Awquejjajj jach'achatawa cunapachatejj jumanacajj walja achupcta ucqhajja, uqhamatwa uñacht'ayapjjaracta nayan chekpach discipulonacajjätanacama.

Hechos 11:18

Ucanac ist'asinsti Jerusalenanquir jilatanacajj amuct'apjjewa. Diosarusti aqham sasaw yupaychapjjaraquïna: —Uqhamajj jan judiöpquis uca jakenacarojj Diosajj arrepientisiñjj churaraquiwa wiñay jacañanïpjjañapataqui —sasa.

Hechos 4:21

Ucatsti jilïrinacajj ajjsarañanac churasawa qhitanucjjapjje. Marcar ajjsarasinsti janiw cunjämats mutuyañjamäcänti, takeni Diosar yupaychapjjatap laycu cunatejj lurascatayna ucata.

Romanos 10:16

Ucampis janiw qhitis yäkquiti khespiyasiñ arunacjja. Cunjämtï Isaías profetajj sisqui uqhama: “Tatitu, ¿qhitis suma yatiyäwisarojj iyawsejja?” sasa.

Romanos 12:8

Maynitejj mayninacaru ch'amachañ yatchejja, ucaruy uchaspan; qhititejj churaña yatekejja, take chuyma churpan; qhititejj sarayañ yatchejja, amuyumpi saraypan; pist'atanacar yanapt'aña yatchejja, cusisit chuymampi churaracpan.

Romanos 15:31

Mayipjjaraquim Judean utjquis uca jan iyawsirinacat imatäñajjataqui, nayajj apcta uca ofrendajj wali suma catokatäñapataqui Jerusalenancquis uca jilatanacana,

Romanos 16:26

Jichhasti take acanacajj khanañchasiwa Kellkatanac toke, cawquïrinactejj profetanacajj jaytawaycatayna wiñay Diosan arunacaparjama uca. Aca jan uñt'at yatichäwisti khanañchasiwa take jakenacajj juparu iyawsapjjañapataqui, jaysapjjañapataquiraqui.

2 Corintios 10:5

Uqhampï nanacajj t'unjapjjtjja Dios contra jan wali parlanac utjatapjja, uqhamarac Diosan arunacapajj jan uñt'atäñapataqui jarc'quis uca arunacarusa. Take jakenacan amtatanacapsa Cristoruquiw catuyapjjta, ucanacajj juparu ist'apjjañapataqui.

2 Corintios 2:12

Cunapachatï Troas marcar Cristo Tatitun arunacap parlañataqui purincta ucqhajja, walipunïnwa uca marcan Tatitutac irnakañajja.

2 Corintios 8:4

Nanacarusti churapjjam sapjjaquitay, Tatitun marcapar yanapt'apjjañajjataqui sasaw walpun achict'asipjjetu.

2 Corintios 9:14

Jupanacasti jumanacataquejj take munasiñampiw Diosat mayipjjaraquini, Diosajj jumanacar jach'a qhuyapayasiñap uñacht'ayatapata.

Gálatas 1:24

Nayatjja Diosarojj yupaychapjjaraquïnwa.

1 Timoteo 6:12

Iyawsäwin suma nuwasiñapan nuwasim, wiñay jacaña jicjjataraquim ucataquiw Diosajj jawstam, iyawsäwin suma arsüwipwa lurawayta takenin uñjcaya.

1 Timoteo 6:13

Jichhasti Diosan nayrakatapanaraqui, cawquïritejj take cunaru jacañ churqui ucaru, uqhamarac Jesucriston nayrakatapana, jupasti suma arsüwi khanañcharaqui Poncio Pilaton nayrakatapana. Ewjjsmawa

Hebreos 10:23

Ch'aman sayt'asipjjañäni, jan pächasisa, iyawsäwisanjja cuntejj suyt'ctan ucanjja, Diosasasti phokhaniwa cuntejj arsuwayquistu ucjja.

Hebreos 13:16

Janiraqui armt'asipjjamti asqui lurañatjja, uqhamarac maynit maynicama cunanacamatejj utjapctam uc jaljasiñsa; uca casta sacrificiow Diosarojj cusisiyi.

Hebreos 3:1

Uqhamajj Diosar catuyat jilatanaca, jumanacasti qhitinacarutï Diosajj jupatac jawsapctam ucanacäpjjtawa. Wal amuyapjjam Cristo Jesusatjja, jupasti iyawsañan arcäwisanjja mä apostolowa jilïri sacerdoteraqui.

Hebreos 4:14

Diosan Yokapa Jesusaw jiwasan jach'a jilïri sacerdotesajja. Juparaquiw Diosan nayrakataparojj mantejja. Ucatwa juparojj take iyawsañasampi arcañasajja.

Hebreos 5:9

Uqhama suma tucuyatäsinjja wiñay khespiyasiñ chuririw tucu take jupar jaysirinacarojja;

1 Pedro 2:9

Ucampis jumanacajj ajllit jakenacäpjjtawa, reyir sirviri tucuyat sacerdotenacäpjjaractawa; mä k'oma marcäpjjtawa; Diosan ajllisit marcapäpjjaractawa. Acasti lurasiwa, jumanacajj Diosan muspharcañ luräwinacap yatiyapjjañamataqui. Uca Diosaraquiw jumanacarojj ch'amacat irpsusinjjapjjtam, suma muspharcañ khanapar mantjjapjjañamataqui.

1 Pedro 4:11

Maynitejj parlchejja, Diosan arunacaparjam parlpan. Maynitejj qhitirus mä asqui lurchejja, Diosan ch'amapampi ucjja lurpan. Take cuntejj lurapjjta ucajja Diosar yupaychañataquïpan Jesucristo toke, juparuraqui munañanïñasa, jach'a cancañasa churatäpan wiñayan wiñayapataqui. Uqhamäpan.

Rut 2:19

Noemí warmisti Rut warmirojj jisct'änwa: —¿Cawqhansa jichhürojj irnakta? ¿Cawqhataraqui walja cebada puyanac apthapinta? ¡Bendicitäpan cawquïri jaketejj uqham yanapctam ucajja! —sasa. Rut warmejj yatiyänwa taycch'iparojj cawquïri jakempitejj irnakcäna uca. Jupasti saraquïnwa: —Cawquïr jakempitejj irnakcta ucajja, Booz satawa —sasa.