2 Corintios 9:13 - Qullan Arunaka DC

¹³ Aka yanapasti jupanakarux Criston suma yatiyäwi arunakarjam sarnaqapxatam uñacht'ayani, ukatsti jupanakax Diosaruw yupaychapxani, jumanakan ukham kusisit chuymampi jupanakatakisa, taqinitakis yanapanak apthapipxatamatxa Diosarux jach'añchapxarakiniwa.

Aymar Bibliia 1986

¹³ Aca yanapasti jupanacarojj Tatitun arunacaparjam sarnakapjjatamwa uñacht'ayani, ucatsti jupanacajj Diosaruw yupaychapjjani. Diosarusti jach'aruraquiw aptapjjani, jumanacajj uqham cusisit chuymampi jupanacataquis, takenitaquis apthapt'apjjatamatjja.

Qullan Arunaca

¹³ Aca yanapasti jupanacarojj Tatitun arunacaparjam sarnakapjjatamwa uñacht'ayani, ucatsti jupanacajj Diosaruw yupaychapjjani. Diosarusti jach'aruraquiw aptapjjani, jumanacajj uqham cusisit chuymampi jupanacataquis, takenitaquis apthapt'apjjatamatjja.

2 Corintios 9:13 Jak'a apnaqawi uñst'ayäwi

Salmos 50:23

nayar yuspagaririx jach'aruw aptitu; thakhixan sarnaqirirusti nayaw qhispiyä” sasa.

Mateo 5:16

Uka pachpay jumanakan qhanamax jaqinak nayraqatan qhantpan, ukhamat aski luräwinakam uñjasin Dios Awkimar taqpachan yupaychañapataki.

Mateo 9:8

Uk uñjasinsti, jaqinakax wal axsarapxäna, ukatsti Diosaruw yupaychapxäna jaqinakar ch'am churatap layku.

Lucas 6:46

“¿Kunatarak jumanakasti: ‘Tatay, Tatay’ sapxista, ukat janirak kuntix sapksma uk lurapktasti?

Juan 15:8

Jumanakatix walja achu churasa, ukatsti nayan chiqpach yatiqirinakaxätanakam uñacht'ayas jakapxätaxa, Awkixax jach'achataw jikxatasini.

Hechos 11:18

Jerusalenankir jilatanakasti ukanak ist'asin amukt'apxiwa, ukatsti Diosaruw yupaychapxi, muspharataw sapxaraki: —Ukhamax Diosax jan judiöpkis uka jaqinakan jupar kutikipstapxañap munaraki, ukhamat wiñay jakañanïpxañapataki —sasa.

Hechos 4:21

Uka jilïrinakasti axsarañ churasaw apostolunakar khithanukxapxi. Markar axsarasin janiw kunjämatsa jupanakar mutuyañ jikxatapkänti, kunatix luraskatayna ukat Diosar taqin yupaychapxatap layku.

Romanos 10:16

Ukampis janiw taqpachan Diosan suma yatiyäwi arup iyawsapkiti. Kamisatix Isaías profetax siski: “Tatay, ¿khitirak yatiyatasar iyawsisti?” sasa.

Romanos 12:8

khititix mayninakar ch'amañcht'añ waxt'äwi katuqki ukax, ch'amañchañaruy uchaspan. Yänak churirix jisk'ar tukt'asay churpan; khititix sarayañatak uchatäki ukasti, wali amuyumpi saraypan; khititix pist'atanakar yanapki ukax, kusisiñampiy yanappan.

Romanos 15:31

Judeankir jan iyawsir jaqinakat Diosan nayar imañapatak mayipxarakim, ukatsti kuna yanaptix Jerusalenankir jilatanakatak apkta uk kusisit katuqasipxañapataki,

Romanos 16:26

ukampis jichhax profetanakan qillqatanakap tuqiw uñachayasi, wiñay jakir Diosan arunakaparjama. Diosan imantat aka amtäwipax taqi markanakaruw yatiyasi, ukhamat iyawsapxañapataki, jaysapxañapatakiraki.

2 Corintios 10:5

ukhamarak Diosan arunakapax jan uñt'atäñapatak jark'ir jach'achasiñ arunakarusa. Jaqin janchi amtatanakapsa Cristoruw katuyapxta, ukhamat jupar jaysapxañapataki,

2 Corintios 2:12

Kunapachatix Tróade markar Criston suma yatiyäwi arunakap yatiyir purkäyät ukkhaxa, Tatitutak irnaqañax uka markan walipuniw utjäna.

2 Corintios 8:4

nanakarux achikt'apxitäna, Diosan markapatak yanapt'a apthapipkta ukan yanapasiñataki.

2 Corintios 9:14

Ukhamarus taqi munasiñampiw jumanakatak Diosat mayipxani, jach'a khuyapayasiñ Diosan jumanakar uñacht'ayatapata.

Gálatas 1:24

Uk yatisasti Diosaruw nayat yupaychapxäna.

1 Timoteo 6:12

Iyawsäwin nuwasiñäki ukatak wakicht'asim; janipun wiñay jakañ chhaqhayasimti, Diosasti ukatakiw jawstam, jumasti ukarak Diosar iyawsatamat taqinin nayraqatapan arsusktaxa.

1 Timoteo 6:13

Jichhasti taqi kunar jakañ churir Diosan nayraqatapan sisma, Poncio Pilaton nayraqatapan aski luräwit arsur Jesucriston nayraqatapan saraksma,

Hebreos 10:23

Ch'aman sayt'asipxañäni, jan pächasisa, kuntix suyktan uk iyawsasina, Diosasti kuntix arsuwaykistu uk phuqhaniwa.

Hebreos 13:16

Jumanakasti mayninakar aski lurañsa, kunatix utjapktam uk mayninakampi jaljasiñsa jan armasipxamti; uka luräwinakaw Diosarux kusisiyi.

Hebreos 3:1

Ukhamasti, jilatanaka, jumanakasti Diosan jawsat qullan markapäpxtawa, Cristo Jesusax Apostoluwa, Jilïr sacerdoterakiwa, wali amuyumpi lup'ipxam, iyawsäwisax jupïpan uñacht'ayasi.

Hebreos 4:14

Diosan Jesús Yuqapaw jiwasan jach'a Jilïr sacerdotesaxa, jupax alaxpachkamaw puri. Ukat juparux taqi iyawsañampi arkañasa.

Hebreos 5:9

ukham t'aqhisisasti jupar iyawsirinakatakix wiñay qhispiyasiñ chuririw tukuwayi,

1 Pedro 2:9

Ukampis jumanakax Tatitunkiritak ajllitäpxtawa, reyir luqtir sacerdotenakäpxtawa; mä q'uma markäpxtawa; Diosan ajllisit markapäpxtawa. Ukatpï, Diosan muspharkañ luräwinakap yatiyapxañamaxa, Diosaw jumanakarux ch'amakat irpsusinxapxtam, suma muspharkañ qhanapar mantxapxañamataki.

1 Pedro 4:11

Maynitix sum parlirïchixa, Diosan arunakap parlpan. Maynitix khitirus kunjäm yanapt'añsa yatchixa, Diosan ch'amapamp lurpan. Taqi kuntix lurapkäta ukax jupanakan Jesucristo tuqi Diosar yupaychañatakïpan, jupankiw jach'a kankañaxa, munañanïñasa wiñayan wiñayapataki. Ukhamäpan.

Rut 2:19

Noemí mamasti Rut warmir jiskt'änwa: —¿Kawkinarak jichhür irnaqantasti? ¿Kawkhatarak ukataq cebada apthapintasti? ¡Jumar yanapt'irix Tatitun waxt'äwip katuqpan! —sasa. Rut warmisti taykch'ipar sänwa: —Booz chachan cebada yapupan jichhürux irnaqt'anta —sasa.