1 Corintios 1:19 - Qullan Arunaca

¹⁹ Kellkatanacansti saraquiwa: “Wali yatiñan jakenacan yatitanacapjja t'unjäwa, Maysaruraquiw amuyt'ir jakenacan amuyunacapsa apanucöjja” sasa.

Aymar Bibliia 1986

¹⁹ kellkatanacansti saraquiwa: “Wali yatiñan jakenacan yatitanacapjja t'unjäwa, Maysaruraquiw amuyt'ir jakenacan amuyunacapsa apanucöjja” sasa.

Qullan Arunaka DC

¹⁹ Qillqatan siwa: “Yatiñan jaqinakan yatiñ kankañap chhaqtayä, ch'ikhi jaqinakan ch'ikhi kankañapsa tukjarakïwa” sasa.

1 Corintios 1:19 Jak'a apnaqawi uñst'ayäwi

Isaías 19:11

¡Zoanan jilïrinacapa, cunja lokhëpjjtasa jumanacajja, Egipton suma amuyt'ayirinacapasa, ucampisa uca amuyt'ayirinacajj lokhe amuyt'irinacawa! ¿Cunjämrac faraonarusti sapjjesti: “Nanacajj wali yatiñan jakenacan wawanacapäpjjtwa, nayra reyinacan wawanacapäpjjtwa” sasasti?

Isaías 19:3

P'eksa jupanacarojj mayjt'ayäwa, amtatanacapsti t'unjaraquïwa. Ucapachawa yakha diosanacaparu, laykanacaparu jisct'asir sarapjjani, jiwatan ajayunacaparu, yatiri jakenacaparuw jisct'asipjjani.

Isaías 29:14

Ucatpï jichhajj milagronacampi, unañchanacampi aca marcarojj wasitat muspharat jaytawayäjja. Yatiñani jakenacapan yatiñanacapasti, uqhamarac ch'iqhi jakenacapan amuyt'añanacapasa tucusiniwa.”

Jeremías 10:7

Marcanacan reyipa, ¿qhitis janejj ajjsartamjja? Juma sapaquiw ajjsaratäñajj waquistajja. Aca oraken yatiñani jakenacat sipansa, reyinacat sipansa janiw jumjamajj qhitis utjquiti.

Jeremías 8:9

Ucampisa uca yatiñaninacajj jisc'achjataw uñjasipjjani, sipitaru jalt'ir animalanacjamaraquiw qhathatipjjani, ¿Cawquincaraqui yatiñapasti niyaqui arunacapajj apanucupjjchi ucapachasti?

1 Corintios 3:19

Acapacha yatiñ cancañasti Diosataquejj lokhe cancañawa. Diosan Arupasti saraquiwa: “Diosajj yatiñan jakenacarojj jupanacan pachpa sallka chuymampi amtatanacaparuw jalantayi.”

1 Corintios 4:10

Jumanacasti nanacarojj mä pisi chuyma jakenacarjamaw amuyapjjesta Cristoncatanacajj laycu, uqhamaraquiw jumanacajj take cunsa wali yatir yatiriw tucupjjtajja, Cristotjja wals yatipcasma uqhama. Nanacajj pisi ch'amaquïpjjtwa, jumanacasti wali ch'aman ch'amaniw tuct'apjjtajja. Nanacarojj jakejj jisc'achapjjetuwa, jumanacarusti wali jach'a uñjañampiw uñjapjjaractamjja.

1 Corintios 4:6

Jilatanaca, acanacsti jumanacan asquimataquiw parlapjjsma, Apolosampita naya pachpampita amuyt'ayasa. Acjja sistwa jumanacajj jan cunatejj kellkatäqui ucatjja inampst'apjjañanacamataqui, uqhamata jan qhitis mayniru jisc'achañapataqui ni maynirusa wal jach'achañapataqui.