1 Corintios 1:20 - Qullan Arunaca

²⁰ Jichhasti, ¿cunataquirac wali yatiñan jakesti?, ¿cunataquirac yatichiri jakesti? ¿cawquincaraqui acapach yatiñanacjjata ch'ajjwiri jakesa? Diosajj acapach yatiñanacjja mä lokhe cancañaruw tucuyi.

Aymar Bibliia 1986

²⁰ Jichhasti, ¿cunataquirac wali yatiñan jakesti?, ¿cunataquirac yatichiri jakesti? ¿cawquincaraqui acapach yatiñanacjjata ch'ajjwiri jakesa? Diosajj acapach yatiñanacjja mä lokhe cancañaruw tucuyi.

Qullan Arunaka DC

²⁰ ¿Kawkinkarak yatiñani, yatichiri, akapach yänakat ch'axwir jaqisti? ¡Diosasti akapach yatiñ kankañ luqhi kankañaruw tukuyi!

1 Corintios 1:20 Jak'a apnaqawi uñst'ayäwi

2 Samuel 15:31

Cunapachatejj Davidaru yatiyapjjäna Ahitofel jakesa Absalonampi chica David contra sayt'asitapjja, ucapachajj Davidajj Tatituruw achict'asïna Ahitofel jaken amtatanacapajj aynacht'añapataqui.

2 Samuel 16:23

Uca tiemposti Ahitofel jakeru mä ewjja mayiñasti, pachpa Diosarus maycsna uqhamänwa. Ahitofel jakesti, Davidansa uqhamaraqui pachpa Absalonansa wali yäkataraquïnwa.

2 Samuel 17:14

Absalonampi take israelitanacampisti, Husai chachan arunacaparojj: “Waliquiw” sapjjaraquïnwa, Ahitofel jaken amtäwipatsa juc'ampi sumaraquïnwa. (Tatitusti Ahitofel jaken amtäwinacapjja t'unjaraquitaynawa uqhamat Absalonarojj jan walt'añaru uscuñataqui.)

2 Samuel 17:23

Uqhamat Ahitofel jaken amtatanacapajj jan phokhascataynatejja, ucatpï asnopa waquicht'asisinjja, utaparuw sarjjäna; nacïwipa marcapansti, familianacaparu jan walt'añanaca take cunsa sumaru asquicht'jjasinsti, jaychcatasjjänwa. Uqhamaw jupajj jiwjjäna, ucatsti awquipan sepulturaparu imantatäjjaraquïnwa.

Job 12:17

Jupaw amuyt'ani jakenacarus amuyt'añanacapjja apakjje. Juezanacarus lokherayaraqui.

Job 12:20

Amuyt'a churirinacarusti jan arunwa antuti, chuymani jakenacatsa suma yatiñanacapjja apakaraquiwa.

Job 12:24

Mä marcan jilïripatsti yatiñjja apakewa, ucatsti wasararuw jan cawcsaru sarañani antutaraqui,

Isaías 33:18

Cuna ajjsarañantejj jaccäyät uc amtasisasti saraquïtawa: “¿Cawquincarac impuesto kollke jaqhur jakesti? ¿Cawquincaraqui pesanac sum uñjir jakesti? ¿Cawquincaraqui torrenaca jaqhur jakesti?” sasa.

Isaías 44:25

Janiraquiw cuntejj uca c'ari profetanacajj parlapqui ucanacsa phokhasiycti; nayaw uca yatiri jakenacan amuyt'anacapsa chhaktaytjja. Nayaw amuyt'ani jakenacarojj jupanaccam ch'ajjwaytjja, jupanacan yatiñanacapas mä lokhe cancañar tucuyaractjja.

Isaías 53:1

¿Qhitirac ist'atasarusti iyawsani? ¿Qhitirurac Tatitusti ch'amapjja uñacht'ayataynasti?

Jeremías 10:7

Marcanacan reyipa, ¿qhitis janejj ajjsartamjja? Juma sapaquiw ajjsaratäñajj waquistajja. Aca oraken yatiñani jakenacat sipansa, reyinacat sipansa janiw jumjamajj qhitis utjquiti.

Mateo 13:22

Ch'aphi taypinacar jalantat jatha misturisti acamp sasiwa: Suma arunac ist'casinsa, sintwa llaquisipjje acapach yänacatsa, kollketsa. Take ucanacasti juparojj atipjiwa, suma arunacasti janiraquiw jupan chuymapanjja jiltcaspati.

Juan 12:31

Jichhapï horasajja acapachasti taripatäniwa, jichharaquiwa acapacha apnakerejj jaksutäni.

Hechos 17:18

Epicúreo sat yatichirinacampita, estoico sat yatichirinacampitjja, mä kawkhaninacaw Pablompi wal jisct'asipjjäna. Yakhepanacajj sapjjänwa: —¿Cun sañs munpachïstu aca ancha parlir jakejja? —sasa. Yakhepanacasti sapjjaraquïnwa: —Yakha jan uñt'at diosanacat parlir jakjamaquiwa —sasa. Ucsti sapjjänwa Pablojj Jesusampit, jactäwipampit parlatap laycu.

Romanos 1:20

Diosan jan uñjcay yänacapajj jupan luratanacap tokew uñacht'ayasi. Khanpachwa uñacht'ayasi cunapachatejj aca orakejj luratäcäns ucürutpacha jupajj Diosätapa, ch'amapajj jan tucusquiriraquïtapa. Ucatpï jakenacajj jan cunjämats jupat jaltapcaspatejja.

Romanos 1:22

Jupanacajj wali yatiñanjamaquiw tucupjje, ucampis janiw cuns yatipquiti.

1 Corintios 1:19

Kellkatanacansti saraquiwa: “Wali yatiñan jakenacan yatitanacapjja t'unjäwa, Maysaruraquiw amuyt'ir jakenacan amuyunacapsa apanucöjja” sasa.

1 Corintios 1:26

Jilatanaca, sum amuyasipjjam Diosajj jawsapctam ucjja. Jumanacatjja janiw walja yatiñan jakenacajj utjquiti, janiraquiw waljanïquis munañan jakenacasa, ni jach'a familianacat jutirinacasa.

1 Corintios 1:27

Ucampis Diosajj jakenacan pisi amuyunit uñt'at jakenacaruw ajllisi jach'a amuyuninacar p'enkachañataqui. Uqhamaraquiw Diosajj ajllisi jakenacan pisi ch'amanit uñt'atanacaru, uqhamat jila ch'amaninacar p'enkachañataqui.

1 Corintios 1:28

Diosajj ajllisiw jan yäkatäquis ucanacaru, uqhamarac jisc'achatäquis ucanaca, qhitinacatejj jach'achatäqui ucanacar p'enkachañataqui.

1 Corintios 11:32

Ucampis cunapachatejj Tatitojj juchañchquistu ucqhajja, mutuyistuwa, jan jiwasajj acapachanquir jakenacampi chica juchañchatäñasataqui.

1 Corintios 2:6

Yatiñ cancañatjja parlaractwa qhitinacatejj iyawsäwinacapanjja suma jiltatäjjapjje ucanacaru, ucampis uca yatiñ cancañajja janiw acapachanquirïquiti ni acapachan munañan jakenacancquisa, ucanacasti tucusiriquiwa.

1 Corintios 2:8

Acapach marca apnakerinacajj aca Diosan amtäwipjja janiw amuyt'apcänti. Amuyt'apjjasapän ucajj janiw alajjpach Tatiturojj crusan jiwayapcasapänti.

1 Corintios 3:18

Jan qhitis jupapacha sallkjaspati. Maynitejj take cunsa yatitapa amuyaschejja, jan cunsa yatirjamaw tucuñapa, uqhamata chekpachansa yatiñan jake tucuñapataqui.

1 Corintios 3:19

Acapacha yatiñ cancañasti Diosataquejj lokhe cancañawa. Diosan Arupasti saraquiwa: “Diosajj yatiñan jakenacarojj jupanacan pachpa sallka chuymampi amtatanacaparuw jalantayi.”

1 Corintios 6:2

¿Janich jumanacajj yatipcta jiwasa Diosanquirinacajj acapacharu taripañasäqui ucjja? Jiwasatejj acapachanquirinacaru taripañäni ucasti ¿janit jumanaccamasti uca jisc'a quejanacsti uñjapcasma?

Santiago 4:4

¡Jan Diosa chuyma jakenaca! ¿Janit jumanacajj yatipcta acapachampi sumancañajj Diosampi jan walincañätapjja? Qhititejj aca pachampi sumancañ munqui ucajj Diosan uñisiripawa.