Hebreos 4:12 - Qullan Arunaca

¹² Diosan arupasti jacasquiwa, jach'a ch'amaniraquiwa. Purapar arini espadat sipansa juc'ampi ariraqui, ucasti almampir ajayumpirojj juc'amp mankhacamaw puri, lup'ïwinacsa, chuyman amtäwinacapsa khanstayaraquiwa.

Aymar Bibliia 1986

¹² Diosan arupasti jacasquiwa, jach'a ch'amaniraquiwa. Purapar arini espadat sipansa juc'ampi ariraqui, ucasti almampir ajayumpirojj juc'amp mankhacamaw puri, lup'ïwinacsa, chuyman amtäwinacapsa khanstayaraquiwa.

Qullan Arunaka DC

¹² Diosan arupax jakaskiriwa, ch'amanirakiwa. Purapar arini espadat sipan juk'ampi ariwa, ukasti jaqin ajayupkama, ch'akhapkama, parpapkama purir aruwa; lup'ïwinaksa, chuyma manqhan amtäwinaksa qhanstayiwa.

Hebreos 4:12 Jak'a apnaqawi uñst'ayäwi

Salmos 110:2

Tatitojj Sión kollutpach ch'aman cancañ thujru ayjjaruyätam. “¡Jumamp timasirinacarojj atipjamaya!

Salmos 119:130

Arunacamat khanañchäwejj amuyt'ayituwa, pisi amuyt'aninacarojj amuyt'ayiwa.

Salmos 139:2

jumaw kont'atajjsa, sartatajjsa yattajja, lup'itanacajjarojj jayatpach amuytajja.

Salmos 149:6

Lacanacapan Diosar jach'añchañajj utjpan, amparanacapansti purapar arin espada ayt'atäpjjpan;

Salmos 45:3

Jan ajjsarir jake, espadamp wac'antasim, ucaw c'achachirimajja, ucaraquiw jach'añchirimasa.

Proverbios 5:4

Ucampis tucuyapajj ajenjor uñtat jaruwa, purapar arini espadat sipansa juc'amp ariraquiwa.

Eclesiastés 12:11

Yatiñanin säwi arunacapajj wali ari puntanïcaspas uqhamawa, mayaru suma apthapitasti suma ch'act'ata ch'acurunacäcaspas uqhamawa, mä sapa awatirin uchata.

Isaías 11:4

Aynacht'atanacarusti cheka luräwimpiw uñjani, marcan utjiri pobrenacan arsusitanacapsti arjjataraquiniwa. Arunacapasti mä varar uñtataraquïniwa khoru jakenacar mutuyañataqui. Ñankha jakerusti samanapampi phust'asaquiw jiwayaraquini.

Isaías 49:2

Lajjrajjsti mä ari espadäcaspas uqhamwa tucuyaraqui, amparapampiraquiw imantasitu, mä ari flechjamwa tucuyaraquitu, flecha imasiñaparuraquiw imasjjetu.

Isaías 55:11

uqhamaraquiw lacajjat mistquis uca arunacajja, janiw nayan ucarojj ch'usaqui jan cun lurasajj cuttancaniti, jan ucasti cuntejj nayajj muncta ucwa luri, cuntejj nayajj siscta ucwa phokharaqui.

Jeremías 17:10

Naya Tatituwa, jaken chuymapjja uñjta, chuyma mankhapan amtatanacapsa yatiractwa; sapa maynirusa waquisitaparjamaw churaractjja, luratanacaparjamaraqui.”

Lucas 8:11

“Aca uñtasïwejj ac sañ muni: Jathajj Diosan arupawa.

Juan 12:48

Qhititejj nayaru jisc'achquitu, ucatsti janiraqui arunacajjarjam lurquiti, ucan juchañchiripajj utj-jjewa. Cawquïr arunactejj nayajj arsctjja ucanacaw juchañchascani juparu khepa urunjja.

Juan 6:51

Nayätwa alajjpachat sarakanir jacañ churir t'ant'ajja. Qhititejj aca t'ant'at mank'cani ucajja wiñayataquiw jacani. Naya churcä uca t'ant'ajja nayan janchejjawa; ucsti churäwa acapachajj jacañanïñapataqui —sasa.

Hechos 2:37

Take acanac ist'asinsti, chuymanacapan wali llact'ataw uñjasipjjäna. Ucatsti Pedrompiru mayni apostolonacampirojj jisct'asipjjänwa: —Jilatanaca, ¿cuns lurapjjäjja? —sasa.

Hechos 4:31

Oración lurañ tucuyatatsti, cawqhantejj oración lurapcäna ucawjajj qhathatïnwa. Ucatsti takeniw Kollan Ajayumpi phokt'atäpjjäna, Diosan arupsti jan ajjsarasaraquiw parlapjjäna.

Hechos 5:33

Uc ist'asinjja, jilïrinacajj wal colerasipjjäna. Apostolonacarusti jiwayañwa munapjjaraquïna.

Hechos 7:38

Moisesasti wasaranjja uca israelita jakenacampiraquïnwa. Uqhamaraquiw jupajj Sinaí kollunsa Diosan angelapampejj parläna. Jiwasanacan awquinacasampïcasinjja, jupajj uca ángel tokew jacañ arunacjja catoke, jiwasanacar churañataqui.

Romanos 1:16

Janiw nayajj evangeliotjj p'enkascti, ucasti Diosan ch'amapawa take iyawsir jakenacar khespiyañataqui, nayrakata judionacaru uqhamarac jan judiöpquis ucanacarusa.

1 Corintios 1:24

Ucampis qhitinacarutejj Diosajj jawsqui, judiöpasa, jan judiöpasa ucanacataquejj Cristojj Diosan yatiñ cancañapawa, ch'amaparaquiwa.

2 Corintios 2:17

Nanacajj janiw Diosan arunacapjja mä alaquip lurañar uñtata churapcti, cunjämatejj yakhepanacajj lurapjje uqhama. Diosan arunacapjja take chuymaw yatiyapjjta, Diosan qhitatanacapjama, Dios nayrakatan parlasa, Cristonquir jakenacjamaraqui.

2 Corintios 4:2

Cunatejj jamasan lurasqui, uqhamarac cunatejj p'enkäqui ucanacjja apanucupjjtwa. Janiw jan wali amtañanacampi sarnakapcti janiraquiw Diosan arunacapsa maysar k'ewipcti. Cunatejj chekäqui ucacwa parlapjjtjja, uqhamataracwa takenimpis waliquiw sayasipjjaractjja Dios nayrakatanjja.

Efesios 5:13

ucampis cunapachatejj take uca jan walinacajja khanaru uñstayatächejja, take cunas khanaw yatisi, khanampisti take cunwa uñjasi.

Efesios 5:26

Acjja iglesiaru Diosatac yakhachasawa luri, umampi uqhamarac arupampi k'omachasina,

Efesios 6:17

Khespiyasiñampisti mä cascompjam p'eker uscusipjjam, Diosan arupsti catjjarupjjaraquim mä espadar uñtata cuntejj Kollan Ajayojj churapctam uca.

1 Tesalonicenses 2:13

Acanacatjja Diosarojj yuspagarapjjapuntwa, cunapachatejj jumanacajj Diosan arunacap ist'apjjta nanacajj khanañchapcäyäsma ucqhajja, jumanacajj janiw jakenacan arunacapjamti catokapcäyätajja, jan ucasti Diosan arunacapjamwa catokapjjta. Chekpachansa Diosan arunacapawa, jach'a luräwinacaracwa luri jumanac iyawsirinacampejja.

1 Tesalonicenses 5:23

Pachpa sumancañ Diosajj jumanacarojj phokhat k'omachäwimp k'omachpan, uqhamarac imaracpan ajaysa, almsa, janchissa, jan acch'a juchani Tatit Jesucristosan jutañapcama.

Hebreos 13:7

Amtasipjjaraquim qhitinacatejj irpapcäyätam, uqhamarac Diosan arunacapsa parlapcäyätam ucanacatjja. Amuyapjjam cunjämas jacäwinacapajja ucatsti iyawsäwip arcapjjam.

Hebreos 6:5

Diosan suma arunacapsa mallt'apjjaraquïna, jutir jacañan ch'amapsa suyt'apjjaraquïna,

Santiago 1:18

Jacañwa churistu cheka arunacap toke, uqhamata jiwasajj nayräwiri achunacjamäñasataqui, cuntï jupajj lurqui ucanjja. Jupasti uqhamäñasracwa muni.

1 Pedro 1:23

Jumanacasti machakatwa nasjjapjjtajja, janiw jiwir jakenacatti, jan ucasti Diosan arunacapatwa. Uca arunacasti jan jiwiriwa, wiñayataquiraquiwa.

Apocalipsis 1:16

Cupi amparapansti pakallko warawaranacaw utjäna, lacapatsti purapar arini mä espadaraquiw mistusincäna; ajanupasti intejj wal khant'quis uqhamänwa.

Apocalipsis 19:15

Lacapatsti mä ari espadaraquiw mistüna marcanacaru ucampi chhojjriñchnokañataqui. Ucatsti wali khoru cancañampiraquiw apnakani, cunjämtï uva uma ch'irwsurejj cayumpi taquis ch'irwsojja uqhama. Diosan colerasiñapsti mä vinöcaspas uqhamwa jakenacarojj umarayani, uca mutuñasti take ch'amani Diosan colerasiñapatwa juti.

Apocalipsis 19:21

Mayninacasti jank'o caballonin lacapat mistcänsa uca espadampi jiwarayataraquïnwa, take alajjpach jamach'inacasti uca aychanacampejj wal sisarapjjaraquïna.

Apocalipsis 2:16

Ucatpï jichhajj arrepientisiñamajja, jan ucasti nayajj mäquiw jutä, ucatsti jupanacampejj nuwasïwa lacajjat espadajj mistqui ucampi.

Apocalipsis 2:23

Wawanacaparus jiwarayaraquïwa, uqhamatwa take iglesianacajj yatipjjani nayajj jaken amuyupsa, chuymapsa uñt'atajja; jumanacarusti luräwinacamarjamaraquiw sapakat mayniru churapjjäma.

Apocalipsis 20:4

Ucatsti trononacwa uñjaracta, ucanacansti qhitinacatejj taripañataqui munañanïña catokapcataynas ucanacaw kont'atäpjjäna. Uñjaractwa qhitinacatejj p'eke apakata jiwapjjäna Jesusan testigopäpjjatapata, uqhamarac Diosan arunacap parlapjjatap laycu. Uqhamaraquiw qhitinacatejj jan uca jach'a ajjsarcañ animalaru, diosaparus yupaychapcataynati ni chimpupsa p'ekenacaparu ni amparanacaparu uchayasipcataynasa ucanacajj ucancapjjaraquïnwa. Ucanacasti jactapjjataynawa ucatsti Cristompiw waranka mara reinapjjäna.

Jueces 3:16

Ucampis Aod sat chachasti pä puntani espada lurasiwayäna, largorojj pheska tunca centimetroni. Ucatsti cupi toke isipa mankha cinturaparuw uchasiwayäna.