Jeremías 4:14 - Qullan Arunaca

¹⁴ Jerusalén, ñankhanacatjja chuymam k'omachasim, uqhamatwa jumajj khespita uñjasïta. ¿Cunapachcamas p'ekemanjja amtäta jan wali amtañanacjja?

Aymar Bibliia 1986

¹⁴ Jerusalén, ñankhanacatjja chuymam k'omachasim, uqhamatwa jumajj khespita uñjasïta. ¿Cunapachcamas p'ekemanjja amtäta jan wali amtañanacjja?

Qullan Arunaka DC

¹⁴ Jerusalén, ñanqhanakat chuymam q'umachasim, ukhamat jumax qhispit uñjasïta. ¿Kunapachkamas uka jan wali amtañanakampix apnaqayasïta?

Jeremías 4:14 Jak'a apnaqawi uñst'ayäwi

Salmos 119:113

Khepäjjat uñisisir jakenacarojj uñistwa, arunacamarusti munastwa.

Salmos 51:2

Ñankha luratanacajjat jarekt'ita, jucha luratanacajjat k'omacht'ita.

Salmos 66:18

Jan wali amuyutejj utjitasapänjja, Tatitojj janiw ist'quitasapänti;

Proverbios 1:22

‘Jan yatiñani, sawcasiri, pisi amuyt'an jakenaca, ¿cunapachcamaraqui pisi amuyt'añan sarnakapjjäta, sawcasiñanacamana cusisisa, yatiñarusa jisc'achasasti?

Isaías 55:7

Khoru jakejj sarnakäwipjja apanucpan, ñankha amtañan jakesti amtañanacapjja apanucpan; Tatitun ucar cuttanjjapjjam, jupasti jumanacatjja qhuyapayasipjjätamwa; Diosasar maqhatjjapjjam, jupasti perdonañataquejj janc'aquiwa.

Jeremías 13:27

Jan wali amtatamjja uñjtwa, wachok jucha luratamsa, mä p'enka yakhanacampi sarnakatamsa, kollu patanacana, pampanacana ajjtascañ luräwinaca luratamsa. ¡Ay, Jerusalén! ¿Cunapachcamas uqhama k'añu sarnakäta?”

Jeremías 17:1

“Judá marca, juchamajj hierro cincelampi kellkatawa, diamante puntampi kellkatawa, kala chuymamjjaru, altaranacaman wajjranacaparusa.

Jeremías 18:11

“Jichhajj Jerusalén marcan jaquir jakenacarusa, uqhamaraqui Judá oraken utjirinacarusa saraquim, naya Tatituw sista: ‘Jumanac tokejj maya luräwinacwa amtascta; jumanacarusti mutuyañwa amtascaracta. Jan wali sarnakäwinacamjja apanucupjjam, luräwinacamsa uqhamaraqui sarnakäwinacamsa asquichasipjjaraquim’ sasa.

Jeremías 2:22

Lejiampis jarekasiscam, uqhamaraqui jabonampis jarisiscam, naya nayrakatansti juchaman k'añupajj uñstascaquipuniniwa, Naya Tatituw ucjja arsta.

Jeremías 6:19

Jumas, orake ist'araquim: Aca marcarusti mä jach'a jan walt'añwa apayani, jan wali lurañanacaqui amtasipcatapata; arunacajjarusti janiw ist'apcaraquitänti, jan ucasti yatichäwinacajj-jja jisc'achapjjewa.

Ezequiel 18:31

Cuna ñankhanactejj naya nayrakatan lurapcta ucanacsti mäpita apanucupjjam, mä machaka chuymani, mä machaka ajayuni tucupjjaraquim. Israel marca, ¿cunatarac jiwascätasti?

Zacarías 8:17

jani jan wali lurasipjjamti maynit maynicamajja, janiraqui c'ari juramentsa lurapjjamti, nayasti uñistwa take ucanaca. Naya Tatituw arstjja.”

Mateo 12:33

“Mä kokatejj sumächi ucajja, suma achuniwa; jan suma kokäcchi ucasti, janiw sumäquiti achupajja. Uqhamasti mä kokajj achupat uñt'atawa.

Lucas 11:39

Tatitusti juparojj sänwa: —Juma fariseonacajj vasonacsa platonacsa ankäjjaqui k'omacht'apjjtajja, ucampis chuyma mankhanacamanjj lunthatasitanacamampi cunayman juchamp phokhantatäsipctawa.

Juan 13:9

Pedrosti ucjjarojj saraquïnwa: —Uqhamasti Tata, janiy cayojj sapacjja jarekestati, jan ucasti amparajjampi p'ekejjamppachay jareketa —sasa.

Hechos 8:22

Uca ñankha amtäwimjja apanucum. Ucatsti Diosar mayisiraquim, inach jupajj perdonätam uca chuymaman jan wali lup'itamatjja.

Romanos 1:21

Uqham Diosan ch'amanïtapa uñt'apcchisa, jakenacajj janiw Diosarjam yupaychapquiti ni yuspagarapcaraquisa, jan ucasti juc'amp jan cunatac ina lup'ïwinacar chhaktatäpjjewa, jan walinac amtir chuymapasti ch'amact'ataraquiwa.

1 Corintios 3:20

Mayawjansti saraquiwa: “Diosajj yatiwa acapach yatiñan jakenacan amtatanacapajj jan cunataqui asquïtapa.”

Santiago 4:8

Diosar jac'achasipjjam, jupasti jumanacarojj jac'achasiraquiniwa. Juchararanaca, amparanacam k'omachasipjjam. Jumanaca qhitinacatï acapachampiru, Diosampiru munasipcta ucanacasti chuymanacam k'omachasipjjaraquim.