1 Pedro 1:22 - Qullan Arunaca

²² Jichhajj jumanacajja, Kollan Ajayu toke Tatitun arunacap ist'asinjja, almanacamjja k'omachasjjapjjtawa jilatanacaru chekpachan munañataqui. Uqhamajj maynit maynicamaw munasipjjañama take chuyma, uqhamarac take ch'amampi.

Aymar Bibliia 1986

²² Jichhajj jumanacajja, Kollan Ajayu toke Tatitun arunacap ist'asinjja, almanacamjja k'omachasjjapjjtawa jilatanacaru chekpachan munañataqui. Uqhamajj maynit maynicamaw munasipjjañama take chuyma, uqhamarac take ch'amampi.

Qullan Arunaka DC

²² Jumanakasti, Tatitun arunakapar jaysasinxa, jilatanakar chiqpach munañatakiw q'umachasxapxtaxa. Ukhamax maynit maynikamax taqi chuymampi, taqi ch'amamp munasipxañamawa.

1 Pedro 1:22 Jak'a apnaqawi uñst'ayäwi

Juan 15:17

Acwa jumanacar ewjjapjjsma: Maynit maynicama munasipjjam.

Juan 15:3

Jumanacajj k'omäjjapjjtawa, yatichapcsma uca arunac toke.

Juan 17:17

Cheka cancañampi k'omacham juma pachpataqui, arunacamasti chekawa.

Juan 17:19

Jupanac laycuwa nayapachpas catuyasiracta, jupanacajj asquitaqui catuyasipjjañapataquiraqui.

Hechos 15:9

Diosajj janiw jiwasanacamp jupanacampitjja yakha yakha uñjquistuti. Jupajj jupanacan chuymanacapsa iyawsatap laycojj k'omacharaquiwa.

Hechos 6:7

Diosan arunacapasti juc'ampiw parlatäna Jerusalenanjja. Uqhamaraquiw iyawsirinacas waljaniraqui yapjjattaraquïna. Walja sacerdotenac cunaw Tatiturojj iyawsapjjaraquïna.

Romanos 1:5

Uca quipca Jesucristo tokeraquiw Diosajj jiwasanacar suma luraña churistu, sutipan jiwasanacajj arunacap yatiyir sarañasataqui take acapachanquirinacar jupar arquiri tucuyañataqui.

Romanos 2:8

Ucampis jan ist'asis ch'ajjwirinacarojja mutuyaniwa, chekat sipana jan walïquis ucar jaysatap laycu.

Romanos 8:13

Jumanacatejj janchin munañanacaparjamaqui sarnakasipcät ucajja jiwapjjätawa, ucampis Ajayun toke jiwayapjjäta uca janchin munañanacapa ucajja, chekpachansa jacapjjätawa.

2 Corintios 6:6

Take ucanacsti uñacht'ayapjjaractwa suma sarnakatanacajjampi, cunatejj chekäqui uc uñt'apjjatanacajjampi, llamp'u chuymanïpjjatajjampi, suma chuymanïpjjatajjampi, uqhamarac Kollan Ajayojj nanacampïtap laycu chekpach munasiñanïpjjatajj laycuraqui,

Gálatas 3:1

¡Cunja pisi chuymanïpjjtasa, jumanacajj Galacianquirinaca! ¿Qhitis jumanacarojj c'arintapjjtam chekpach Tatitun arunacaparu jan jaysapjjañamataquejja? Nanacajj yatichapcsma ucqhajja uñacht'ayapjjsmawa pachpa Jesucristo ch'accatataru.

Gálatas 5:5

Jiwasanacajj Ajayu toke, uqhamarac iyawsañ toketaracwa, Diosan nayrakatapan catokatäña suyt'äwisajj utjistu.

Gálatas 5:7

Jumanacajj walic sarasipcäyätajja: ¿Qhitis asqui luräwiru jaysañjja jaytanucuyapjjtamjja?

Efesios 4:3

Janipun t'akanoktañar sarapjjamti, jan ucasti mayaquïpjjapunim Kollan Ajayun yanapapampi, sumancañajj mayachthapipctam uca toke.

Filipenses 1:9

Diosatsti mayiscaractwa jumanacan munasiñanacamajj juc'ampi utjañapataqui, yatiñansa, amuyt'añansa, take cunansa,

1 Tesalonicenses 3:12

Tatitusti jumanacar jiltaypan, juc'ampi maynit maynicam munasiñanacamajj utjaracpan, cunjämtejj nanacajj jumanacar munasipjjsma uqhama.

2 Tesalonicenses 1:3

Jilatanaca, jumanacatjja Diosarojj yuspagarapjjapuniñajjawa, asquiwa ac lurañanacajjajja, jumanacan iyawsäwinacamajj jilascatap laycu, uqhamarac maynit maynicama munasiñanacamajj sapürutjamaw juc'ampi utjascaraqui.

2 Tesalonicenses 2:13

Ucampis nanacajj jumanacatjja Diosar yuspagarañajj waquisipjjapunituwa, Tatitun munat jilatanaca, jupaw jumanacarojj chhijllapjjtam, nayrïri khespiyatanacäpjjañamataqui, kalltatpachwa ajllipjjtam khespitäpjjañamataqui, Ajayojj k'omachapctamsa uca toke, uqhamarac Diosan arunacapar iyawsapjjatamata.

1 Timoteo 1:3

Cunjämatejj achict'ascäyäsmajja Macedonia ucsaru sarcasajja, jichhajj Éfeso marcar kheparam, ucan yakhep c'ari yatichirinacar ewjjt'añamataqui jan uca c'ari yatichäwinac yatichapjjañapataqui,

1 Timoteo 1:5

Aca camachin amtäwipajj acawa: Munasipjjam k'oma chuymat jutqui uca munasiñampi suma chuymampi, uqhamarac chekpach iyawsäwimpi.

1 Timoteo 4:12

Waynätam laycojj jan jisc'achayasimti, jan ucasti, iyawsirinacampi mä suma uñtcañ sarnakam parläwimana, sum sarnakañana, munasiñana, Cristor arquirin jacañana, iyawsäwina, k'oma cancañan jacasa.

1 Timoteo 5:2

Chuymani taycanacarusti taycamarjam uñjam, tawakonacarusti cullacamarjam uñjaraquim, take k'oma chuymampi.

2 Timoteo 1:14

Jiwasanacan jacqui uca Kollan Ajayun yanapapampejj, imam cuntejj Diosajj catuyctam ucjja.

Hebreos 11:8

Iyawsäwi tokeraquiw Abrahamajj cunapachatejj Diosajj jawscäna ucqhajj ist'äna, ucatsti jupajj mistuwayjjänwa cawqharutejj Diosajj orak churañapäcäna ucaru. Orakepat mistusinsti janiw cawcsar sarataps yatiscaraquïnti.

Hebreos 13:1

Maynit maynicama jilapurjama munasipjjam.

Hebreos 5:9

Uqhama suma tucuyatäsinjja wiñay khespiyasiñ chuririw tucu take jupar jaysirinacarojja;

Hebreos 6:10

Diosasti asquiwa, janiw armascaniti cuntejj lurapcta, uqhamarac munasiñanacamsa uñacht'ayapjjaracta Diosanquir jilatanacar yanapt'asina ucanacatjja. Jichhacamas ucjj lurasipcactawa.

Hebreos 9:14

Ucampis ucajj uqhamächi ucajja ¡kawkha juc'amp ch'amanïpachas Criston wilapajja! Ucasti wiñay jaquir Ajayu tokew Cristojj Diosaru jupa pachpa loktasi jan k'añucht'ata, wilapas k'omacharaquistuw chuymasjja jiwañaru apquistus uca jan wali luräwinacatjja, jacquir Diosar sirviñasataqui.

Santiago 1:21

Uqhamapï jumanacajj cunatejj k'añüqui ucjja apanucupjjam, uqhamarac jan walinacas wali phokhantatäqui ucsa. Cuna arunacatejj jumanacan chuymanacaman yapuchatäqui ucjja llamp'u chuymampi catokapjjam, uca arunacasti ch'amaniwa almanacam khespiyañataquejja.

Santiago 4:8

Diosar jac'achasipjjam, jupasti jumanacarojj jac'achasiraquiniwa. Juchararanaca, amparanacam k'omachasipjjam. Jumanaca qhitinacatï acapachampiru, Diosampiru munasipcta ucanacasti chuymanacam k'omachasipjjaraquim.

1 Pedro 1:2

Take jumanacarusti Dios Awquiw ajllisipjjtam nayratpacha amtataparjama. Kollan Ajayu tokeraquiwa jumanacarojj jupataqui yakhachasipjjtam, jupar jaysapjjañamataqui, Jesucriston wilapampi k'omachatäpjjañamataquiraqui. Jumanacasti Diosan bendicionanacapjja jilarquiri catokapjjam, uqhamarac suman sarnakasiñsa.

1 Pedro 2:17

Takenirus suman uñjapjjam, jilatanacarusti munapjjaraquim, Diosarusti ajjsartapjjam, reyirusti ist'apjjaraquim.

1 Pedro 3:1

Uqhamaraqui jumanacajj warminaca, chachanacamar ist'asa sarnakapjjam, uqhamata inas cawquïri chachas Tatitur jan iyawscchi ucajj jumanacan sarnakäwinacam toke Tatitutaqui jicjjatatäñapataqui jan cuna arumpisa,

1 Pedro 3:20

Jupanacasti nayrajj jan ist'asiriw tucupjjäna cunapachatï Noé chachajj arca lurascän ucqhajj janiw jaysapcataynati, Diosajj jupanacar suyt'ascchïna ucasa. Uca arcansti quimsakallkoniquiraquiw uma toke khespiyasipjjäna.

1 Pedro 3:8

Uqhamasti jumanacajj suman sarnakapjjam, qhuyapayasipjjaraquim jumanaccamajja jilapurjama munasisa, llamp'u chuymanïpjjaraquim.

1 Pedro 4:17

Horasajj purinjjewa, Diosan taripäwipajj wawanacapata kalltañapataqui. Taripäwitejj jiwasampi uqham kalltchi ucajja, ¿cunjämaraquïni qhitinacatejj Diosar jan iyawsapqui ucanacan tucuyapasti?

1 Pedro 4:8

Ucat sipansa jumanacanjja munasiñajj utjapunpan, munasiñasti walja juchanacwa perdonaraqui.

2 Pedro 1:7

Diosar munañarusti, jilapurjam sarnakañampi; jilapurjam sarnakañarusti, munasiñampi.

1 Juan 3:11

Aca arunacwa ist'apjjtajja kalltäwitpacha: “Munasipjjam maynit maynicama” sasa.

1 Juan 3:23

Camachinacapasti aqhamawa: Jesucristo Yokaparojj iyawsañasawa, uqhamarac maynit maynicama munasiñasawa, cunjämtï jupajj sisquistu uqhamarjama.

1 Juan 4:12

Diosarojj janipuniw qhitis cunapachas uñjquiti. Ucampis jiwasatejj munasiñäni maynit maynicama ucajja, Diosajj jiwasanwa jaqui, munasiñapasti jiwasan phokhasiraqui.

1 Juan 4:20

Ucampis cawquïritejj sejja: “Nayajj Diosarojj muntwa” sasa, ucatsti jilapar uñisiscaraquejja, ucasti c'ariwa. Maynitejj jilapar uñjcasina jan muncchejja, ¿cunjämatsa Diosarojj munaspa jan uñjasajja?

1 Juan 4:7

Munat jilatanaca, munasiñasaw maynit maynicama, munasiñasti Diosatwa juti. Qhitinacantejj munasiñapajj utjqui ucanacasti Diosan wawapawa, Diosarusti uñt'araquiwa.

Apocalipsis 2:4

Ucampis mayaw utjitu juma toke arsuñajjajja: kalltan utjcäyätams uca munasiñamajj janiw utjcjjtamti.