1 Pedro 1:22 - Qullan Arunaka DC

²² Jumanakasti, Tatitun arunakapar jaysasinxa, jilatanakar chiqpach munañatakiw q'umachasxapxtaxa. Ukhamax maynit maynikamax taqi chuymampi, taqi ch'amamp munasipxañamawa.

Aymar Bibliia 1986

²² Jichhajj jumanacajja, Kollan Ajayu toke Tatitun arunacap ist'asinjja, almanacamjja k'omachasjjapjjtawa jilatanacaru chekpachan munañataqui. Uqhamajj maynit maynicamaw munasipjjañama take chuyma, uqhamarac take ch'amampi.

Qullan Arunaca

²² Jichhajj jumanacajja, Kollan Ajayu toke Tatitun arunacap ist'asinjja, almanacamjja k'omachasjjapjjtawa jilatanacaru chekpachan munañataqui. Uqhamajj maynit maynicamaw munasipjjañama take chuyma, uqhamarac take ch'amampi.

1 Pedro 1:22 Jak'a apnaqawi uñst'ayäwi

Juan 15:17

Ak jumanakar mayipxsma: Maynit maynikam munasipxam.

Juan 15:3

Jumanakasti yatichapksma uka arunak tuqix q'umäxapxtawa.

Juan 17:17

Chiqa kankañampiy juma pachpatak q'umacham; arunakamax chiqawa.

Juan 17:19

Nayasti jupanak laykuw jakañax taqpach katuyasta, jupanakax jakañap uka kipkarak katuyasipxañap munta.

Hechos 15:9

Diosax janiw jupanakarusa, jiwasanakarus yaqha yaqha uñjkistuti. Jupax jupanakan chuymanakap iyawsäwi tuqiw q'umacharaki.

Hechos 6:7

Diosan arunakapax taqi tuqin yatiyasïna, iyawsirinakasti waljanipuniw Jerusalenan yapxattäna; judío sacerdotenakamppachaw Tatitur iyawsapxarakïna.

Romanos 1:5

Jesucristo tuqiw apostolüñatak katuqta, lurañanakap phuqhañataki, ukhamat sapa mayni markanakan jupar iyawsas jaysapxañapataki.

Romanos 2:8

ukampis kutkatasirinakaru, chiqa kankañ jan munirinakaru, ñanqha lurañarus walikiw sirinakarux q'apisiñampiw mutuyani.

Romanos 8:13

Jumanakatix janchin munañanakaparjam jakasipkätaxa, jiwapxätawa; ukampis jumanakatix Ajay tuqi janchin munañanakapar jiwayapxätaxa, wiñay jakañanïpxätawa.

2 Corintios 6:6

Taqi ukanaksti q'uma jakäwinakaxampi, kunatix chiqäki uk uñt'atanakaxampiw uñacht'ayapxta, ukhamarak llamp'u chuymanïpxataxampi, khuyapayasirïtanakaxampi, chiqa kankañ uñt'atanakaxampi, Qullan Ajayux nanakampïtap layku, chiqpach munasiñanïpxatax layku,

Gálatas 3:1

¡Galacia markankir pisi amuyt'an jaqinaka! ¿Khitirak jumanakar sallqjapxtamsti? Jumanakar yatiyapksma ukapachax, naya pachpaw jumanakar sum qhanañchapxsma, kunjämättix Jesucristox cruzan ch'akkatat jiwkän uka.

Gálatas 5:5

Ukampis jiwasanakanxa, Ajayu tuqi, iyawsañ tuqitarakiw, Diosan nayraqatapan katuqatäñ suyt'äwisax utjistu.

Gálatas 5:7

Jumanakax walik sarantasipkäyätaxa: ¿Khitirak chiqar jaysañ apanukuyapxtamsti?

Efesios 4:3

Qullan Ajayut jutki uka mayacht'asiñ katxäsipxam, sumankañ tuqiw taqinir mayachapxtam.

Filipenses 1:9

Diosaruw mayiskta jumanakan munasiñaman juk'ampi utjañapataki, jupasti yatiñ kankaña, amuyt'a kankañsa jumanakar churañapataki,

1 Tesalonicenses 3:12

Tatitusti jumanakar jiltaypan, maynit maynikam munasiñan juk'ampi utjañapataki, kunjämtix nanakax jumanakar munasipksma ukhama.

2 Tesalonicenses 1:3

Munat jilatanaka, jumanakat Diosar yuspagarañax wakisipuniwa, kunatix askïki ukarjam lurasina, jumanakan iyawsäwimax jiltaskiwa, maynit maynikam munasiñas juk'amp juk'ampiw utjaskaraki.

2 Tesalonicenses 2:13

Ukampis nanakan jumanakat Diosar yuspagarañax wakisipuniwa, Tatitun munat jilatanaka, Diosaw jumanakarux qalltatpach qhispiyatäpxañamatak ajllisipxtam, jupaw jumanakarux Qullan Ajay tuqi qullananakar tukuyapxtam, chiqa kankañar iyawsapxatamata.

1 Timoteo 1:3

Macedonia markar sarkasaw Éfeso markan qhiparañamatak achikt'sma, ukan k'ari yatichäwinak yatichirinakar jan juk'amp yatichasipkañapatak jark'añamataki,

1 Timoteo 1:5

Aka arunakan amtäwipax, maynit maynikam q'uma chuymat mistki uka munasiñampi, suma chuymampi, chiqpach iyawsañampi munasiñasawa.

1 Timoteo 4:12

Waynätam laykux janipun jisk'achayasimti; jan ukasti, iyawsirinakan mä suma uñtkañ sarnaqam, parläwimana, sum sarnaqañana, munasiñana, Cristor iyawsañana, q'uma kankañan jakañansa.

1 Timoteo 5:2

Chuyman taykanakarusti, taykamarjam uñjam, tawaqunakarusti, q'uma chuymampiy kullakamarjam uñjam.

2 Timoteo 1:14

Jiwasanakan jakki uka Qullan Ajayun yanapapampix, kuntix Diosax katuyktam uk imapunim.

Hebreos 11:8

Abrahamax iyawsäwi laykuw Diosan jawsatap jaysäna, ukatsti kawkharutix Diosax churämaw siskän uka chiqar sarañatakiw mistuwayäna. Uraqipat mistusax janiw kawkir saratapsa yatiskänti,

Hebreos 13:1

Maynit maynikam jilapurjam munasipxam.

Hebreos 5:9

ukham t'aqhisisasti jupar iyawsirinakatakix wiñay qhispiyasiñ chuririw tukuwayi,

Hebreos 6:10

Diosax chiqapar uñjiriwa, kuntix jumanakax lurapkta ukat janiw armaskaniti, qullan markankir jilatanakar munasiñ uñacht'ayatamatsa, yanapt'atamatsa, jichhakamas ukham lurasipkaktawa.

Hebreos 9:14

Ukampis ukatix ukhamächi ukax, ¡qawqha ch'amanïpachas Criston wilapaxa! Cristosti wiñay jakir Ajayu tuqiw Diosarux jupa pachpa jan q'añucht'at luqtasiwayi, uka wilapaw jiwañar apki uka luräwinakasat q'umachistu, ukhamat jakkir Diosar yupaychañasataki.

Santiago 1:21

Ukhamasti, jumanakax q'añu lurañanak apanukupxam, jan wali lurañax utjki ukanak apanukupxarakim, ukatsti kuna arunakatix chuymanakaman yapuchatäki uka arunak llamp'u chuymampi katuqapxam, uka yatiyäwi arusti jumanakar qhispiyañatakix ch'amaniwa.

Santiago 4:8

Diosar jak'achasipxam, jupasti jumanakarux jak'achasiniwa. ¡Jucharar jaqinaka, amparanakam q'umachasipxam! ¡Jumanaka, Diosar munkasin juch luririnakax chuymanakam q'umachasipxam!

1 Pedro 1:2

Jumanakarusti nayratpach Dios Awkix amtataparjam ajllisipxtam. Ajay tuqiw jupatak yaqhachasipxtam, ukhamat jupar jaysapxañamataki, Jesucriston wilapamp q'umachatäpxañamataki. Jumanakasti Diosan jilarkir waxt'äwinakap katuqapxam, suman sarnaqasiñ katuqapxarakim.

1 Pedro 2:17

Taqinirus suman uñjapxam. Tatitun utapankirinakar munapxam, Diosar jach'añchapxam, reyirus ist'apxarakim.

1 Pedro 3:1

Chachan warminaka, chachanakamar ist'as sarnaqapxam, ukhamata, kawknïr chachatix Tatitur jan iyawskchi ukax, jumanakan sarnaqäwinakam tuqi Tatitutak jikxatatäñapataki,

1 Pedro 3:20

Uka ajayunakasti nayrax jan ist'asir tukupkäna ukanakänwa, kunapachatix Noé chachax arca lurkän ukkhaxa, Diosax jupanakaruw suyt'askäna jupar jaysapxañapataki. Uka arcansti kimsaqallqunikiw umamp mutuyatäñat qhispipxäna.

1 Pedro 3:8

Ukhamasti jumanakax jumanakkam munasisa, suman sarnaqas jakapxam. Khuyapayasirïpxam, llamp'u chuymanïpxarakim.

1 Pedro 4:17

Diosax markapar taripañ qalltkani uka urux purinxiwa. Uka taripäwitix jiwasampi ukham qalltchinixa, khitinakatix Diosar jan iyawsapki ukanakan tukuyäwipax, ¿kunjamäpachanisa?

1 Pedro 4:8

Taqi kunat sipansa, jumanakkamax munasipxapunim, munasiñax walja juchanak pampachi.

2 Pedro 1:7

Diosar munañarusti, jilapurjam sarnaqañampi; jilapurjam sarnaqañarusti, munasiñampi.

1 Juan 3:11

Jumanakax qalltatpach ist'apkta uka arunakax akham siwa: “Maynit maynikam munasipxañasawa” sasa.

1 Juan 3:23

Jupan kamachipax Jesucristo Yuqapar iyawsañawa, maynit maynikam munasiñawa, kunjämtix jupax munkistu ukhama.

1 Juan 4:12

Diosarux janipuniw khitis uñjkiti, ukampis jiwasatix maynit maynikam munasiñäni ukkhaxa, Diosax jiwasan jaki, munasiñapasti jiwasan uñstaraki.

1 Juan 4:20

Ukampis maynitix saspa: “Nayax Diosaruw munasta” sasa, ukat jilapar uñisiskarakchi ukax k'ari jaqïskiwa. Maynitix jilapar uñjkasin jan munaskchixa, ¿kunjämarak Diosar jan uñjkas munasispasti?

1 Juan 4:7

Munat jilatanaka, maynit maynikam munasiñasawa, munasiñax Diosat juti. Taqi khititix munaski ukax Diosan wawapawa, Diosarusti uñt'arakiwa.

Apocalipsis 2:4

Ukampis jumatak arsuñaxaw utjitu: qalltan utjkäyätamsa uka munasiñamax janiw utjkxtamti.