TAKSU LAK 5:21 - ASII LAKDAP Bible (BSI) Ümniiraq jamlai wa riitlaü ka, Tatiwe raq wiita achhi siisaq. Ümniika ümbano kiwa tlaü kra, apaiq raq wiita chhishat. Hawa Naga Bible 2001 Yehowa kuex mnoz rueq shuimx vshuiux phvnx ruip saz kuex khiz yaq, mnoz khuemx shamx httuiuc vtuiux baung ruip saz nuex piq rueq bvmc lawc yaq. |
Tatiwe raq mangjong tlotli ka tro tri raüta kheshat liitlo. Raüta ju tsantsii wa apaiq rai riipona tlii maq sitlaq kriiti ma ningkun shoqke miitu khekham maq sitlo. Shatmaq ümniiraq ashut angi jaq sham klo laü. Kra ningkhan ümchaü sanha ümniika chiq are rai li she mirkhat siq haü.”
Kiitiikaq ümniiraq ikiim wiiq tek ka liikuq shat maq mikhrum haü, shatmaq ümniiraq ingarai thun ka konchon maü she mirhaü.
Shiikeawe raq apaiq hansang maq motiisi min miraq, shatmaq apaiq khuthaq na Shiikeawe maklii ka thüruq li thütlo.
Ngi raq jamlai jaq wa shamtiikang ka Shiikeawe raq wiita asap siisaq; ikiimwiiq awea ka apaiq raq achhi.
Tatiwe ka apaiq asii shomjam na; apaiq hokham ngacho ka ramungtan na. Apaiq raq maiqse ka barap binrii wa liitlo kiimaq tsangshiq raq jamlai wa klotlaq kra wiita asap.
Ngi raq ümtri aming raütu nai ümniiraq tsii chongkuqtlaü bomtsi thun kra lang tiikang; ngi raq ümchuwa jaqsham tiikang ka wiita ümniiraq achhihaü siisaq.
Ümniiraq itsantsii asap haü. Ümnaq rawa na i phana kilaü ihata; laüta ümniiraq ngi ka wiita konchon laü ihata laüta itsan na ashut tiima ahü hum maü dea ihata.
Barapse na jamlai mra wa pintlaq, kriika Tatiwe raq chhishat; nashiq raq ahea shea shamtiikai, abi wa shamtiikai kriika, Apaiq raq liishat.
Thiwiithi maq jaqsham hang laq: laüta jaq ka sham laq. Kra riihaüla jaqsham tlaü ka, riikhaqli miraq.
Apaiq ka tsitsü rilung lam na khummak; shatmaq lamjiq na kihotlo. Kiimaq apaiq ka ümnüno kihotlaq, kra apaiq raq sap mak.
Tsangshiq raq jamlai wa klotlaq kriika Ngi raq wiita kunkun achhiha siisaq. Ngi raq chhimang chang ka jamlai min ahü. Imakki wiika tiipaü kilot mak. Tsangshiq raq ümchuwa ngarai tangtlaq kriika wiita ngi raq chhishat rashra.
Ngi, Tatiwe raq maiqse khutsai thun ka sidi liitiikang, kiimaq maiqse tsantsii thun kra maitai tiikang. Ngi raq maiqse ka loweatek jamkho singatlaq kiimaq apaiq raq jamlai wa shamtlaq kra phan phan thapthi kuqtiikang.”
Ngi raq chhimang chang ka jumin tiipaükilot mak. Namshiq raq Ngi ka barap binrii na siti, ramungtan niimin kiimaq mangjong hiq niimin nguta sap man sha?
Arka tsangnai kharii she. Jamkhano ngukla tsangnai raq ajiq pinthum ngarai tang wanto. Tsangnai ka maiqchak rai sra wanto. Kiimaq Tatiwe mang shaphaq raüta, arot bom chongto. Arka Tatiwe raq romak bom chongto. Tsangnai raq jamlai wa klotaq kriika apaiq raq asap. Apaiq ka tsangnai raq ashut klo wantaq kra chhiti kiimwe. Arka Tatiwe raq ngutlo.”
Ümniiraq taksu pinthum jaqsham thun sürii tlaü. Laüta ajong pinthum jaqsham thun shamtlaü. Maiqse raq jamlai phan wa kloliitlaq kriika, ümniiraq wiita achhi haü siisaq. Krai mren, ümniiraq maiqse ka tsangshiq raq jamlai jaq wa shamtlaq kra phanphan poksi kuqtlaü.
Shatmaq tsangshiq raq, atinkhan ngarai tangwan tlaq arka, ngi raq achhiha nguta, tsang khutsai na saümak. Ümchaü sanha tsangshiq ngarai raq alamshe riiwanto. Tsangshiq ngarai ka imak na rashra tiichhi shat,” nguta Tatiwe raq ngutlo.
Maiqse raq, Shiikeawe maklii wa apaü chang ka jam min ahü. Ramungtan na nai mangjong hiq na ümtinkhan wa diim tlaq thun kra, Shiikeawe raq achhi kiimaq asap siisaq. Nashiq tarü raq narilung ara miitu wiita apaiq ma heshap kewan chang miraq.
“Thajatira na phungtu sitlaq kra liiti rase ma ara waiq laq: “Ara tsütsa arka Shiikeawe Se, amak chhai walü wa ikha litlaq, kiimaq ahokphi ka nairai ngam apan rea jai chhai rai tlaq ikhiiwe raq atiiwan.
Ngi raq asetiim ka wiita mitsat baiq ha. Krai mren maiqse tsan mong na, ahea abi tiima rüm tlaq kra, kiimaq tsangshiq raq jamlai phan wa ro tlaq kra, wiita ngi raq asapha siisaq nguta phungtuti wiita raq misap. Krai mren, ngi raq namshiq tarü ma loweatek raq maiqmii jaqsham ka jamkho sham lan, kra phan phan jaq maq mikuq ha.