JEREMIA 17:10 - ASII LAKDAP Bible (BSI)

¹⁰ Ngi, Tatiwe raq maiqse khutsai thun ka sidi liitiikang, kiimaq maiqse tsantsii thun kra maitai tiikang. Ngi raq maiqse ka loweatek jamkho singatlaq kiimaq apaiq raq jamlai wa shamtlaq kra phan phan thapthi kuqtiikang.”

Hawa Naga Bible 2001

¹⁰ Ngaz Yehowa rueq miq thuinz nuex kvmungx yaq kuex thuiyx konx vtueq miqsaz thuinz vmungx htenc kuex taruiyx lawc vshaungx. Ngaz rueq miq tek vtueq tsuingshiq honc vyaungc nuiyc tsuingshiq rueq shuimx lvmz yaq kuex tv-phvnc vmauk kuq shaungx,” ngoz tueq jungx tueq.

JEREMIA 17:10 Referencias Cruzadas

1 HOKHVMX 8:39

tsangshiq achujaü ka tre kuq laq. Ümniiraq ramungtan na ümjam mong maq, tsangshiq achujaü ka trekuq laq. Tsangshiq mra ka diikuq laq. Laüta tsangshiq ka khrum kuq laq. Maiqse tiima tsantsii khonti ka ümniili. Maiqse loweatek ma apaiq raq klotlaq kra phan phan thamsong kuqlaq.

1 KAÜWA WERAÜ 28:9

Kiimaq apaiq raq Solomon ma chongto, “Ise lei, ngi raq ümniima ümwe Shiikeawe ka saplaq nguta aming kuq tiikang. Laüta apaiq kli tsan nai mongjii wiita kuq lata shiililii wan laq, kiimaq khoqriiq shishiiq tiima tsantsii maq shiililaq. Apaiq raq nashiq tiima tsantsii kunli asap. Kiimaq nashiq raq jamlai wa lungwii tiikai kriimin asap. Krai mren ümniika awokhong na wahaüla, apaiq raq ümniika mitao. Shatmaq ümniika awokhong wa ahin na juho raüla, apaiq raq ümniika pattup miitu she mimiimbaiq.

1 KAÜWA WERAÜ 29:17

Ngi raq asapha ümniiriika maiqse angu kunli tsantsii ka maitai tlaü, kiimaq jurwa tsantsii khangriri hea riimtlaq kriiti rai ka chochi khiq sitlaü. Tsantsii khangriri hea maq kiimaq tingting tsantsii maq, ngi raq arthun ara khoqriiq shishiiq maq ümniima kiinong kuq tiikang. Kiimaq ngi raq chhi wan kang she, ümsenginok ümchaü arjaq thungtii wantaqti raq khoqriiq shishiiq maq ümniima honglu thun ka kuq wanto.

2 KAÜWA WERAÜ 6:30

tsangshiq achu jaü ka tai laq. Tsangshiq achu jaü ka ümjamjong ramungtan maq tailaq. Laüta tsangshiq ngarai ka dü kuq laq. Maiqse tiima tsantsii khontiwe ka ümniili. Maiqse loweatek ma apaiq raq jamlai laplu chang thek tlaq kra phan phan klo kuq laq.

YOBA 34:11

Apaiq raq maiqse ka tsangshiq raq jamkho shamtlaq, kra tiiphan phan poksi kuqtlo raüta thektlaq kra phan phan tsangshiq ka liikuqtlo.

Tvtsvmc 44:21

ümniiriika michhi haü dongdii, jamkhano ngukla ümniiraq naishiq tsantsii apaü arthü ka asaphaü.

Tvtsvmc 44:22

Shatmaq ümmang na naishiq ka wranaiqshe tsatbaiq wantlo, naishiq ka sku kong ataaphaq ma hithotlaq ikha hithotlo.

Tvtsvmc 62:12

kiimaq apaiq lungwiitsii ka tiipitmak phan. Ümniiriili O Tatiwe lei, maiq loweatek ma ajaq shamtaq kra phan phan poksi kuqtlaü.

Tvtsvmc 7:10

Shiikeawe ka ngi khupwongti, apaiq aming langti ka khupwong kuqtlo.

Tvtsvmc 7:9

Ümniika tingting Shiikeawe kiimaq naishiq tiima nai naishiq raq jamlai wa rotiikai kra shintlaü. Abi ati maiqse kong raq ashut kiimung tlaq kra tiitsaqlaq laüta maiqshaqti thun ma poksi kuq laq.

TAKSU LAK 12:14

Ümnü maq jamlai wa bomtlaü, kiimaq ümjaq maq jamlai wa shamtlaü, kra khan khan poksi milap haü. Ümnii ma thektlaq poksi kra milap haü.

TAKSU LAK 17:3

Chaq nai kampho ka, wa na chaq raüta chentlo. Kiimaq maiqse tsantsii ka, Tatiwe raq maitai raüta liitlo.

THARC TVLUINGC 9:3

Maiqse wiitarü ka kharii ashi na sup wa chang siisaq. Arka riikhaqli ka riimak. Tsangshiq ka atra si ruq wiiwii, tsang khutsai, ka abi ati tiima tsantsii riili ama sitlo. Kiimaq angi nola tsii riili ama sitlo. Raüta tiihanghiiq miili she tsangshiq ka tsai kitlo.

ISAIA 59:18

Apaiq raq ajaqtinok ka tsangshiq raq ümtinkhan wa shuttaq kra phan phan kappe maq shin raüta mitiichamchao. Maiq mung thun ratsüko na siti thun kriimin mitiichamchao.

JEREMIA 11:20

Kiijiishe ngi raq akha achu jaükang, “Ajong Pinthum Tatiwe lei, ümniika tingting tri maq khaphoketi phowe; ümniiraq maiqse tiima tsantsii ka shintlaü kiimaq maiqse tsan mong na jamkhiiwa tsitlaq kriimin asap haü. Ngi raq ikha ka ümjaqkhon niishe kiinong kuq tiikang. Krai mren, ngi riika ümniiraq ngi ngengsengti khuthaq na iphuk ka jamkhiiwa lamkuq tlaü kriili she miliiha.”

JEREMIA 12:13

Isenginok raq bunwong lai wanto, shatmaq sangli jutto; tsangshiq raq pinthum minshiiq shiichaqto, shatmaq jamlailiip min ahü riito. Itsankhiq henghea kha maq tsangshiq tsam wiita thento.”

JEREMIA 20:12

Shatmaq Ningkun Ajong Tatiwe lei, ümniiraq maiqse ka tingting kappe maq shintlaü; ümniiraq tsangshiq tsan mong na nai tsangshiq khutsai na jamlai wa tiimatlaq kra asap haü. Kra ningkhan ümniiraq ijaqtinok khuthaq na iphuk lamkuqtlaü kra liipha, jamkhano ngukla ngi raq ikha ka ümjaq na akiinongke kun she.

JEREMIA 21:14

Shatmaq ümniiraq jamlai wa ashut klolaü kriikha na Ngi raq ümniima mo mitiihoha. Ngi raq ümhokham jam ka wa maq michaqha. Krai mren wa raq kra jam ka trotam maq bunlak mikhiimbaiq. Arka Ngi, Tatiwe raq toqtan tiikang.”

JEREMIA 23:2

Tatiwe, Israilnok Shiikeawe raq, mungmaiqse aheawiq maq peng wan chang wa pengtsü makti welabi ma akha khatan kiq tiidea wanto: “Namshiq raq isenginok samhea rüm wan man riilan. Namshiq raq tsangshiq wiita tiipin jinbaiq lan. Namshiq raq abi klo lan kha na ümchaü ngi raq namshiq ma mo she mitiihoha.

JEREMIA 32:19

Ümniiraq taksu pinthum jaqsham thun sürii tlaü. Laüta ajong pinthum jaqsham thun shamtlaü. Maiqse raq jamlai phan wa kloliitlaq kriika, ümniiraq wiita achhi haü siisaq. Krai mren, ümniiraq maiqse ka tsangshiq raq jamlai jaq wa shamtlaq kra phanphan poksi kuqtlaü.

EJEKIEL 11:5

Tatiwe wenyi raq ngi ka rom wanto. Kiimaq Tatiwe raq ngi nang nga mungmaiqse ma ara tsütsa ara chonglaq nguta chongto: “Israilnok lei, Ngi raq asapha namshiq raq jamlai wa ngutlan kiimaq jamlai wa kiimung wa sürii tlan kra wiita asapha.

EJEKIEL 14:5

Kriithun sumla phra kong raq Israilnok ka iwokhong wa ahin niishe sheahoto. Shatmaq Ngi raq tsangshiq bomtre chongtiikang bomtsi kriimaq tsangshiq ka iwokhong na hali mitiijang sheawan lot ha sham nguta riichopi tiikang.

Mikha 7:13

Shatmaq mangjong maiqse ngarai henghea kha maq, mangjong hiq ka hiq miq changkhü ikha mijaki.

Matthew 16:27

Jamkhano ngukla Maiq Se ka Awe khushü ngao kra ho raüta, apaiq rasetiim rai saüho ma akhing ka ajeli she. Kiimaq kiitiikaq apaiq maiq loweatek ma apaiq raq jaq shamtaq kra khankhan poksi mikuq.

Matthew 6:4

Akha klo haütiq kra jaqmiiq kene ka pumsii jaqmiiq ma mija. Kiimaq pumsii jaqsham chhiti üm We riishetiq ümniima poksi mikuq.”

John 2:25

Maiqse tsan mong na, jamlai phan wa rüm tlaq, kriika apaiq ma maiq raq chongke rea ngo min raa mak. Apaiq raq tsangshiq tarü tsantsii na, jamlai wa sitlaq kriika sapshat.

Acts 1:24

Kra raütiishe, tsangshiq raq tsangnai wenai mang na ton raütiishe, akha achu jaüto, “Tatiwe le, ümniiriiri maiqse angu tiima tsantsii ka wiita asap haü siisaq. Riita, ümchaü min, ara tsangnai wenai arwa, ümriiti wa ümniiraq tsea wan laü, kriiwe ka naishiq ma tiichhikuq laq.

Romans 6:21

Riita, man na ji na, namshiq raq ngarai minshiiq wan lan kra miitu, ümchaü ka ajiasi she riitlan. Riita kriiwa namshiq ma jamlai phan amet wa lap lan? Kra thun jaqsham wan lan, kra tsingo ka namshiq ma, atsai lam siisaqli tankuq wanto!

Romans 8:27

Krai mren, nashiq tiima tsantsii wiita khonti we, Shiikeawe riimin, Asii Wenyi raq nashiq miitu jamlai wa achu jaükuqtlaq, kriika asap. Ara jamkhano chongtiikai ngukla, Asii Wenyi raq Shiikeawe sengi miitu, achu jaükuqtlaq kriika, Shiikeawe raq jamkho thimi tlaq kra, tiiphan phan li achu jaükuqtlo.

Revelation 2:23

Ngi raq asetiim ka wiita mitsat baiq ha. Krai mren maiqse tsan mong na, ahea abi tiima rüm tlaq kra, kiimaq tsangshiq raq jamlai phan wa ro tlaq kra, wiita ngi raq asapha siisaq nguta phungtuti wiita raq misap. Krai mren, ngi raq namshiq tarü ma loweatek raq maiqmii jaqsham ka jamkho sham lan, kra phan phan jaq maq mikuq ha.

Revelation 20:12

Kiimaq ngi raq maiqse ümchuwa atsai kaiwi ajong ala kiimaq wepuq wese thun ka kongshi niili ngacho khaki na chap raqraq chhikang. Mangjong maiqse raq jamlai wa sham wantaq kra awaiq thü lakdap thun ka linto. Raütiishe lakdap ashi, maiq atra sitlaqti thun mang awaiq thü kriishe linto. Maiq atsai arki thun ka tsangshiq raq jamlai wa sham wantaq thun kriika, kra lakdap thun na awaiq thü asi. Kra phanphan she tsangshiq kha ka pho kuqto.

Revelation 22:12

“Tairong laq!” nguta Jesuq raq ngutlo. “Ngi ka jaqloli misaüho ha! Ngi ka poksi holata kitiikang, maiq loweatek raq tsangshiq jaq sham wantaq kra phanphan poksi kekai.

1 SAMUEL 16:7

Shatmaq Tatiwe raq apaiq ma nguto, “Apaiq ka ajong alu kiimaq atsomwiqwe nguta naq liikiq. Ngi raq apaiq ka ashthoq baiq kun she. Ngi riika maiqse raq shintlaq kiikha shin mang. Maiqse riika maiq ka asham ari na liitlo. Shatmaq ngi riika atsantsii na liitiikang.”