JEREMIA 17:11 - ASII LAKDAP Bible (BSI)

¹¹ Jurwa maiq laolii raüta chiithe ma jatlaq; kriiti ka wushi kaü ashi raq apaiq raq atai riimak, atai phong wokuq raüta asetiim thütlaq ikha. Arilung ka shethungpii niili atsiiq tum ka misumphaq, atiisup na apaiq ka angiwe miili she mija.

Hawa Naga Bible 2001

¹¹ Thuinz vkoarx maq kuimphox thuiyc jix waz kuex miqmac rueq tiz muq maq bumc yaq wushawx ikhoc rvtueq. Piq kuex vrullungx max suing nuex dvyx piq tsak vnyvmx tvmaq gay vtueq, tvsuip nuex piq kuex vruc vngaz muex yaungx wvnc tuex.

JEREMIA 17:11 Referencias Cruzadas

YOBA 20:21

Apaiq raq phaqsiq tlaq akhing na, apin na seabung ka tiichong mak, shatmaq ümchaü ka apaiq rongwin thumto she.

Tvtsvmc 49:13

Liimaüta maiqmii han-ngam ningkun ma kamraüta siwanti nai maiqmii tsiiqtum ma kamraüta siwanti rilung ka akha thumkitlo.

Tvtsvmc 55:23

Shatmaq ümniiraq, O Shiikeawe lei, kra maiq tseati thun nai arot akiqti thun ka tsangshiq rilung ka rijam min mihong shaq na maakho mong na tiidea baiqlaq. Ngi raq riiwe kla, ümniima mikamha.

TAKSU LAK 13:11

Jeriiqriiq maq alap tsiiqtum ka, jaqlo liipan niili miwiiki. Shatmaq kai hunnii raüta alap ka, apa showan wan li miraq.

TAKSU LAK 15:27

Ahuk arot piikii lam wa alap wan, tsiiq ka jamkun na thü raüla, maiqmii jamkun kli michamchao. Kra ningkhan tsiiqlap naqsiqkiq, rilung alu misi haü.

TAKSU LAK 21:6

Laopha tsiiq tum alu tsing mak; ngarai maiqse alu khing mak.

TAKSU LAK 23:5

Ümkampho ka maklii liipan niili, liihawe kaü biwan tlaq ikha, arakong cham raüta mibiwan.

TAKSU LAK 28:16

Atsii ahü maq mungpengti ka, senaino kaqphaq truli miraq, Tsiiqlap siqmakti raq, mung ka alu mipeng.

TAKSU LAK 28:20

Tingting maq siti ka, rilung alu misi. Shatmaq jurwa chiithe ja, taülaü tlaq kriiti ka, moho raüta mitsai.

TAKSU LAK 28:22

Maiq sükhaheati ka, chiithe ma ja kli taülaütlo; Miitsan tum saütlaq, kriimin sapphaq mak.

TAKSU LAK 28:8

Jurwa kampho tiinam raüta, akheng atsinwiq jaütlaq, raüta apaiq ka chiithe ma jatlaq, kriiti tsiiq ka, miitsan maiqse mang chanti, jaq niishe mikiho.

JEREMIA 22:13

Chongthum ma mija jurwa, maiqwok riip raüta ajam haitlaq, kiimaq arot akiq jaqsham raüta ajam tiijong haitlaq; jurwa asengi mungmaiqse ka phe maq ajaq tiishamtlaq, tsangshiq jaq maq ka apaiq raq kuqmak.

JEREMIA 22:17

Shatmaq ümniiriika ümwokpo tiima kli saptlaü; ümniiraq maiq sepii pahea tsatbaiqlaü; kiimaq ümsengi mungmaiqse ka chongwai maq hot hot buk laü. Arka Tatiwe raq ngutlo.

JEREMIA 6:13

Maiq ajong aran wiita pili raq, kampho ka arot akiq lamlu kiiwa lapwan kli shiichaq wantlo. Shammibi nai ramwebi raq dongdii min mungmaiqse ka laoliitlo.

JEREMIA 8:10

Kra ningkhan Ngi raq tsangshiq wak ajam thun ka maiq anyeti miishe mikuqha. Kiimaq tsangnyungre ka maiq ahinti miishe miromkuqha. Maiq angu tarü, ajong aran wiita lotli raq, piikii lam na kampho ka arot akiq lam maq lap wan kriili rittlo. Shammibi nai ramwebi raq dongdii min mungmaiqse ka arot chong raüta laoliitlo.

AMO LUIK DVP (AMOS) 3:10

Tatiwe raq ngtulot, “Tsangshiq raq tri kappe tingting sham mak. Mattsiiq tsatsiiq siq raüta, kiitelong jam hai wantlo

Mikha 2:9

Namshiq raq isengi anyungre, thümwaq mantibi ka, maiqmii jam na apeowiq asi wa jobaiqtlan, lanta ngi achu shiiman tsangsetiim ka, pattup miitu nyeahotlan.

Mikha 7:3

Tsangshiq tarü phusu sang siisaq. Mungtu shiilangbi, phowebi, wiita tsiiqlap seati siisaq. Amangchong ajongwe raq, apaiq raq jamlai wa rotlaq kra, tsangshiq adam kiq ri raüta klotlo.

JEPHANIA 1:9

Ngi raq thatsang maiqse raq, shomnoqtlaq ikha shomnoqtibi, ahuk jati, kiimaq maiqtseati, raüta tsangtijongwe jam ka, ahuk arot tsiiq tum maq tiima wantibi ka, wiita mitiichamchaoha.

JEKERIA 5:4

Tati Ningkun Ajong Pinthumwe raq, arjaq waiq tlaq manson ka apaiq raq armung na siti ahuk jatibi jam na mitiisaüha nguta chongtlo. Kiimahali armung na jurwa rung na atiitum raüta, arot saqse kuq tliiti jamkun na mitiisaü ha nguta chongtlo. Arjaq chongtlaq rai mren, tsangshiq ashut aphittibi jamkun kriika wiita mitiithen baiq,” nguta chongtlo.

MALAKI 3:5

Tati Ningkun Ajong Pinthumwe raq ngutlo, “Ngi ka namshiq phong na midongkiha. Lata namshiq kha ka miphoha. Mintin loqle kloti, maiqchak rai srati, rung na arot saqse keti, ningchang jaqmaq kuq mak haihiiti, kiimaq thümwaq manti-nyungre nanshanti, jechi-nomi kiimaq wanshawe haihiiti kha, kiimaq ngi ma shreng manto thüwan makti thun kha kra miphoha.

Matthew 23:13

“Namshiq ma phiiptsi chang jonghea asi, Phorisinok nai Thungtri shrinketibi le! Mongnam nok le! Namshiq raq mangjong maiqse ka Shiikeawe sengi ma jawanti wachang lam kilü kra ashaq riibaiq tlan. Namshiq maiqmii kiimin wawan man. Kiimaq nanok juwa awa wan tiima tlaq, kriiti kiimin tiiwa man maq lam ka tangta tlan!

Luke 12:20

Shatmaq, Shiikeawe raq apaiq ma, ‘Ei, angi we loi! Athi rawa li, ümmiisaq ka mithumki ngo ka sapphaq maü. Riita ümnaq tsai jai, ümtsiiq tum kriika jurshe wa miphesiq?’ ”

1 Timothy 6:9

Shatmaq, maiqse angu liipan na, juwa chiithe ma jawan hajaq nguta süram tlaq, kiikhiiti ka, sükha ngarai thiikho na dea tlo. Raüta, Thawe raq bi tsan tlaq kiijaq min rai tlo. Tsangshiq ka ajiq shakaq sükha kharü maq tiikha raüta, atiisup na tiimiqchup she tiidea hitbaiq tlo.

Titus 1:11

Tsangshiq raq ajiq traho bom chongkuq tlaq kra, ümniiraq atiiwin riilaq. Tsangshiq raq lamjiq bom chongke wan kha maq, Phungmaiqse maiqta pahea, kamtsantsii ka tiipheng baiq hoto. Tsangshiq raq kra chongkuq mak chang, ajiq tri chongkuq tlo. Kriika tsangshiq maiqmii wokpo miitu, kampho lap ma nguta chongkuq tlo.

2 Peter 2:14

Tsangshiq riika sethoq sepii jati jechakre rai hai nga dam kli rittlo. Tsangshiq tsan mong niika ngarai rilung peosea kli walü wa ikha nyai tlo. Tsangshiq raq kamasham na jehin nore ikhiiti wiita tsangshiq thiikho na tiithap wan tlo. Tsangshiq tsan atsii ka ngarai sükha tum raq aliim wan wishe. Tsangshiq ka Shiikeawe manson walü mong niishe sitlo!

2 Peter 2:3

Ara arot shrabi thun arka, shakaq kong siisaq. Arot kamasham bomtsi tri raü kra phanchan kuq raüta, tsangshiq miitu kampho amet pahea mitiidong. Shiikeawe raq tsangshiq ka man niiphü ashra baiq wan wishe. Raüta tsangshiq ka miqchup shiithen baiq wan miitu kha apho wishe thütlo. Shiikeawe ka kon mak. Asam! Apaiq raq chongthütaq krai mren, ümchaü kha ka apho kun she. Apaiq raq tsangshiq ka mitiichamchao wan she.