JEREMIA 16:17 - ASII LAKDAP Bible (BSI)

¹⁷ Tsangshiq raq jamlai wa klotlaq kriika Ngi raq wiita kunkun achhiha siisaq. Ngi raq chhimang chang ka jamlai min ahü. Imakki wiika tiipaü kilot mak. Tsangshiq raq ümchuwa ngarai tangtlaq kriika wiita ngi raq chhishat rashra.

Hawa Naga Bible 2001

¹⁷ Tsuingshiq rueq shuimx yaq phvnx ruip saz ngaz rueq khiz yaq. Ngvy kox wawc yvmx muinz kvtuing kaz lot muq; tsuingshiq rueq shuimx yaq mvrax ngvy khaungkac wawc yuz wvnc lot tuex rvmuq.

JEREMIA 16:17 Referencias Cruzadas

2 KAÜWA WERAÜ 16:9

Tatiwe raq mangjong tlotli ka tro tri raüta kheshat liitlo. Raüta ju tsantsii wa apaiq rai riipona tlii maq sitlaq kriiti ma ningkun shoqke miitu khekham maq sitlo. Shatmaq ümniiraq ashut angi jaq sham klo laü. Kra ningkhan ümchaü sanha ümniika chiq are rai li she mirkhat siq haü.”

YOBA 10:14

Ümniiraq ngi ka kheshat maq liiwan laü, ngi raq ngarai mitangha shea tang mang wa miraq nguta, laüta ingarai ka diikuq maü maq tiichamchao miitu.

YOBA 31:4

Ngi raq jamlai jaq wa shamtiikang ka Shiikeawe raq wiita asap siisaq; ikiimwiiq awea ka apaiq raq achhi.

Tvtsvmc 109:15

Tati raq tsangshiq ngarai thun ka tsan na tiitsangshat mithülaq, shatmaq tsangshiq ka tsan na tiitsangmak dongdii she milaqbaiqlaq!

Tvtsvmc 139:3

Ümniiraq ngi achhihaü kata, ngi ka jaqsham sha angasea wa; ümniiraq ngi tiimeshitiikang ka wiita asaphaü.

Tvtsvmc 33:15

Apaiq raq tsangshiq khutsai nai tsangshiq mongjii kra tiiqto kiimaq tsangshiq raq jamlai wa klotlaq kra kunli asap.

Tvtsvmc 51:9

Ümmak ka tiichuklaq ingarai thun ka naq liikiq laüta idüwa abi thun kra wiita lambaiqlaq.

Tvtsvmc 90:8

Ümniiraq naishiq ngarai homa ümkhaki na phonglaü, naishiq raq ahukse ma atanghai ngarai thun ka kiiwa wiita ümniiraq chhitlaü.

TAKSU LAK 15:3

Barapse na jamlai mra wa pintlaq, kriika Tatiwe raq chhishat; nashiq raq ahea shea shamtiikai, abi wa shamtiikai kriika, Apaiq raq liishat.

TAKSU LAK 5:21

Ümniiraq jamlai wa riitlaü ka, Tatiwe raq wiita achhi siisaq. Ümniika ümbano kiwa tlaü kra, apaiq raq wiita chhishat.

ISAIA 29:15

Jurwa tsangshiq kiimung thun ka Tatiwe maki wa apaü riilai nguta manhiitlaq kriiti thun ka miqto she! Tsangshiq raq tsangshiq kiimung thun ka ahukse maq klotlo. Raüta kriika jurmin sap mak nguta tiimatlo.

ISAIA 66:18

Ngi raq tsangshiq tiima tsantsii nai tsangshiq jaqsham ka asapha. Ngi ka mangjong hiq wa maiq phan tlotli ka adam na riichomkai kitiikang she. Ümtiikiiwa tsangshiq ka adam na riitamtlaq, tsangshiq raq iningkun jonglu maq jaq ümtinkhan wa sham tiikang, kriishe michhi.

JEREMIA 2:22

Ümkhum ka ümniiraq ahea pinthum sabon maq riihehaü min, Ngi raq ümkhum na ümshut atiinyat rai ka chhishat-li mirha.

JEREMIA 23:24

Ngi raq chhimang chang ka jumin tiipaükilot mak. Namshiq raq Ngi ka barap binrii na siti, ramungtan niimin kiimaq mangjong hiq niimin nguta sap man sha?

JEREMIA 29:23

Arka tsangnai kharii she. Jamkhano ngukla tsangnai raq ajiq pinthum ngarai tang wanto. Tsangnai ka maiqchak rai sra wanto. Kiimaq Tatiwe mang shaphaq raüta, arot bom chongto. Arka Tatiwe raq romak bom chongto. Tsangnai raq jamlai wa klotaq kriika apaiq raq asap. Apaiq ka tsangnai raq ashut klo wantaq kra chhiti kiimwe. Arka Tatiwe raq ngutlo.”

JEREMIA 32:19

Ümniiraq taksu pinthum jaqsham thun sürii tlaü. Laüta ajong pinthum jaqsham thun shamtlaü. Maiqse raq jamlai phan wa kloliitlaq kriika, ümniiraq wiita achhi haü siisaq. Krai mren, ümniiraq maiqse ka tsangshiq raq jamlai jaq wa shamtlaq kra phanphan poksi kuqtlaü.

JEREMIA 7:11

Namshiq raq i Shomjam ka thiimeaq kong tiipaü chang ngutiisha tiimatlan? Namshiq raq jamlai wa klotlan thun ka ngi raq achhiha siisaq.

EJEKIEL 8:12

Kiijiishe Shiikeawe raq ngi ma waito, “Maiqse lei, Israilnok mung welabi raq ahukse maq jamlai wa klotla kra chhitlaü sha? Tsangshiq ka sumla phra phong raq ama khok mong kiijaq noqtlo. Tsangshiq raq akha bom tiinyan raüta noqtlo: ‘Tatiwe raq nashiq ka chhimak na! Apaiq raq namung ka miimbaiqto she.’”

EJEKIEL 9:9

Kiijiishe Shiikeawe raq treto, “Israil mungti nai Juda mungti raq achonglot mai abi pinthum ngarai thun tang raüta shutto. Tsangshiq raq mung hamli na maiq tsatbaiq wanto. Kiimaq Jerusalem ka ajiq ashut kha phong maq tiima wanto. Tsangshiq nga, Ngi, Tatiwe raq, tsang mung ka miimbaiq kang she nguta ngutlo. Kiimaq Ngi raq tsangshiq kiimin chhimang she nguta ngutlo.

JEPHANIA 1:12

“Kra akhing na, ngi raq lemtem sham lata, Jerusalem mirit kiha. Ngi raq ongkangshe nguta siwantibi, kiimaq kamto maq sitibi ma mo mitiihoha. Tsangshiq raq maiqmii nai maiqmii akha tiingotlo, ‘Tatiwe riika ahea min ngumak abi min ngumak tiina.’

JEKERIA 4:10

Jamkhano ngukla, tsangshiq ka jaqthiq dongmak nguta atsutsa riito. Shatmaq tsangshiq raq Jerubabel ka tsankhun maq Shomjam hai wan ka nungpaq mak maq shiichaq wan ruq maq sham wantlo. Krai mren, tsangshiq ka kai mikhoqriiq wan.” Kiitiikaq rase raq ngi ma, “Kra wakoksetiim miishi ka mungkang tlotli chhiti Tatiwe makpo riito.”

1 Corinthians 4:5

Ara chongtiikang arkha na, Shiikeawe raq atiihong rahiq kra misaü shaq na, namshiq raq maiq ka ajiq alam nguta naq sairan rongkiq. Phangthum Khapho miika Tatiwe saükai kra khechang dongdii. Apaiq riishetiq ranyaq jaqsham kaiwa thun kra linhokhok raüta mitiichhi kuq. Kiimaq maiqse raq ajiq tiima tsantsii apaü ashan raüta rüm wantaq thun kra wiita she mitiichhi kuq. Kra akhing niishetiq Shiikeawe raq maiq khumtek ma tsangshiq raq jaqsham wantaq kra khankhan she mishom ra.

Hebrews 4:13

Maiqse raq, Shiikeawe maklii wa apaü chang ka jam min ahü. Ramungtan na nai mangjong hiq na ümtinkhan wa diim tlaq thun kra, Shiikeawe raq achhi kiimaq asap siisaq. Nashiq tarü raq narilung ara miitu wiita apaiq ma heshap kewan chang miraq.