JEREMIA 16:16 - ASII LAKDAP Bible (BSI)

¹⁶ Tatiwe raq ngutlo, “Ngi raq ngiq khupti maiq pahea tiihea wakang. Lata arnok ara mitiikhupha. Kra latiishe Ngi raq ngamhiipti kong maiq pahea mitiihea wanha. Lata tsangshiq ma Israilnok ka pum aweatek wa kiimaq ku akin aweatek wa kiimaq chongkhong longsha aweatek wa, longraq mong wa wiita kunkun mitrit wanha.

Hawa Naga Bible 2001

¹⁶ Yehowa rueq, “Ngaz rueq kvruex miq htenc kuex lvp kay tvkoc ngaq lvp jix miq paunghvlc tvkaz shaungx. Kvruex yimaq tsuingshiq kuex kuz vkanx tek vtueq, lung rauk htenc hvlwvl wawc lungluix lungshaung htenc nuex thuiyc kay tvkoc shvrvyx paunghvlc tvkaz shaungx.

JEREMIA 16:16 Referencias Cruzadas

RAPHA HIQWA LAK 10:9

Tatiwe raq khrum kha maq apaiq ka ngam hiiptiwe laqkong pinthum riito. Kiimaq kra ningkhan maiq raq ngutlo, “Tatiwe raq Nimrod laqkong pinthum tiijataq kiikha ümniimin mitiijalaq!”

ISAIA 2:21

Ümtiikiiwa Tati ka mangjong hiq ka naübaiqkai saühotlaq, kra akhing na maiq thun ka apaiq tsankhiq walü kiiwa kiimaq apaiq ningkun jong nai apaiq khushü jonglu kiiwa tiiwong miitu maiq thun ka hiqkho bok thun na kiimaq longraq kam na longkhong bok thun na juraüta mitiipaü wa.

ISAIA 7:19

Tsangshiq ka saüwan raüta longraq jüwii hong thun na kiimaq chongkhong longshabok thun kiina, kiimaq shuktam ro thun kiina kiimaq nyamse rümchang chang nyiim lung ram thun kiina wiita ama mibok wan.

JEREMIA 25:9

‘Ngi raq mangjong maiqse tlotli khuthaq na, shekhu nü mung wa, re mitiikiha, kiimaq ijaqshise Bebilon Hokhamwe Nebukadnejar kriishe mitiikiha. Ngi raq tsangshiq kra sheaho lata Juda mungti nai Juda mung tro na siti maiq mung thun kra mitiikhat wanha. Ngi raq armung ara kiimaq armung tro na siti maiq mung thun kra wiita re ma tiikhat lata botkhulai rai she pattup miitu mishotbaiqha. Maklii jai na tiijangphat kiimaq maiqphiip maiqjiip she mitiithen baiqha. Arka Ngi, Tatiwe raq toqtan tiikang.

JEREMIA 4:29

Kumrang thaq na chaoti phenlabi, nai liq witinok thun saksok laqsaq trang kra tai raüta maiq thun wiita apin ajin mijutrang. Maiq wiijam ka rum na miju, wiijam ka long raqkhong na mitiipaü ju. Chela thun wiita maiq ahü siirai miraq, kiimaq kra chela thun na maiq ka jumin siwa nong mak she miraq.

JEREMIA 49:5

Ngi raq namshiq khuthaq na trotam maq phiiptsi chang rathaiq mitiisaüha. Namshiq tarü pongpin riipin miju han. Maiq loweatek maiqmii chiimjin mipin trang. Krai mren namshiqnok phenlabi ka adam na triitam shea wanti maiq ka jumin ahü she miraq.

JEREMIA 6:9

Ajong Pinthum Tatiwe raq ngi ma nguto, “Spiqtsi ro wa spiqtsi ka jamkho atsungwa tiisiirai riichom pan tlaq ikha, Israil mung wa maiq kiimin wiita spiqtsi pantlaq ikha mipan phaq wan. Arningkhan kra redong akhing ka misaüshaq na ümniiraq ümchuwa tang tlaü tiichhiilaq.”

AJONJÜ 4:18

Re raq nashiq ka liishat khehoto, Nashiq kinphai na dongkai chang lam ahü riito. Nashiq rilung thumto she. Nashiq ningthoi saüwato.

AJONJÜ 4:19

Nashiq ka liihawe raq ra wang win maq ajolulu, wuphiim tlaq ikha jotlo. Tsangshiq raq kin thun kiimaq phanho raüta, rumnyangkhi na tiihanghiiq maq kaqhoto.

Hosea 10:10

Ngi kilata ara ngaraibu hoti mikhatkiha. Pongmungti re pahea shun lata, Israil mung mikhat wanha. Tsangshiq khabu jonghea, kriikha na mikhat wan.

AMO LUIK DVP (AMOS) 4:2

Ajong Thaq Na Ajong Tatiwe raq apaiq asii mang chong raüta, tumkhamkok maq akha tum tlo, “Liirong laq, namshiq ma akhing saü wan tlo, namshiq ka chiqse rewe raq, pun maq ngiq pun tlaq ikha wiita kun li pun raüta, pongmung na shumwi ma runrun mihit wan.

AMO LUIK DVP (AMOS) 5:19

Kra ranaiq akhing ka, maiq weshi ka hangsikaü raq jowan raüta aju, chapbi kaü rai riihum rainong tlaq ikha miraq! Kiimaq maiq weshi ka wakmaq awa ajam na saü, ajaq hiqkhu chong na arwiiq, kiiwa paü raq athaü ikha miraq!

Mikha 7:2

Maiqshaq weshi min ahüshe mungkang hiq na, Shiikeawe tsanwa maiq ahüshe. Maiq angu tarü matsaü tsasekong siisaq. Weshi raq weshi tseabaiq wan kriili she rittlo.

JEPHANIA 1:12

“Kra akhing na, ngi raq lemtem sham lata, Jerusalem mirit kiha. Ngi raq ongkangshe nguta siwantibi, kiimaq kamto maq sitibi ma mo mitiihoha. Tsangshiq raq maiqmii nai maiqmii akha tiingotlo, ‘Tatiwe riika ahea min ngumak abi min ngumak tiina.’

1 SAMUEL 24:11

Liilaq, iwe lei! Ara ijaq na ümsamtong jong kaü ümdü na samtlaü kiiwa ahan ha kheaphu shamtiikang ara liilaq! Ngi raq ümchaüli misebaiq lot ha wa, shatmaq ümmiisaq tiithum wan la na, ara ümsamtong ni phuse arli hankang. Riita arshejo ümniima ümtsan na mit-sitoli maq tiitsang dada thü wan chang bomtsi ka, ngi raq ümnaq hokham ngachang ka jiimang. Kiimaq ümnaq tseata ka tankhan mang. Shatmaq ümniiraq ngi ka jamlai khü akha min ahü na, atseabaiq miitu, ngamjo ngiqjo khum arum na konchi koncha jo tlaü.

1 SAMUEL 26:20

Ngi ka Tatiwe wokhong wa alu na jobaiq raüta, pongmung na naq tiitsatbaiqkiq. Riita, hokhamwe raq, ngi akhnok tlaikaüse ikha kra tseakai jaram kai wa? Apaiq raq ngi ka rum wa peshap wushi ikha, jaram wa jojü rat tla?” nguta Dawit raq nguto.