JEREMIA 16:15 - ASII LAKDAP Bible (BSI)

¹⁵ Kra ngorii na, tsangshiq raq ngi mang chong raüta, ngi ka atra Shiikeawe tsangshiq Israilnok ka shekhu nü mung thun kiiwa riichom wan lata, kiimaq maiq mung thun ahin pahea na tsangshiq ka atiipin baiq wan ha kiiwa riichom wantiwe nguta mingu. Ngi raq tsangshiq ka tsangmung na tsangti tum ma akuq wan ha mung kiina hali mitsuq wan nongha. Arka Ngi, Tatiwe raq ngutiikang.”

Hawa Naga Bible 2001

¹⁵ Kvkhoc kvtuemc ngoc mvnx, Israel miqsaz kuex ghaqkhux kox mungx nuiyc ngaz rueq tsuingshiq tvpanc gay tauk vganc mungtan htenc lotlaz wawc tvtuimx shvlc wvnc jix Tishox kuex vtvraungx httax yaq ngoz tueq tsuingshiq kuex ngaz muex kvtuemc wuez tuex. Ngaz rueq tsuingshiq jix vwaz tamx muex kuq tauk mungtan, tsuingshiq mungtan nuex shvlx wvnc shaungx. Ngaz Yehowa rueq jungx vshaungx,” ngoz tueq jungx tueq.

JEREMIA 16:15 Referencias Cruzadas

RAPHA HIQWA LAK 28:15

Tsan na tiitsang laq. Ngi ka ümniirai nong shiinong mirha. Kiimaq ümniika ümriiba niili khum haü jiimin tiikhup wong kuq shat mirha. Kiimaq Ngi raq ümniika armung na hali mitiijang sheaho nongha. Ngi raq ümniima kiqkham raüpot khakuq kang thun kra kunli miku piwan shaq wiiwii, Ngi raq ümniika thaq mang.”

Tvtsvmc 106:47

Naishiq chhiilaq, O Tatiwe lei, naishiq Shiikeawe lei, laüta naishiq ka pongmung thun wa tiijang tsuq wan nonglaq, raüla naishiq raq pinthum kechu mitumkai laita ümnaq asii mangchong mitiitsamkai.

ISAIA 14:1

Tatiwe ka thongshiri hali asengi Israilnok ma mangchan mitiichhikuq nong. Raüta tsangshiq ka apaiq riishe nguta mitsea wan nong. Apaiq raq tsangshiq ka tsang mung na thongshiri hali mitiishong wan nong. Kiimaq pongmungti maiq pahea kiijaq waraüta tsangshiq rai misidam.

JEREMIA 12:15

Shatmaq Ngi raq tsangshiq ka babaiq wanjai, Ngi raq tsangshiq ka atiihang mirwanha; Ngi raq maiq mung thun aweatek wa mungmaiqse ka tsangshiq ka maiqmii hiqshong na kiimaq maiqmiimii mung nahali mitsuq wan nongha.

JEREMIA 23:3

Ngi raq isenginok aso atiichong ka, ngi raq tsangshiq ka pongmung thun na ajobaiqha kriiwa adam niishe mirchomha. Lata ngi raq tsangshiq ka tsangshiq hiqshong chü na mitiishong nga wan nongha. Tsangshiq ka saütam serü pahea she mipu chi wan.

JEREMIA 23:7

“Akhing saü wantlo she,” nguta Tatiwe raq ngutlo, “Kiitiikaq maiqse raq imang chong raüta, Ngi ka atra Shiikeawe tsangshiq Israilnok ka Ejip mung wa tsuq wantiwe nguta tiitumta mak she miraq.

JEREMIA 23:8

Kra rii na, tsangshiq raq ngi ka atra Shiikeawe, tsangshiq Israilnok ka hiqkhu nü mung wa nai maiq mung ahin pahea na atiipinbaiqha wa triitam shea wantiwe ngutiishe mitiitum. Raütiishe tsangshiq ka tsangmung niishe mishong nga wan.”

JEREMIA 24:6

Ngi raq tsangshiq ka khebom shatmaq miriimha. Lata tsangshiq ka armung arjaq hali mitiijang sheaho nongha. Ngi raq tsangshiq ka atiijonglu midung hiqha. Ngi raq tsangshiq ka tiithenbaiq mang. Ngi raq tsangshiq ka pechong ikha achhi ajang mirha. Ngi raq tsangshiq ka phai baiq mang.

JEREMIA 29:14

Kriidea, Ngi raq ngutiikang, namshiq raq Ngi ka mihum han. Kiimaq Ngi raq namshiq ma nam mung ka mijang kuq nongha. Ngi raq namshiq ka maiq mung aweatek wa kiimaq maiqhiq aweatek na, Ngi raq namshiq ka pongmung na, ümchu mung niiwa munglu shumwi kong ma nyinbaiq kang, kra mungthun tlotli wa tsuq wan nong lata, nammung na hali mitiishong wan kang. Arka Ngi, Tatiwe raq toqtan tiikang.’

JEREMIA 3:18

Israil kiimin Juda rai adam na pong wan raütiishe tsangnai ka kongshi miishe shekhu nü mung na munglu shumwi asiwa kiiwa miki raüta, ngi raq namtitiim ma pattup pat-sa miitu tachong hupsam ma akuqha mungtan kiijiishe mijang wan.”

JEREMIA 30:10

“Isenginok lei, naqhai rongkiq; Israilnok lei, naq kiinyii rongkiq. Ngi raq namshiq ka kra luhea mung kiiwa mikhup wongkuq kang, namshiq shumwikong jatlan mung kiiwa. Namshiq ka maiqmii jam na mijang wan nonghan. Namshiq ka hansang she, kiimaq jurmin namshiq ka tiihaichhai mak she miraq. Namshiq ka khu asang miishe misihan,

JEREMIA 30:3

Jamkhano ngukla jai maq akhing saüwan raüla Ngi raq isenginok, Israil mungti nai Juda mungti ka tsangshiq hiqchü rachü kiina mitiishongnga wan nongha. Ngi raq tsangshiq ka tsangtitiim ma akuq wanha hiqshong rahai chü mung kiijaq mitsuq wan nongha. Krai mren tsangmung ka tsangshiq raq hali milap wan nong. Arka Ngi, Tatiwe raq ngutiikang.”

JEREMIA 31:8

Ngi raq tsangshiq ka sheqkhu nü mung wa mitsuq wanha, kiimaq tsangshiq ka ratho hiqrai rarai wa mitsuq wanha. Makchukti thun kiimaq akü ashii kong thun tsangshiq rai miwadam, wiise nyung kong kiimaq ase chiiho nam namti thun min miwadam. Tsangshiq ka mung jonghea pinthum she mijang wan.

JEREMIA 32:37

Ngi raq itsankhiq tsi ma nai itsankhiq walüwa hengtsi ma pongmung thun pahea na barapse na nyinshin baiq kang Israilnok ka adam na arjaq hali mitriichom wan nongha. Lata Ngi raq tsangshiq ka arhiq na mishea wan nongha. Lata tsangshiq ka hansang rakhang miishe mitiishong nga wanha.

JEREMIA 50:19

Ngi raq Israilnok ka tsang mung na hali mitiishong nga wan nongha. Tsangshiq raq Karmel Pum na wak asham tsam mantlaq kra miphaq siq. Kiimaq Bashan tan wa tsam kra mijut siq. Kiimaq tsangshiq raq Ephraim wang nai Gilead wang na tü atsam ümchuwa dongmantlaq kra tsangwok phetak tak maq miphaq siq wan.

EJEKIEL 36:24

Ngi raq namshiq ka maiq mungtek wa kiimaq maiqhiq tek wa mitsuq wanha. Lata nam mung na hali mitiijang shea wan nongha.

EJEKIEL 39:28

Kiijiishetiq i senginok raq Ngi ardea Tatiwe tsangshiq Shiikeawe nguta misap wan. Tsangshiq kra jamkho misap wan ngukla, Ngi raq tsangshiq ka munglu shumwi kong ma tiijabaiq wan kang. Shatmaq ümchaü ka Ngi raq tsangshiq ka adam na hali triitam tsuq wan nong kang. Lata tsang mung na hali tiishong nga wan nong tiikang. Ngi raq tsangshiq phong wa maiq weshi ra dongdii min jai na baiqthü mang.

Yoel 3:1

Tatiwe raq ngutlo, ara akhing na ngi raq Juda mungti nai Jerusalem chelati ma, arong awin maq siwan miitu achu mishman kuqha.

AMO LUIK DVP (AMOS) 9:14

Ngi raq isenginok pongmung na anyin baiq wan ha wa, tsangmung niishe mitsuq wan ha. Raüta tsangshiq raq tsangshiq chela thun athen arki ka, wiita mitiihea hai wan. Raüta mishong nga wan nong. Tsangshiq spiqtsi ro thun kra michhi wan nong. Raüta spiqtai ka chamtraq minyang wan. Tsangshiq raq petsi wiqtsam ro ka, pahea michhi wan. Raüta petsi wiqtsam chamtraq miphaq siq wan.

AMO LUIK DVP (AMOS) 9:15

Ngi raq isenginok ka tsangshiq ma akuq ha mungtan kiiwa, aphai arbaiqha, achhihali mirwan nong ha, Krai mren tsangshiq ka, tsangshiq hiqshong rahai kiiwa ümtiikiimin, tiipin jinbaiq mak she miraq.” Arka namshiq Tati Shiikeawe raq ngutlo.