Hosea 7:2 - ASII LAKDAP Bible (BSI)

² Shatmaq tsangshiq raq, atinkhan ngarai tangwan tlaq arka, ngi raq achhiha nguta, tsang khutsai na saümak. Ümchaü sanha tsangshiq ngarai raq alamshe riiwanto. Tsangshiq ngarai ka imak na rashra tiichhi shat,” nguta Tatiwe raq ngutlo.

Hawa Naga Bible 2001

² Tsuingshiq rueq shuimx yaq layx bac htenc ngaz rueq tvtsuingc taq vshaungx lvmz tsuingshiq rueq mkaq muinz helc muq; yuq muinz tsuingshiq mvrax htenc rueq tsuingshiq kuex tvkomc tuimx wvnc vshuex, ngvy khaungkac nuex kvruex mvrax htenc kuex dung kvkhic yaq.”

Hosea 7:2 Referencias Cruzadas

YOBA 34:21

Apaiq raq maiqse kiimwiiq aweatek ka liishat riitlo.

Tvtsvmc 10:11

Abiwe raq atsan na akha ngutlo, “Shiikeawe riika broriimak! Apaiq raq amak ka atiichuk kun she kiimaq ngi ka ümtiikiimin chhimak miraq!”

Tvtsvmc 25:7

Ngi raq noseji na ngarai tangkang thun nai ajiq klokang thun mra ka diibaiqlaq. Ümnaq tiipit maü mangchan nai ümthuktsom kriimaq, ngi ka tiitsangshat riilaq, Tatiwe le!

Tvtsvmc 50:22

“Ara tai ronglaq, namshiq ngi shipoqtibi raq, riimakla ngi raq namshiq ka mishthen baiqha, kiimaq namshiq tiichhiiketi ka jumin ahüshe miraq.

Tvtsvmc 9:16

Tatiwe raq apaiq sham ka ajaqsham tingting khapho miishe tiichhi kuqto, kiimaq abi kloti ka tsangshiq maiqmii jaqsham thiikho niili dea wantlo.

Tvtsvmc 90:8

Ümniiraq naishiq ngarai homa ümkhaki na phonglaü, naishiq raq ahukse ma atanghai ngarai thun ka kiiwa wiita ümniiraq chhitlaü.

ISAIA 1:3

Jam nyamsekong riika atati asap. Kiimaq kumtoq kong riimin atijongwe raq tsangshiq dung changba ka asap. Tsangshiq riika isenginok Israilnok raq Ngi saptlaq kriithaq na achan tsangshiq riimti ka saptlo. Shatmaq Israilnok raq Ngi ka akhiismin sapmak dongdii.”

ISAIA 26:16

Tatiwe lei, ümniiraq ümsenginok ka sintsang maq tsat laü; kiimaq üm motsi ma tsangshiq raq ümjaq wa achu jaüto.

ISAIA 44:19

Sumla phra thun tiiqloti khutsai ka ahü. Tsangshiq raq maiqmii tiima tsantsii na, “Pe pan wiijam ka chin ma chaqkang. Lata ngi raq winsii lumkang. Kiimaq ngam ka wa na shulata phaqkang. Kriiwa chantlaq pepan kiiwa sumla phra ashi haikang. Lata ümchaü ka ngi raq pepan wa sumla haikang kriishe noqtiikang!”

ISAIA 5:12

Namshiq raq poi klo tlan akhing na, phaqlamtoro thun, kiimaq jaqsinpin nai paimin thun tsülanta che kla baknyang polo lantli mochii tlan. Shatmaq Tati raq jamlai wa kiimungtlaq kriika sapphaq man.

JEREMIA 14:10

Tatiwe raq arnok miitu akha ngutlo, “Tsangshiq ka iwokhong wa juho kli lungwiitlo. Tsangshiq raq tsangshiq tsantsii ka shiikhing tsümak. Kra ningkhan ngi ka tsangshiq ma itsan heamak. Tsangshiq raq ümchu wa shutphittaq kra ngi raq tsan na mithüha. Lata tsangshiq ngarai kha na tsangshiq ma mo mitiihoha.”

JEREMIA 16:17

Tsangshiq raq jamlai wa klotlaq kriika Ngi raq wiita kunkun achhiha siisaq. Ngi raq chhimang chang ka jamlai min ahü. Imakki wiika tiipaü kilot mak. Tsangshiq raq ümchuwa ngarai tangtlaq kriika wiita ngi raq chhishat rashra.

JEREMIA 17:1

Tatiwe raq ngutlo, “Juda mungti lei, namshiq ngarai raüpot ka jin kolom maq waiqthüto. Arka namshiq tsan mong na longseng kii asiwiq maq wat raüta namshiq tsan mong na waiqthüto. Kiimaq namshiq raq shomnoq wantlan berong-wacha tapshok rong thun kiijaq wat raüta waiqthüto.

JEREMIA 2:19

Ümniiraq abi kiimungtlaü kriiraq ümniima mo mitiiho, kiimaq ümniika iwokhong wa dongho laü kra riili ümniika mitiishut. Arka ümtinkhan akhap wa kiimaq ashut wa kra misap haü, ngi miimthü laü, Tatiwe, üm Shiikeawe, kiimaq iwokhong na simang she nguta kiholaü kra. Arka, Ngi, Ajong Pinthum Tatiwe raq ngutiikang.”

JEREMIA 32:19

Ümniiraq taksu pinthum jaqsham thun sürii tlaü. Laüta ajong pinthum jaqsham thun shamtlaü. Maiqse raq jamlai phan wa kloliitlaq kriika, ümniiraq wiita achhi haü siisaq. Krai mren, ümniiraq maiqse ka tsangshiq raq jamlai jaq wa shamtlaq kra phanphan poksi kuqtlaü.

JEREMIA 4:18

Juda lei, arka ümniiraq ümkhu thaq na, ümrilung na ümchap ümnga maq kiimaq ümjaq sham ümkai wa maq niq wan laü ahata. Ümngarai ma phong kra tham she ara chamchao ara saü wanto. Ümchaü sanha jasai maq üm mongpo na tiiphok ra she shokto.

JEREMIA 44:21

“Riita namshiq raq kiimaq namtitiim raq, nam hokhambi raq kiimaq namwelabi thun raq, kiimaq nammungti mungmaiqse raq Juda mung na chela thun kiijaq kiimaq Jerusalem chela chiihea wea lam thun na ümchuwa honglu takuq wantaq thun kriika, namshiq nga Tatiwe riika chhimak dea kiimaq riimakla alaq rea riito sham ngutiisha tiima tlan?

EJEKIEL 21:29

Namshiq raq riisham makchhi thun chhitlan kriika arot. Kiimaq namshiq raq tiithaitlan kra arot. Namshiq ka abi kiimaq ashut kiimungti. Kiimaq namshiq ningthoi ranaiq ka saüwantlo she. Namshiq ma mo tiiho ranaiq. Nepja ka nam dangkong niishe misaü.

Hosea 12:2

Tatiwe raq Juda mung ma kha nyantlo. Apaiq raq Israilnok kiimin, tsangshiq raq ashut klowantaq kra phanphan, sintsang mitiiho. Tsangshiq raq jamkho ashut kowantaq, kra khan khan khatham mitiichamchao.

Hosea 4:9

Arkha na namshiq ramwebi ka, mungmaiqse rai chiimshi niili, midea han! Namshiq kiimin mungmaiqse rai adam na mitiichamchao wan ha.

Hosea 6:2

Ranaiqnai riimakla ranaiqtsam liipan niili, apaiq raq nashiq tsitsü mitiichümkuq, kiimaq nashiq ka apaiq wokhong na misi rong i.

Hosea 8:13

Tsangshiq raq ngi ka shomnoq wantlo. Raüta honglu ngamrea phaq wantlo. Shatmaq ngi tsangshiq Tatiwe ka, tsangshiq ma tsankhiq. Ümchaü sanha tsangshiq ngarai thop ka, tsangshiq makki niishe michekuqha. Lata tsangshiq ka sintsang miishe mitsatha. Lata Ejip mung niishe mijobaiq nongha!

Hosea 9:15

Tsangshiq ka ashut ashai wiita raüchong, Gilgal chela maq shampha wanto, Kriikha na ngi raq saisi wan kang, tsangshiq ka Ijamjong wa, mijobaiqha. Ngi raq tsangshiq lungwii mang she. Mungtu shiilangbi ngi ngengti siisaq.

Hosea 9:9

Tsangshiq raq Gibea chela maq phawan raüta, abi pinthum ngarai tangtlo. Shiikeawe raq tsangshiq ngarai raüpot khathüto. Apaiq raq tsangshiq mitiichamchao she.

AMO LUIK DVP (AMOS) 8:7

Israilnok Tati Shiikeawe raq tiitum raüta, “Ngi raq atiitum lata chongtiikang, tsangshiq ngarai ka ngi raq laqmang.

Jona 1:2

“Ninewi chela jong kiina kilaq. Laüta tsangshiq raq ümtinkhan wa abi ngarai tangwan tlaq ka chongkuq kikiq. Tsangshiq raq ngarai klotlaq kra ini na amashe riiwanto.”

WEAWEA 32:23

Shatmaq namshiq raq maiqmii kiqkham kra tiiku wan man riihanla, ngi raq hiiq hiiq namshiq ma ngutiikang, namshiq raq Tatiwe man na ngarai mitang han. Kriika atiitsa riimak jo; namshiq ngarai kha na mo mihohan.

Luke 12:2

Mongnam tsii maq, maiqse raq jamlai wa apang raüta thü tlaq, kriika alin she mirbaiq wan. Kiimaq maiqse raq jamlai wa ahukse maq, tsan mong na tiima tlaq, kriika maiq tarü riishe misap wan.

1 Corinthians 4:5

Ara chongtiikang arkha na, Shiikeawe raq atiihong rahiq kra misaü shaq na, namshiq raq maiq ka ajiq alam nguta naq sairan rongkiq. Phangthum Khapho miika Tatiwe saükai kra khechang dongdii. Apaiq riishetiq ranyaq jaqsham kaiwa thun kra linhokhok raüta mitiichhi kuq. Kiimaq maiqse raq ajiq tiima tsantsii apaü ashan raüta rüm wantaq thun kra wiita she mitiichhi kuq. Kra akhing niishetiq Shiikeawe raq maiq khumtek ma tsangshiq raq jaqsham wantaq kra khankhan she mishom ra.

TRI CHONGKE 32:29

Tsangshiq ka re raq jamkhano tang wantaq kra takmak; tsangshiq ka jamkho miq wantaq kra tak mak.

Hebrews 4:13

Maiqse raq, Shiikeawe maklii wa apaü chang ka jam min ahü. Ramungtan na nai mangjong hiq na ümtinkhan wa diim tlaq thun kra, Shiikeawe raq achhi kiimaq asap siisaq. Nashiq tarü raq narilung ara miitu wiita apaiq ma heshap kewan chang miraq.