NEHEMIA 8:17 - ASII LAKDAP Bible (BSI)

Munglu wansha asiwa ümchuwa jangwantiiti raq, baülitiipsetiim ka hai raüta, sito. Riita Israilnok riika, Nun se Joshua pat na lang wantaq, kra jai miika, ümchaü lang tlaq artiq apha shaqshaq riito. Krai mren, tsangshiq tarü ka polokhiq, kiimaq pinthum khoqriiq shishiiq maq, poi ka kloto.

Hawa Naga Bible 2001

Vthuq vruez laq wawc vyek waung miq lotlaz rueq tap htenc kuex tvbuz guirx vtueq httax wuez tueq. Nun saz Yoshua pat maq phaungc vtueq majuiuc nuex httuiuc laz vphaungc shauk shauk bulax tap moalx kuex moalx ningkhvnc nuex miq lotlaz kokez shuenruenz wuez tueq.

NEHEMIA 8:17 Referencias Cruzadas

1 KAÜWA WERAÜ 29:22

Raüta kra ranaiq tsangshiq raq Tatiwe man na khoqriiq shishiiq maq phekhiq chhaq phaqsea kham nyang peoto. Tiithongnai ngoja hali tsangshiq raq Solomon ka hokhamlii nguta shongto. Tatiwe mang na tsangshiq raq apaiq khum na tsangshiq pengtiwe ma tel maq nyukto. Kiimaq Jadok ka ramwe ma shongto.

2 KAÜWA WERAÜ 30:26

Jerusalem chela ka chochi raq ama asho awo riito. Jamkhano ngukla atinkhan poi ajong klo wan ka Dawit se Hokhamwe Solomon pat na klo wantaq kra jai miika klowan mak dea riito.

2 KAÜWA WERAÜ 35:18

Shammiwe Samuel pat maq pha raüta ümchaü akhing na saüli poi klo wantaq ka atinkhan ajong ka ümtiikiimin klo wan mak dea riito. Ara ümchaü lak na Hokhamwe Josia raq, kiimaq, ramwebi raq, Lewinok raq, Juda mungti raq, Israil mungti raq kiimaq Jerusalemti raq ümtin khan jong mo Tiichhiiwan poi klowantaq akhü ka, man nü wa hokhambi thun raq juwe riimin klo wan lot mak dea riito.

2 KAÜWA WERAÜ 8:13

Apaiq raq wa na wiipumtam maq chaqtlii honglu thun ka Mosheq Thung tri na waiqtaq kra phan phan asii ranaiq tek na: Niitiitsak ranaiq na, Jinye Dong Poi thun na, kiimaq rawiitek na laktsam poi jonghea - Pi Maq Shohü Winsii Phaq Poi, Tsamwi Poi, kiimaq Lamjap Tiip Poi akhing na klotlo.

EJRA 3:4

Kra lot raütiishe, thungtri na jamkho chong tlaq kra phanphan she, tsangshiq raq Tombutiip poi kra klo wanto. Tsangshiq thungtri na chongtlaq kra phanphan ranaiqtek nyamse ka takuq wan raüta, poi lang wan lili riitlo.

John 1:14

Bomtsi ka maiqse ma pokito. Raüta, apaiq rilung ka kiqkap jaqshap rilung, kiimaq tingting mangchan rilung chhi wan kai. Apaiq ka nashiq rai adam maq sito. Nashiq raq apaiq khushü jonglu kra chhi kai she. Arka Awe raq sekhuq laqlaqse ma akuq, khushü jonglu kra chhi kai.

TRI CHONGKE 16:15

Tatiwe üm Shiikeawe ka ara poi ara ramiishi na saüli noqku chang hiq bashi kriijaq klo lanta shreng ronglaq. Pinthum khoqriiq ronglaq. Jamkhano ngukla Tatiwe raq üm bunwong buk lan ka shiiman kuqto kiimaq üm minshiiq laü kra shiiman kuqto.

Hebrews 11:13

Ara chongtiikai richü wetiim raq, Shiikeawe ma kamshat maq tsai wanto. Shiikeawe raq tsangshiq ma mikuqha nguta kiqkham kuqtaq kriika, lap wan mak dea miili tsai wanto. Shatmaq, Shiikeawe raq khamkuq taq rawiichii pat na saüho tlaq kriika, tsangshiq riimin kamtsantsii maq, alu na asaüho chhithüto. Raüta khoqriiq shishiiq maq tao wanto. Krai mren, tsangshiq raq nanok ma tantan maq, tsangshiq ka ara mangjong hiq na wanshawetiim ikha sitiikai nguta chongkuq thüto.

Hebrews 11:9

Abraham ka kamtsantsii maq, Shiikeawe raq apaiq ma mikuq kang nguta, khamkuqtaq tachong hiqshong mung kiijaq, wansha we ikhli shongto. Apaiq ka tombu tiipsetiim chan raüta siwanto. Isak nai Jakob kiimin, Shiikeawe raq Abraham ma kiqkham kuqtaq kra, lap wan damti sii. Tsangnai riimin, tombu tiipsetiim chan wan raütli siwanto.

Hebrews 4:8

Riita, ija, Joshua raq mungmaiqse ma, Shiikeawe raq kiq akhamkuq niitiitsak rilung ka kuq wanto she nguraü jiika, Shiikeawe raq jai na ranaiq shi asi dea ngutiika ka chongnong mak she mirwa.

JOSHUA 1:1

Tatiwe jaqshise Mosheq tsaikai jai, Tatiwe raq Mosheq khrumti Nan se Joshua ma chongto,