John 1:14 - ASII LAKDAP Bible (BSI)

¹⁴ Bomtsi ka maiqse ma pokito. Raüta, apaiq rilung ka kiqkap jaqshap rilung, kiimaq tingting mangchan rilung chhi wan kai. Apaiq ka nashiq rai adam maq sito. Nashiq raq apaiq khushü jonglu kra chhi kai she. Arka Awe raq sekhuq laqlaqse ma akuq, khushü jonglu kra chhi kai.

Hawa Naga Bible 2001

¹⁴ Bomjungc kuex miqsaz gvnngvmx muex yaungx kaz vtueq, kejux nuiyc tsuingrux lvmx mvrc ruiux naungshiq rulc httax wvnc tueq. Naungshiq rueq vpiq ngauz vngax kuex khiz wvnc tiq, kvruex ngauz vngax kuex Vwaz kox wawc Vsaz vshiz lauklauk waz rueq lvp wvnc tueq lvmz rvtueq.

Muklom

¹⁴ Raaq sha miqna ma angta; etho piq sha ráng manchan nia asing ang eq shey ta etho hiqtang jaktung na tong ta. Hiqtang aa piq phun amun khiti, eshi phun amun sha Shkewa sa ashey dang miqwasa phun amun angta.

John 1:14 Referencias Cruzadas

Tvtsvmc 2:7

“Tatiwe raq aming kuqtaq kra ngi raq mitiitaiha” nguta hokhamwe raq ngutlo, Apaiq raq ngi ma nguto: ‘Ümniika ise; ümchaü ranaiq ngi ka ümwe miishe jakikang.

Tvtsvmc 45:2

Ümniika maiqwere phong na tsomhea pinthum; ümniika traho bomchong tsinhea. Shiikeawe raq ümniika wranaiqshe shiimanto.

Tvtsvmc 85:9

Tengteng apaiq shrengti chhiike miitu apaiq ka khekham sitlo, kiimaq apaiq tiichhiiwan ngao ka namung na asi miraq.

ISAIA 40:5

Kiijiishe Tatiwe khushü kra mitiichhikuq, kiimaq maiq phan tlotli raq kra michhi. Arka Tatiwe apaiq raq kiq akhamkuq.”

ISAIA 53:2

Kriika Tatiwe apaiq raq dongdii thimi wanto, ajaqshi se ka pechamse ikha hiq shinriiqriiq ba na cham raüta arang ka hiq mong na cham chang nguta thapthi wanto. Apaiq sham ari ka achaq awaq ka riimak. Kiimaq shamhea shamjü alüsea chang ka riimak. Nashiq raq apaiq ka maiqse wiqwiq dea nguta chhiha wanli chang ka riimak. Apaiq sham na liiraüta atsomwiqse dea nguta maiq maklii ranphan chang ka ahü riito. Nashiq raq apaiq ma tsan tiitsi chang sham ka ahü riito.

ISAIA 7:14

Ahea na ikhiijiika. Tati apaiq riishetiq ümniima miithii kiishi mishongkuq: Junrii wahüse ka wiihan she miraq. Apaiq raq ase ka maiqwe se michii. Kiimaq apaiq mang ka ‘Immanuel’ nguta mimang.

EJEKIEL 37:27

Ngi ka kiijaq tsangshiq rai adam she misi wanha. Ngi ka tsang Shiikeawe miraq. Tsangshiq ka Isenginok miraq.

Matthew 1:16

Kiimaq Jakob se ka Joseph, Meriq lamti we kriishe. Meriq ka Khristo ngutlaq Jesuq ma anyung.

Luke 2:11

Ümchaü rawa, Dawit chela na namshiq Chhiiti we, Tati Khristo chiito.

Luke 2:7

Meriq raq ase chhikhu se ka humto. Apaiq raq noshii ka no napkhea maq jobto. Raüta minsaü tsam thiike chang long pinkhü na tiikonto. Kiitiikaq tsangshiq jap miitu wanjaptiip na khok ka bin mak, ahü.

Luke 9:32

Petar nai akongtitiim ka akon makaiq riilaq kito. Shatmaq, tsangshiq ka akon maq samki raüta liito. Raüta, kiijaq Jesuq sham chhainyii rai tlaq, kiimaq apaiq rai chap dam tlaq maiq wenai sham chhainyii rai tlaq kra chhito.

John 1:1

Mangjong hiq ara mitiiq wan shaq niiphü Bomtsi ka asi dongdii. Apaiq ka Shiikeawe rai kongshi. Kiimaq apaiq ka Shiikeawe rai khum ashi maq ashi.

John 11:40

“Ngi raq ümniima chongpha ira taimaü sha? Ümniiraq kamhan jiila, Shiikeawe khushü jonglu kra michhi haü nguta chongpha ihata?” nguta Jesuq raq apaiq bom ka treto.

John 14:6

Kiijiishe, Jesuq raq “Ngi ahata lam. Ngi ahata tengteng bomtsi. Kiimaq ngi ahata rilung tsitsü raü. Ngi ara tlea raüta, Awe pha na jumin walot mak.”

John 14:9

Kiijiishe, Jesuq raq treto, “Ngi ka luhea she namshiq tarü rai adam na siwan kang. Kra taü maq dongdii min, ümchaü niitaq ngi ka juwa, ümniiraq sap maüli shatshat sha Philip? Jurwa i sham chhitaq, kriiti riika, i We sham kiimin chhito she. Kra taümaq dongdii min, ümniiriika, ‘Naishiq ma Awe sham ka tiichhi kuqlaq’ ngutiika jamkho ngutlaü?

John 17:22

Ümniiraq ngi ma i khushü jonghea kuq laü. Kriika, ngi raq tsangshiq miishe kuq kang. Arka, nanai jamkho pumshi hanshi maq sitiikai, akhiisii hali, tsangshiq kiimin pumshi hanshi maq misi laq nguta ngo maq kuq tiikang.

John 17:24

“I We lei! Ümniiraq tsangshiq ka i sengi ma tiija wan laü she. Krai mren, ngi raq tsangshiq ka, ngi ümbano sitiikang, kiijaq ngi rai adam na tiisi wan dam rotiikang. Akha siwan hai jiitiq, ümniiraq i khushü tiijong kuq laü kra, tsangshiq raq michhi wan. Ara jamkhano chongtiikang ngukla, ara ra nai hiq armin mitiiq pha wan shaq niiphü dongdii, ümniiraq ngi ka lungwii wan laü ihata. Kriikha maq, i khushü tiijong kuq tlaü kata.

John 18:37

Kiijiishe, “O, ikhiijiika, ümniika hokham we dea kata nya?” nguta Pilat raq Jesuq ma bom ka wai nongto. Kiijiishe, Jesuq raq treto, “Ümniiraq ngi ka hokham we nguta ngutlaü kata. Ngi ka ara mangjong hiq na pokikang arka, ara tengteng bomtsi ara chong kekai miitu kikang. Jurwa tengteng bomtsi kra lang tlaq, kriiti riika, i bomchong arka phaqchii nichii maq taitlo.”

John 2:11

Jesuq raq ara apha shaqshaq awang chang jaqsham arka, Gelili wang na Kana hiqshong maq shamkuqto. Kra wangchang jaqsham kuqtaq kra lümaq, apaiq khushü jong kra, maiqse angu ma tiichhi kuqto. Kiimaq kra chhi raüta, ajaqshisetiim riimin, apaiq miishe kamwanto.

John 3:16

Ara jamkhano chongtiikang ngukla, Shiikeawe raq mangjong maiqse ka pinthum lungwiitlo. Raüta, Ase Sekhuq laqlaqse kra kuqto. Krai mren, jurwa Ase ma kamtlaq, kriiti ka tsai mak she miraq. Kiimaq pattup pat-sa rilung milap.

John 3:18

“Jurwa Ase ma kamtlaq, kriiti ka tiishut mak she. Shatmaq, jurwa Ase ma kam mak, kriiti ka atiishut baiq wishe. Ara jamkhano chong tiikai ngukla, apaiq raq Shiikeawe Se, sekhuq laqlaqse ma kam mak.

John 6:51

Ngi ahata ramungtan wa asaüki atra tsitsü raü winsii. Jurwa ara winsii ara miphaq, kriiti ka pattup pat-sa atrali she misi wan. Ngi raq apaiq ma winsii mikuqha ngutiikang arka, i han ngam phu ara mikuqha. Ara i ngam phu kuq tiikang arka, mangjong maiqse ka atra tiisi wan miitu kuq tiikang.”

John 8:32

Krai mren, namshiq raq Shiikeawe ka juwa kra riikhaqli misap han. Kiimaq kra tengteng bomtsi sap tlan kriiraq, namshiq ka wasetiim miishe mitiija wan.”

Romans 8:3

Maiqse han-ngam ningkun ajom kha maq, Thungtri raq jamlai wa klo wan lot mak dea riitaq, kriika Shiikeawe riishe klo kuq wanto. Apaiq raq ngarai sitlaq kra, Ase shaq ka maiqse ngarai han-ngam ikha khum ashi na, tiipoki raüta, ngarai ka maiqse han-ngam wa, Ase tiikitaq kra lümiishe shra baiqto. Kiimaq, ngarai kharü ka chumbaiq wanto she.

Romans 9:5

Tsangshiq kata chiisan Jehudinok phan. Tsangtitiim thun ka ajong ala, amang ra tsa ikha, lüsi lüwa siisaq siwanto. Atiisup niishe ka, Khristo maiqkhum na pokitaq kiimin, tsangshiq nok phan na pokito. Riita, ümchaü sanha, maiqse angu tarü raq, phanrap rümkomti we, Shiikeawe mang kli she pattup pat-sa mitiitsam laq! Amen.

1 Corinthians 15:47

Maiq lai apha wanti we Atam khum ka hiq da wa atiiq. Krai mren, apaiq ka ara mangjong hiq wa maiqse. Shatmaq anai ngoja Atam ka ramungtan wa asatki.

2 Corinthians 12:9

Shatmaq, apaiq raq akha ngutli treto, “Ngi raq ümnaq kaphap tiikang kriili ümniima mihong rai. Ara jamkhano chongtiikang ngukla, ümtiikiiwa ümniika ningkun ajom sitlaü, kiitiikaq ümkhum na i ningkun ka ajong riiwan tlo.” Krai mren, ngi ka i ningkun ajom maq siwan riiwe ka, tiishomra tiikang. Jesuq Khristo ningkun maq, ngi ara tiikhup wongke kra sap wanro tiikang.

Galatians 4:4

Shatmaq, riikhaqli akhing aten she saü wan kiita, Shiikeawe raq, apaiq ma Ase shaq kriishe tiikito. Apaiq ka mangjong han-ngam na, maiq nyung ashi wok na, maiqse ma pokito. Kiimaq Jehudinok Thungtri wokhong na si raüta, jonglu wanto.

Ephesians 3:8

Ngi arka, Shiikeawe sengi maiqse phong na, wiitarü thaq na aran, nobung pinthum nguta si tiikang. Shatmaq, Shiikeawe raq ngi ma, ara thek tlaq jaqsham jonghea, Pongnok phan maiqse ma, Jesuq Khristo tsiiq anyam, rahea pinthum Tsütsa Ahea, kra chongke wan jaqsham ara, kuqto.

Colossians 1:19

Arka Shiikeawe apaiq tsantsii maq lungwii raüta Ase khum na, Shiikeawe apaiq rong arai ka kunkun tiipo kuq wanto.

Colossians 2:3

Khristo apaiq kli Shiikeawe taksma anyan phaqchi tum tsiiqtiip kilü tala diketi we, Shiikeawe taksma anyan phaqchi apaü raüta athü ka ümchaü sanha Khristo riishe kunkun tiichhikuq wanto.

Colossians 2:9

Ara jamkhano chongtiikang ngukla, Khristo ka maiqse han-ngam khum na pokitaq kiijaq, ara han-ngam khum na Shiikeawe asii rilung rong arai nai apaiq asii phara ka, Shiikeawe apaiq khum na jamkho sitlaq, kiikha kunli asi.

1 Timothy 3:16

Nashiq raq kam tiikai tengteng bomtsi manphan ka, nashiq ma tiichhi kuqto she. Arka pinthum maiq mao chang manphan: Khristo ka mangjong hiq na maiqse ma pokito: Apaiq ka amaa wa dong wanto. Raüta apaiq ka TATIWE dea nguta tiichhi kuqto. Apaiq raq rasetiim kunli peng tlo. Asengi Phungmaiqse raq apaiq tsa ka barap na chongkuq wanto. Krai mren mangjong maiqse pahea raq apaiq ma kamwanto. Apaiq ka Shiikeawe rai siwa wawanto.

Hebrews 1:3

Apaiq sham ari ka Shiikeawe achhai anyii ngao kra dongdii, shamshi ngamshi. Kiimaq Shiikeawe rong arai sham ari ka kunli, apaiq khum na tiisam tlo. Kiimaq apaiq nübok maq dong tlaq ningkun henghea bomtsi lümaq, ra nai hiq wiita rüm tlo. Apaiq raq ara mangjong hiq na diim tlaq, mangjong maiqse ngarai diike wan lam ka tankuq wan tlii raütiishe, apaiq ka sanseng ramungtan na ngati we, Ningkun Ajong thaq na Ajong Rümti we Shiikeawe sitlaq ngachang tho na, jaqtsi nü niishe nga wato.

Hebrews 1:5

Ara jamkhano chongtiikai ngukla, Shiikeawe raq rasetiim phong wa ashi ra ma dongdii min, “Ümniika I se; Ümchaü ranaiq miishe ngi ka üm We,” ngutiika ngu mak dea. Kiimahali, Shiikeawe raq rase rai riibom wan tlaq akhing na, “Ngi ka Awe ma mijaha, kiimaq apaiq ka I Se shaq miishe mija wan,” ngutiimin ngumak dea.

Hebrews 10:5

Riita, ara ningkhan tiina, man na Khristo ka mangjong hiq na pokai ho nini na, apaiq raq Shiikeawe ma akha bomtaq: “Ümniiriika nyamse takuq tlaq kra, nai ahin hupsam honglu na kuq tlaq kriika, dadü maü. Shatmaq, ümniiraq ngi miitu, khum ashi tiihong kuq laü.

Hebrews 2:11

Apaiq raq maiqse ka, tsangshiq ngarai boqtham chum na arnyat rai wa, tiisii hekuq tlo. Apaiq nai apaiq raq tiisii hekuqtaq maiqse angu thun tarü miika, Awe ka ashi li. Tsangshiq tarü ka Weshi setiim siisaq she jawanto. Ara ningkhan tiina, Jesuq raq tsangshiq ka anotiim nguta hea wan ma, apaiq ka tiijeasi mak she.

Hebrews 5:5

Krai mren sii hali Jesuq riimin ramwe jaqsham ka apaiq tsiitsii maq sham wan mak dea. Shiikeawe riitiq, apaiq ka ramwe ajong we ma shongto. Shiikeawe raq apaiq ma akha nguto “Ümniika I Se, Ümchaü ranaiq miishe ngi ka üm We,”

1 John 4:14

Shiikeawe raq Ase ka phiijawa tiichhiikai miitu mangjong hiq na tiikito nguta asap i. Kriika nashiq maiqmii mak maq chhi wan kai she. Krai mren, nanok miimin chongkuq tiikai.

1 John 4:9

Shiikeawe raq nashiq ma, apaiq lungwiitsii ka tiichhike miitu, Ase sekhuq laqlaq se ka ara mangjong hiq na tiikito. Kra tiikitaq ka Ase pum lümaq, nashiq raq rilung milap laq nguta tiikito.

2 John 1:7

Maiq lao liiti maiq pahea ka ara mangjong hiq hamli niishe kihoto. Tsangshiq raq Jesuq Khristo ka maiqse han-ngam na poki mak dea nguta arot tra hokuq tlo. Akha bom chongketi ka laopha maiqse. Kiimaq Khristo ma Wesang We.

Revelation 19:13

Apaiq raq samtlaq samtong jong ka tiijai maq alorat riito. Apaiq mang ka “Shiikeawe Bomtsi.”

Revelation 21:3

Ngi raq hokham ngachang ngacho maq tiihong raüta abom, maiq bom ashi akha taikang, “Ümchaü Shiikeawe jam ka maiqse rai she! Apaiq ka tsangshiq raishe misi. Kiimaq tsangshiq ka apaiq sengi she miraq. Shiikeawe apaiq ka tsangshiq rai nong nong she misi wan dam. Kiimaq apaiq ka tsangshiq Shiikeawe miraq.