Matthew 5:46 - ASII LAKDAP Bible (BSI) Namshiq raq namshiq lungwiiti thun kli lungwii wan han jiika, Shiikeawe raq namshiq ma poksi ka jamlai tham miishe wa mikuq? Maiqmii nok siphaqti Roman hokham ma phunta hiketi thun kra riimin la, kiikhiisii li dea klotlaq! Hawa Naga Bible 2001 Nuimshiq rueq nuimshiq muex lungwawc jix dvyx lungwawx ruiux kuex nuimshiq Tishox kox wawc yvmx yauk mauk lac lvp shuinx? Muinghic jix rueq muinz kvkhoc kuex shuimx yaq! Muklom Nim ma tinmat tey ma chen tinmat inn jo, nim aa chamlang kongpha kap nin i? Phunta qheytey tang atho eshimal hun somlo aa. |
Kiimahali Maiq Se ka saüho raüta, phaqsea khamnyang chamtraq maq siwanto. Kiimaq kra chhi raüta maiqse wiitarü raq, ‘Arwe kaü ara liirong laq! Apaiq arka shakaq kiimaq cherop nyiipthop we kaü! Phunta hiti nai ashleq arbaiq maiq anun phan kongti we!’ nguta tsaihai tlo. Shatmaq Shiikeawe taksma nyan jaqsham kaiwa kriika riikhaqli dea nguta jaqsham ka atsi ango maq tiichhi kuq wan tlo.”
Shatmaq, apaiq raq tsangshiq bom kiimin taimak she ngiimki raüla, apaiq mra ka phungtuti miishe tiitai laq. Shatmaq, apaiq raq phungtuti bom kriimin taimak she ngiimki raüla, apaiq ka thatsang maiqse ikhli she lo, ngarai raq alan kaiwi she ngutiishe liirong laq.”
Kiimaq namshiq raq maiqmii nok phungshiti kriili, ‘Khusang rakhang khata,’ nguta tao lili riihan jiika, nanok ahinti thaq na achan jamlai wa sham lan? Thatsang maiqse riimin kiikhiisii li dea riibom nai wan tlo kata!
“Namshiq raq nokwe ma tiichhi ma nguta, ‘mitting jaq sham’ ka naqsham rongkiq. Namshiq raq akha nokwe makki na tiichan ne lanta sham han jiila, ramungtan na siti nam We jaq wa poksi lap chang ka ahü she miraq”
Kra jai miishe, Jesuq ka Lewi jam na dungsea riito. Kiijaq phunta hitibi nai ashleq arbaiq, maiq ahinti thun min pahea raq, Jesuq jai ka phan wan damto. Kiimaq tsangshiq phong wa, maiq wiijamti pahea raq, Jesuq nai ajaqshisetiim rai adam na nga raüta, dungsea nga damto.
Kiijaq, Phorisinok wa Thungtri shrinketibi raq, Jesuq ka ashleq arbaiq nai phunta hitinok rai, adam na nga raüta dungsea kra chhi raüta, ajaqshisetiim ma, “Apaiq ka akhnok anun phan maiqsetiim rai, adam na nga raüta takshi pinshi miika jam nguto phaqsiq wan dam tla? Arka ashut klotlo!” nguta bom ka waito.
Riita, ranaiqshi ka phunta hitinok maiq pahea kiimaq ashleq arbaiq maiq ahinti thun ka, Jesuq phana apaiq bom chong kra taiwa riitamto.
“Shatmaq, phunta hitiwe ka alu niili chap raüta, ra nü niimin liimak maq, akhuk na ajaq maq tiitap raüta, ‘Shiikeawe le, ngi ara ngarai maiqse. Ngi ara mangchan kuq liidea!’ nguta achu jaüto.”
Kiijaq maiq phunta hiti maiqla ajong weshi asi. Apaiq mang ka Jekias. Apaiq ka chiithe jong.
Kiimaq tsangshiq raq kra chhi raüta, “Arwe arka Mosheq Thungtri lang mak ngarai we jam na dü wan wawanto!” ngutiishe bottrangto.
Kiimaq, phunta hitinok wa, maiq wiijamti ka apaiq phana kham lamkai kito. Kiimaq tsangshiq raq apaiq ma waito, “Riita, shra we le, naishiq riiha, jamlai phan jaqsham chang wa miraq?”
Raütiishe, Lewi raq ajam maq, Jesuq miitu phaqsea ajong ashi kloto. Kra dungsea lomwa damti phong liipan na, phunta hitinok nai nanok ahinti maiq pahea asi riito.
Phorisinok phong wa maiq wiijamti nai Thungtri shrinketi nok tsangshiq kongtibi raq, Jesuq jaqshisetiim ma, “Namshiq ka jam nguto, phunta hitibi nai ahin anun phan ashleq arbaiqti rai, takshi pinshi maq phaqsiq dam tlan?” nguta bottsaüto.
Krai mren, maiq tarü raq, apaiq bomchong kra taito; akhek ka phunta hitinok raq Shiikeawe asii aming kra lang wanto. Krai mren, Johan raq tsangshiq ma kham lamkuqto.
Kiimaq Maiq Se ka saüho raüta, aphaq asea chamtraq maq siwanto. Kra chhi lanta, namshiq nga, ‘Arwe ara lii rong laq! Cherop, kiimaq shakaq we kaü ara. Phunta hitinok kongti, kiimaq ashleq arbaiq wan, ashe ashi maiqse kongtiwe!’ nguta ngutlan.