Luke 5:30 - ASII LAKDAP Bible (BSI)

³⁰ Phorisinok phong wa maiq wiijamti nai Thungtri shrinketi nok tsangshiq kongtibi raq, Jesuq jaqshisetiim ma, “Namshiq ka jam nguto, phunta hitibi nai ahin anun phan ashleq arbaiqti rai, takshi pinshi maq phaqsiq dam tlan?” nguta bottsaüto.

Hawa Naga Bible 2001

³⁰ Pharise nuk nuiyc Tvrac tvluingc waz hez wvyvmc rueq Yesu sangac bix muex, “Yvmx ngoz tueq lac nuimshiq kuex muinghic jix nuiyc vtvdux vruex gay miq rulc vdvmz nuex phauk saq vshuinx?” ngoz tueq wiz tueq.

Muklom

³⁰ Etharin chamtey Phorisi tang nia thong tataltey tang aa Jesu ujiphantey tang thima dandey eq batta, “Nim aa phunta qheytey jamoq nia adak ngarey tang jamoq tong eq cham aa ling phaksat inn?”

Luke 5:30 Referencias Cruzadas

ISAIA 65:5

Kra raütiishe tsangshiq raq nanok ma akha ngutlo, ‘Namshiq ka naishiq tho wa alu na ngarong laq. Naishiq ka pinthum asii maiqsetiim. Namshiq raq naishiq khum na jaq maq sham maimak!’ Ngi raq akhnok maiqsetiim ka liilot mang. Tsangshiq khuthaq na itsankhiq ka walütu nyaitlaq ikha nyaitlo. Kriika ümtiikiimin matki mak phan.

Matthew 5:46

Namshiq raq namshiq lungwiiti thun kli lungwii wan han jiika, Shiikeawe raq namshiq ma poksi ka jamlai tham miishe wa mikuq? Maiqmii nok siphaqti Roman hokham ma phunta hiketi thun kra riimin la, kiikhiisii li dea klotlaq!

Matthew 9:11

Phorisinok wa maiq wiijamti raq kra chhi raüta, Jesuq jaqshisetiim ma, “Namshiq ma shrinketi we raq ara jam nguto akhnok ashe anun phan maiqsetiim rai riishot riishaq nga raüta phaqsiq dam tla?” nguta waito.

Mark 2:16

Kiijaq, Phorisinok wa Thungtri shrinketibi raq, Jesuq ka ashleq arbaiq nai phunta hitinok rai, adam na nga raüta dungsea kra chhi raüta, ajaqshisetiim ma, “Apaiq ka akhnok anun phan maiqsetiim rai, adam na nga raüta takshi pinshi miika jam nguto phaqsiq wan dam tla? Arka ashut klotlo!” nguta bom ka waito.

Mark 7:3

(Jehudi phan ngusaq riika, kiimaq akhek ka Phorisinok riika, tsangshiq ma richü we raq akuq thü jaq hewan thungtri kra tsapkapkap maq langtlo. Tsangshiq jaq ka thungtri na chongtlaq kra phanphan hemak wiiwii, tsangshiq raq lairap ka phaqsiq mak phan.

Mark 9:16

Jesuq raq ajaqshisetiim ma, “Namshiq ka tsangshiq rai jam lai bom riichong lanto riikhii rai lan?” nguta waito.

Luke 18:11

“Phorisi we ka apaiq honhonse li chap raüta, ‘Shiikeawe le, ngi raq ümniima kechutum tiikang. Ngi ka sükha maiqse riimang; monglap tsii min rüm mang; lo, nanok wiitarü sitlaq ikha, maiqchak maiqse rai min sra kimang. Ngi ka ara phunta hitiwe akhiika riimang.

Luke 19:7

Kiimaq tsangshiq raq kra chhi raüta, “Arwe arka Mosheq Thungtri lang mak ngarai we jam na dü wan wawanto!” ngutiishe bottrangto.

Luke 5:17

Ranaiqshi akhing na, Jesuq ka traho bom chongke rea riito. Kiijaq maiq wiijamti Phorisinok nai Thungtri shrinketibi min asi riito. Tsangshiq ka Gelili wang chelatek wa kiimaq Judia wang wa, kiimaq Jerusalem wa awarai riito. Maiq atsi asiti kra tiiheake miitu, Tatiwe ningkun ka Jesuq khum na asho awo asi riito.

Luke 5:21

Kra tai raütiishe, Thungri shrinketibi nai Phorisinok ka, “Riita, arwe arka juwa, akha apii riikhiq bomtlaq ara! Ngarai diiketi ka Shiikeawe li khata!” nguta tsangshiq maiqmii liipan na riibomto.

Luke 7:34

Kiimaq Maiq Se ka saüho raüta, aphaq asea chamtraq maq siwanto. Kra chhi lanta, namshiq nga, ‘Arwe ara lii rong laq! Cherop, kiimaq shakaq we kaü ara. Phunta hitinok kongti, kiimaq ashleq arbaiq wan, ashe ashi maiqse kongtiwe!’ nguta ngutlan.

Luke 7:39

Phorisiwe raq kra chhi raüta, “Arwe arka shammi riimak. Adü na shamti nyung kra jamkhiinok maiq wa, kiimin sapphaq mak!” nguta atsan na tiimato.

Acts 23:9

Krai mren she, tsangshiq riikhii tatso gisii trang wan tlaq kriika henghea riiwan wan she heng wanto. Kiimaq Thungtri shrinketibi phong wa, maiq welabi wiijamti Phorisinok phungti ka chap raütiishe, achaq awaq maq latlat she, tri ka akha ngutiishe riikhii wanto: “Naishiq raq lii kai jaq arwe dü na kha ka jam min ahü chhi mai! Jursap, apaiq ma ngohea dea wenyi riilo, riimak la, rase riidea wa bom asa ka chongkuqla riila!”