Luke 18:13 - ASII LAKDAP Bible (BSI)

¹³ “Shatmaq, phunta hitiwe ka alu niili chap raüta, ra nü niimin liimak maq, akhuk na ajaq maq tiitap raüta, ‘Shiikeawe le, ngi ara ngarai maiqse. Ngi ara mangchan kuq liidea!’ nguta achu jaüto.”

Hawa Naga Bible 2001

¹³ “Yuq muinz muinghic jix waz kuex vluz maq dvyx jvp vtueq, raungkox nuex muinz lawc khvmc muq maq vkhuiuq nuex kvwungc vtueq, ‘Tishox lex, mvrax vhttax waz ngaz muex menjenc kuq koq!’ ngoz tueq thoz tueq.

Muklom

¹³ Etharin, eshi phunta qhekteywa tha alo na lang eq, mungtan chingko náng tun siin hung aa, utik tho tiip eq batta, ‘Shkewa, nga ngarey miq, nga ma tinshit phu!’”

Luke 18:13 Referencias Cruzadas

2 SAMUEL 12:13

“Ngi ka Tatiwe man na shutkang dea,” nguta Dawit raq nguto. Kiijiishe Nathan raq treto, “Tatiwe raq üm mra ka diikuqto she. Ümniika tsaimaü.

2 KAÜWA WERAÜ 33:19

Kiimahali hokhamwe raq achu jaütaq nai Shiikeawe raq apaiq achu jaü tretaq bom thun, kiimaq apaiq mra mitiidii wan shaq na apaiq raq ngarai tangtaq thun raüpot kra- apaiq raq ashut klowantaq thun kra, thatsang noqkujam thun haitaq kra kiimaq jechak nyung phrakaü Ashera berong thun shongtaq kra, kiimaq apaiq raq sumla thun shomnoq wantaq thun kra wiita Shammibi Manphan Lakdap na waiq thüto.

2 KAÜWA WERAÜ 33:23

Shatmaq apaiq ka awe jamkho aran ma jaraüta tsantsii klaitaq, kiikha klai wan mak dea riito. Kiimaq Tatiwe wokhong na nyap wan mak dea riito. Apaiq ka awe nam miimin, tiinanpot bihea ngarai klo wanto.

EJRA 9:6

Ngi raq akha jaü kang, “O Shiikeawe lei, ngi arka ümman na chap wan min kham mang, pinthum jea tiikang. Naishiq mra thun ka ümmak lii na achong lotmai, naishiq thaq na amashe riiwanto. Naishiq ngarai homa phong ka ramong nyang niishe saü wanto.

YOBA 42:6

Arkha na ümchaü ngi ka ümchuwa bomrai kang kra miitu jeasi she kra ningkhan botkhulai nai tapkhu maq tiinyat lata imra tiidii tiikang.

Tvtsvmc 106:6

Naititiim raq ngarai tangto naishiq riimin ngarai tangkai; naishiq raq abi shutphit wankai.

Tvtsvmc 119:41

Ümniiraq ngi ümtinkhan wa lungwiitlaü kra tiichhikuqlaq, O Tati lei, kiimaq ümkiqkham laü kra phanphan ngi tiichhiilaq.

Tvtsvmc 130:7

Israilnok lei, Tati ma kamronglaq, jamkhano ngukla apaiq lungwii ka tiipitmak phan kiimaq apaiq riika wranaiqshe tiichhii kuqruq.

Tvtsvmc 25:11

O Tatiwe lei, ümkiqkham ka thülaq, laüta ingarai thun ka diibaiq laq, jamkhano ngukla ingarai ka pahea,

Tvtsvmc 25:7

Ngi raq noseji na ngarai tangkang thun nai ajiq klokang thun mra ka diibaiqlaq. Ümnaq tiipit maü mangchan nai ümthuktsom kriimaq, ngi ka tiitsangshat riilaq, Tatiwe le!

Tvtsvmc 40:12

Ngi ka trotam maq chamchao pahea raq komwanto— awealot chang riimak! Ingarai thun raq ngi ka lowan raüta khahoto, kiimaq ngi raq imak maq chhilot mang she; ikhubin nam miimin apa she riitsap wanto, itsai iji wiitashe doq wanto.

Tvtsvmc 41:4

Ngi raq ngukang, “Ngi raq ümman na ngarai tangkang, Tatiwe lei; ngi tiihangkuqlaq kiimaq ithatsi tiiheakuqlaq.”

DUNGWVNC 33:10

Kiimaq mungmaiqse raq phumda ka Tombutiip kilamchong na chap raü chhi raüla, tsangshiq ka hiq na bum rang riitlo.

ISAIA 1:18

Tati raq ngutlo, “Riita ümchaü min bom ka riichong i. Ümkhum ka ngarai na tiitsam laüta maiq tiijai maq tlo laüta shiiroro she sitlaü. Shatmaq Ngi raq ümniika tsakhiiq ikha siirairaihea lüdiidii hea she mihekuqha. Ümkhum ka ngarai maq alorat kha maq, among tsaühea na saüli achhe wan kun she shiiroro ma she, li jiimin, Ngi raq ümniika umnirai railü tam ikha lüdiidiihea she mitlü kuqha.

ISAIA 6:5

Kiijiishe ngi raq akha ngukang, “Ngi kla lun mang she! Miqkang she! Jamkhano ngukla inübok maq bomtsi aweatek dongtlaq kriika ngarai buli. Kiimaq ngi ka abomtsi awea ka ngarai tamli bomtinok rai sidam tiikang. Akhiitaü miidea min, ngi raq imak maq Hokhamwe, Ajong Pinthum Tatiwe ka chhikang!”

ISAIA 66:2

Ngi raq ijaq maq ra nai hiq kunli phansang wan kang! Ngi ka juwa saksi minmi kiimaq maiqmii mra tiidii raüta hoqtlaq, kiimaq jurwa Ngi ma haitlaq raüta i bom taitlaq kriiti ma khoqriiq tiikang.

EJEKIEL 16:63

Ngi raq ümshut ümphit thun ümchuwa klo wan laü kra kunkun midiibaiqha. Shatmaq ümniiraq kriithun ümtsan mong na mitiitsang haü. Kiimaq ümnü maq bom poshi dongdii min dolot maü pinthum mijeasi haü.” Arka Tati Rakaü Hiqwe raq toqtanto.

DANIEL 9:5

“Naishiq raq ngarai tangkai. Naishiq raq abi kiimung klowan kai. Naishiq raq ashut klowankai. Ümniiraq aming lang ronglaq nguta akuq haü thun lang mai shishe wankai. Laita ümniiraq naishiq ma riikhaqli lam atiichhikuq haü kiiwa lamjiq nü na kihokai.

Matthew 10:3

Kiimaq Philip nai Bartholomi. Kiimaq Thomas nai Phunta hiti we Mothiq. Kiimaq Alphias se Jakob nai Thadeas.

Matthew 6:5

“Namshiq raq ümtiikiiwa achu jaü tlan akhing na, mongnam nok raq jaü tlaq ikhiika, naq jaü rongkiq! Tsangshiq riika sinagok maq nai lamkii na chap raü raüta, maiq raq michhi laq nguta achu jaü tlo. Namshiq ma riikhaqli chongpha, tsangshiq raq Shiikeawe jaq wa poksi lap chang ka ahü she.

Matthew 9:13

Asii bomtsi na, ‘Ngi miika mangchan tsii li ra tlo, honglu ngamrea thop ka riimak!’ nguta chongtlaq arka jamlai ngo wa, kra namshiq raq samhea phat rong laq. Lanta kra liichum ka takwan han jaq ahea miraq. Ngi ka chiisan maiqsetiim heakai akiha riimak; ashleq arbaiqti thun kra triichom sheakai kikang.”

Mark 11:25

Kiimaq ümtiikiiwa, namshiq raq achu jaütlan na, tsan na kongti weshi ra rai tsan riibi asi nguta tiido kiiphan la, kra mra ka adü riibaiq ronglaq. Kra riihan jiitiq, üm We Shiikeawe, ramungtan na siti riimin ümngarai thun ka midii kuq.

Luke 17:12

Apaiq ka maiq hiqshong ashi na asaü wan she riito. Kriijaq apaiq rai maiq weroqshi thabi tsiti ka riihum kito. Tsangshiq ka phanshi alu lin lin niili chapkito.

Luke 22:41

Kra ngu raütiishe, apaiq raq tsangshiq ka kriijaq tiinga thü raüta, tsangshiq nga tlaq kiimaq piqphiishi tin kongkhu na wawanto. Raüta, kaütsrong na ngaki raüta, akha achu jaüto,

Luke 23:48

Kiijaq mungmaiqse kra mra jonghea pin wantaq kra liikai aki raiwi thun raq, kra hongtha rai wantaq thun ka wiita chhito. Raüta, tsangshiq ka tsanbi tsi ma maaho manyi wa trang liishe maiqmii jam na jang wanto.

Luke 5:8

Simon Petar raq, kra chhi raüta, Jesuq jichong na bumki raütiishe, “Tatiwe le, ümniika i tho wa tiijin tlo laq! Ngi arka ngarai maiq!” nguta Jesuq ma chongto.

Acts 2:37

Mungmaiqse raq Petar traho bom chongke kra tai raütiishe, tsangshiq tsan na piq maq ashuk ikhiishe tsi wanto. Krai mren she, tsangshiq raq Petar nai kiimwebi ahinti kriima, “Riita, ikhiijiika, phunainotiim lei, ümchaü naishiq riika jamlai phan riichang she wa?” nguta waito.

Romans 5:8

Shatmaq, Shiikeawe raq, nashiq ka ümtinkhan tsaü mo mangchan wantlaq, kra nashiq ma tiichhikuq wanto she. Arka apaiq raq, nashiq ka ngarai kharü mong na chamchao rai tiikai kriiwa, Khristo ka nashiq khupi miitu tiiki raüta tsaitaq, kra lümaq tiichhikuq wanto she!

2 Corinthians 7:11

Namshiq tsanbitaq kriika, Shiikeawe raq thimi tlaq kiijaq hong wanto. Liimanta, kra tsanbi wantaq kra lümaq, namshiq ma ahea lamlu she saüto! Namshiq raq kra ajiq mra kra tru wan miitu, kha ka phokuq lan she. Lanta, namshiq ka shut wan dam man, sepii dea nguta, tri raü ka riikhaqli maq sham lanta, ajiq we kha ka phokuq lan. Jamlai mra wa pintaq, kra miitu namshiq tsan khiq wanto. Kiimaq kra jai niimin, mra pin nong jiiq nguta, ümchaü ka namshiq tiihai song shat miishe sitlan. Kra mra pin kha maq, namshiq raq i sham chhi ro riilan. Kiimaq namshiq raq i khum tiikhe bom chong lan. Kiimaq ajiq we ka tsa lan she. Riita ara mra pintaq, raüta kra mra tiisup jaqsham wan na, namshiq ka jam shut ahü, sepii dea nguta tiichhi kuq lan she.

1 Timothy 1:15

Riita arkha maq, Khristo Jesuq ka mangjong hiq na, ngarai maiqse chhii kai nguta satkito, nguta chongtlaq arka tengteng dea ngutiishe sap tiikai. Ara tengtlaq bomtsi arka maiqse angu wiitarü raq lang chang. Raüta Khristo ma kamwan chang. Riita ngarai maiqse phong na, ngi ahata naolaq pinthum, ngarai bu hoti, akaü ashi nguta siwan kang.

Hebrews 4:16

Riita ümchaü sanha, nashiq ka tsan asang miishe, Shiikeawe wokhong na tiisot laita, nyap wan rong i. Apaiq raq nashiq ka, apaiq kaphap khoqramkii maq keishat rüm tlo. Kiijaq nashiq ka, tiihang mangchan kiimaq kaphap mangchan tiiwong niishe misi rong i. Nashiq ma raa tlaq phan ka Shiikeawe raq mikhrum kuq.

Hebrews 8:12

Ngi raq tsangshiq ngarai wiita midii baiq ha, tsangshiq mra thun kra, tsan na akhiismin thü mang she mirha.”