Luke 18:14 - ASII LAKDAP Bible (BSI)

¹⁴ “Riita, ngi chong pha,” nguta Jesuq raq nguto. “Phunta hiti we ka Shiikeawe raq apaiq ngarai ka diike jeshe, ajam na wawanto. Phorisiwe ka riimak. Ara jamkhano chongtiikang ngukla, maiqse liipan wa jurwa, maiqmii dea ajong nguta tiima tlaq, kriiti ka aran ma mitiija. Kiimaq, jurwa tiisaiq haiq shat maq sitlaq, kriiti ka ajong ma mitiija wan.”

Hawa Naga Bible 2001

¹⁴ Ngaz rueq nuimshiq muex jungx kuq ix, Pharise rvmuq maq muinghic jix kuex Tishox khaungkac nuex vlvmx shuimx kaz ruiux yuimx nuex yek waung tueq. Yvmx khoc lac ngoz ruiux lec miqmac pumz muex kvtsvmc kvmc jix waz kuex tvyomx gay rvhumc ruiux, miqmac pumz tvyomx jix kuex tvyungc loayc rvhumc tuex,” ngoz kuq tueq.

Muklom

¹⁴ Jesu aa batta, “Nga nim ma batphang, iri phunta qhekteywa Shkewa jakho na miq qhal ang eq qhing chuwang ta, etho Phorisi miq tha irimal ang moq angta, chammatakoi barey piq ni piq ma ajong ta tathin aa sha tinin ma angna, etho barey piq ni piq ma tinin ta tathin aa sha ajong ma angna.”

Luke 18:14 Referencias Cruzadas

YOBA 22:29

Shiikeawe raq khüngati atiidea riibaiqtlo kiimaq wepuq wesebi ka khup wong kuqtlo.

YOBA 25:4

Shiikeawe makki na kechu maiqse riimakla asii maiqse ashi ra asi shea?

YOBA 9:20

Ngi ka chiisan maiqse kiimaq tsapkapkap, shatmaq ibomtsi riika ajiqwe ma tiija tlo, kiimaq phanrap ngi raq chongtiikang thun riika ngi ka ashutwe ma khoti tiijahotlo.

Tvtsvmc 138:6

Ümniika ratsan ramong nyang na sihaü jiimin, ümniiraq wepuq wese thun shiililiitlaü, kiimaq shiikongkhiqti raq ümmaklii wa tiipaüki lotmak.

Tvtsvmc 143:2

Ngi ümjaqshise ka rung na naq tiichapkiq; ümmakki na kechu maiqse jumin ahü.

DUNGWVNC 18:11

Ümchaü ngi raq sapkang Tatiwe ka tarü phra kong thaq na ajong. Jamkhano ngukla Ejip mungti raq Israilnok ka atinkhan hok maq nishishi haihü wan kiita, apaiq raq tsangshiq ka tiichhii kuqto.”

TAKSU LAK 15:33

Tatiwe ma haisong tsii thü ka, phaqchi tsin wan lam. Kongkhu ümniika aranse ma jalaq, haütiq shreng manto milap haü.

TAKSU LAK 18:12

Kumrongheati tsailam na sup; sobsob bombomti, khali khuphop maq hup.

TAKSU LAK 25:7

Jamkhano ngukla, wese ngachang wa, welabi ngachang na ngawakiq nguta achong ka, wela ngachang wa, wese ngachang na ngakikiq nguta achong thaq na ahea.

TAKSU LAK 29:23

Maiqse shiikong raq, apaiq ma jea mitiingaü. Shatmaq sobsob bom bomti miika, shreng manto asi miraq.

TAKSU LAK 3:34

Maiqmii kli asap atsin nguta, akhü tiinga raü siti miika, Tatiwe ma jamliip ahü. Shatmaq tsannin wokninti miika, apaiq raq khrum kuqtlo.

THARC TVLUINGC 9:7

Kriq na. Phesiq laq. Phetaktak phaqsiq laq. Chojong chise maq silaq. Wiiche wiitsam phetaktak phaqsi laüta silaq. Chochikhiq maq silaq. Shiikeawe arka ahea siili.

ISAIA 45:25

Ngi Tatiwe, raq Jakob saüse thun ka wiita mitiichhiiha, kiimaq tsangshiq raq Ngi mitiitsam.

ISAIA 53:11

Chamchao rilung siwan jaimaq, apaiq rilung ka chojong chise rilung miraq; apaiq chamchao wantaq kriika atu na riimak nguta apaiq raq misap wan. Iwokhong na siti ijaqshise, Ngi raq apaiq ka pinthum lung wiitiikang. Maiqse pahea raq mo howan chang ka, apaiq raq wiita miho wan. Kiimaq apaiq mang na, Ngi raq tsangshiq mra ka midiikuqha.

ISAIA 57:15

“Ngi ka ratsan ramong nyang na siti kiimaq asii Shiikeawe, pattup pat-sa thummak miqmak phan. Ngi ka ratsan ramong na kiimaq asii ba na siti. Shatmaq Ngi ka ka maiqse juwa aranse ma jatlaq kiimaq maiqmii ngarai tiidiitlaq kriiti rai sitiikang. Krai mren Ngi raq tsangshiq ma kamtsantsii nai rantsantsii ka thüda kuqtiikang.

ISAIA 66:2

Ngi raq ijaq maq ra nai hiq kunli phansang wan kang! Ngi ka juwa saksi minmi kiimaq maiqmii mra tiidii raüta hoqtlaq, kiimaq jurwa Ngi ma haitlaq raüta i bom taitlaq kriiti ma khoqriiq tiikang.

DANIEL 4:37

“Riita, ümchaü sanha, ngi Nebukadnejar raq Sanseng Ramungtan na siti Hokhamwe kriili she tiitsam tiikang, shreng tiikang, kiimaq apaiq khushü kra tiijong tiikang. Jamkhano ngukla, Apaiq jaqsham kaiwa ka tingting, apaiq tri raütu kappe khaqkhaq, kiimaq apaiq raq kumrong kumraq maiqse ka, anun pinthum ma tiijabaiqtlo,”

HABAKUK 2:4

Bomtsi chongtiikang ka ara waiq laq: ‘Abi ati maiqse thun ka atsai mirki; Shatmaq kechu maiqse thun ka atra misi wan. Jamkhano ngukla tsangshiq ka Shiikeawe bom, tsapkapkap maq langtlo.’”

Matthew 23:12

Jurwa ngi ajong nguta tiima tlaq, kriiti ka atran mirbaiq wan. Kiimaq jurwa ngi ka aran nguta tiima tlaq, kriiti ka ajong ma mitiija wan.”

Matthew 5:3

“Jurwa tsangshiq ka wenyi na miitsan nguta tumtlaq, kriiti ka chochi; Ramuntan ka tsangshiq rii!”

Luke 1:52

Apaiq raq honyung hokham ajongbi ka, hokham ngachang wa tiidea baiqto. Raüta tsanin wokninti ka tiijong luwanto.

Luke 10:29

Shatmaq, Thungtri shrinketi we raq, apaiq ra lap ma bom ka akha waito, “Riita, i jamthoti ka juwa?”

Luke 14:11

Ara jamkhano chongtiikang ngukla, jurwa maiqmii ka ajong ala nguta tiima tlaq, kriiti ka aran se ma mitiija baiq. Kiimaq juwa, maiqmii ka tiisaiq haiq shat maq sitlaq, kriiti ka ajong ma mitiija wan.”

Luke 16:15

Kriikha maq, Jesuq raq tsangshiq ma nguto, “Namshiq ka maiqse makki na athuk atsom maiqse ikha tiichan ne lanta sitlan. Shatmaq, namtsan tsii kriika, Shiikeawe raq asap. Jamkhano ngukla, maiqse raq jamlai wa pinthum ara phan nguta shreng tlaq, kriika Shiikeawe makki na thiihü.”

Romans 3:20

Ara jamkhano chongtiikang ngukla, maiqse aja wa, jurmin Thungtri ka riikhaqli maq lang tlo nguta, Shiikeawe rai wehea shram raüta, kechu maiqse ma jawan lot mak. Thungtri raü sitlaq kriika, maiqse ma apaiq ka ajiq we dea, nguta kha nyanke miituli sitlo.

Romans 4:5

Shatmaq, jurwa apaiq riika Shiikeawe ma kamwan chang miraq, jaqsham ahea sham wan raüta, Shiikeawe tsan ka tiihea wanlot mak miraq, nguta sap tlaq, raüta Shiikeawe ma kam tlaq, krai mren, apaiq kamtsantsii thü tlaq, kra thaq na seng raüta, Shiikeawe raq apaiq ngarai ka diikuq tlaq, raüta akhu na phumram kham maq bat raüta, apaiq ka kechu maiqse she nguta, awura maq tiiham wan tlaq, raüta apaiq rai wehea she tiija wan tlaq, kriika kamtsantsii thaq seng raüta, kechu maiqse ma tiija wantlo. Apaiq raq Shiikeawe tsan tiihea wanli chang, jaqsham ahea sham raütiika riimak.

Romans 5:1

Riita ümchaü nashiq ka Shiikeawe raq wehea she nguta ajam na tiidü wanto she. Arka nashiq raq apaiq ma kamtsantsii thü wan tiikai kra lümaq wehea tiija wanto. Krai mren, nashiq ka Jesuq Khristo lümaq Shiikeawe rai ari aram miishe sitiikai.

Romans 8:33

Shiikeawe riishe, asengi ma nguta atsea wan kun she sitlaq kriika, ajiq nguta jurshe wa mishra wan lot? Shiikeawe apaiq riishe, tsangshiq dü na, kha ahü she nguta, kha aphoke wan wishe!

Galatians 2:16

Shatmiitiq, nashiq raq maiqse ashi ka, apaiq raq, Jesuq Khristo ma kamtsantsii thü raü jiitiq, Shiikeawe raq apaiq ka, kechu maiqse she dea nguta, Shiikeawe apaiq wokhong na tiisi wan tlo nguta, nashiq raq sap tiikai. Apaiq raq Thungtri aming kra lang tlo nguta, Shiikeawe raq apaiq ka, ümtiikaq ranaiq jiimin, awokhong na, kechu maiqse she dea, nguta tiisi mak. Shiikeawe raq nashiq armin la, Jesuq Khristo ma kamtsantsii thü wan kai kra lü miitiq, kechu maiqsetiim she, nguta awokhong na tiisi wan tlo. Arka nashiq raq Thungtri aming lang laita riimak. Shiikeawe raq maiqse ka, Thungtri aming lang tlo nguta, jumin kechu maiqse ma tiija mak.

James 4:10

Shiikeawe puk na aranse ma ja lanta nyap ronglaq. Raüla, apaiq raq namshiq ka ajong ala miishe mitiijong luwan.

James 4:6

Maiqse ngarai sükha tsii ka henghea. Li jiimin, Shiikeawe kaphap mangchan tsii riiwe ka wiitarü ngarai ningkun thaq na aheng. Arkha maq tiina, Asii Bomtsi na, “Shiikeawe raq ra weahü maiqse ka romak. Shatmaq sobsob bombom maq siti miika, apaiq kaphap mangchan apa kuq tlo” nguta chong tlo.

1 SAMUEL 1:18

“Mangchan laüta, jang wrapshe ngi ma tiima tsantsii ahea rüm haü jiidea ahea,” nguta apaiq raq treto. Raüta kriinyung ka tiido wan raüta dung phanshi siqto. Kiimaq apaiq ka chapa mak she riito.