Matthew 20:21 - ASII LAKDAP Bible (BSI) Kiijiishe, Jesuq raq, “Ümniima jamlai phan wa ra tla?” nguta kra nyung ma waito. Apaiq raq treto, “Ümtiikiiwa ümniika Hokham ma jatlaü, kra akhing na i se nai arka jaqtsi na weshi, jaqpha na weshi mitiinga wan ha nguta kiqkham kuqlaq.” Hawa Naga Bible 2001 Yesu rueq, “Mnoz rueq yvmx lac roc shuiux?” ngoz tueq wiz tueq. Yalxjuik nyuiuz rueq, “Mnoz Hokhvmx yaungx vtueq guimz lawc shuiux kvkaq isaz nueyc vruex mnoz vkeq kox nuex washiz vpharx kox nuex washiz ngaungc lvp vkhangx kuy tvkoc ngaz muex bomkhvmc kuq koq,” ngoz tueq. Muklom Jesu aa piq ma pitta, “Nang ma chamlang raa aa?” Piq aa thawel batta, “Nang lungwang ang jio, i sa ni wang ashey ba aqhak ko na etho ashey ba aqhik ko na tatong ma nga ma rangtum kophu.” |
Krai mren Bathsheba ka Adonija miitu bom chongwa hokhamwe phana wawanto. Hokhamwe ka anyung saü wakiita chap saq raüta hiq nü na kusaq raüta anyung ka taoto. Raüta apaiq ka apaiq ngachang hokham ngacho na ngato. Raüta ngacho ashi tlam wa raüta anyung ka apaiq ma jaqtsi nü na tiingato.
Kra rawa Tatiwe ka apaiq rai rawa ma maq riibom damto. Raüta apaiq ma bom ka akha waito, “Ümniiraq ijaq wa jamlai phan wa jaüro tlaü?”
“Jamlai wa raa tla, hokhamnyung Esthar?” nguta hokhamwe raq Esthar ma waito. “Ümniima jamlai phan wa rongra tlaq, kra ngi ma chonglaq. Ngi raq mikuq kang. Ara i mungtan arwa khoko jiimin mikuq kang,” nguta hokhamwe raq nguto.
Tatiwe raq itatiwe hokhamwe ma thaüto, “Ngi ma jaqtsi nü arjaq ngalaq; ngi raq ümjaqti thun ka ümjichong na miphongkuqha shaq wiiwii.”
Ümhokham rung na ngatibi phong na hokhambi sere junriisetiim ngadamtlo, kiimaq ümhokham kho jaqtsi nü na hokham nyung chaptlo, chiisan chaqlak tum kaü lak raü.
Ümniiriika ümnaq miitu pong na raitlii raüta liikuq raüjaq ahea chang ngutiisha tiima tlaü? Kriika naq tiimara kiq. Ngi raq mangjong maiqse kunli khuthaq na chamchao rathaiq mitiisaü wanha. Shatmaq ümnaq riiwe kla ümmiisaq ka thummak maq, ümniika ümriiba niili kihaü jiimin, lun wan ruq milun haü. Arka Ngi, Tatiwe raq ngutiikang.”
Kriimaq heashi sijai na ajaqshisetiim ka Jesuq phana waraüta waito, “Ramungtan na juwa ajong pinthum?”
Kiijiishe Jesuq raq tsangshiq ma chongto, “Namshiq raq tsan na tiitsang shat maq siwan lili rong laq. Ümra akhing niiwa Mungtan Anye kra saüho tlaq, kra akhing na Maiq Se ka apaiq Hokham ngachang ngacho na nga raüta, achhai anyii maq, mung ka milang wan. Kra akhing na, ümchaü namshiq i jaqshisetiim weroqshi ri wenai sitlan kriimin, maiqmiimii hokham ngachang na nga lanta, ngi rai Israilnok mung maiq phan phan roqshi ri phannai kra milang wan.
Kiijiishe, “Namnai raq jamlai wa jaü tlan kra sap man. Ngi raq nyang chang chamchao kok kra, namnai raq minyang wan lot han sha?” nguta Jesuq raq ase nai kiima waito. “Nainai raq minyang wanlot hai,” nguta tsangnai raq treto.
Kiijiishe Jesuq ka achap riito. Raüta makchuk wenai kiima, “Nam- nai ma jamlai phan wa ra tla?” nguta waito.
Kiijiishe “Ümniiraq jamlai phan jaüro wa?” nguta Jesuq raq apaiq ma waito. “O Shrinketi we le, i mak ara tiipiiq kuqlaq. Ngi raq achhi nong rotiikang,” nguta makchuk we raq treto.
Tati Jesuq ka tsangshiq rai riibom lot jai she, apaiq ka Shiikeawe raq ramungtan niishe shea wanto. Raüta, Shiikeawe ma jaqtsi nü niishe ngato.
Kiitiikaq Herodias se, jechakse ka, mungmaiqse man na wiinumto. Ase wiinum kra chhi raüta, Herod nai ajong alabi thun ka kai chochi siqto. Achochi lam maq, hokhamwe raq ase ma, “Ümniiraq jamlai phan wa ro tlaü jaülaq. Ümniiraq ajaü jaü mikuq kang,” nguta ase ma kiqkham kuqto.
“Ngi jaq wa ümniiraq jamlai jaüro wa?” nguta waito. Kiijiishe, “Shiilang we le, i mak ara tiihea kuqlaq. Ngi raq i mak maq achhi nong rotiikang.”
Nokwe raq apaiq bom chongke kra tai rea na, apaiq raq tsangshiq ma ara shiiton bomtsi ashi ariiri chong kuqto. Apaiq ka Jerusalem na saüho nini she riito. Kiimaq tsangshiq raq tiima ka, Shiikeawe Mungtan ka saüho nam nam she sham nguta tiimato.
Kiimahali, ajaqshisetiim ka tsangshiq nai tsangshiq liipan na, juwa ajong pinthum mirnya nguta bom ka riiwaiso raüta, arkhii she riihoto.
Shatmaq, namshiq ka i dü na chamshat maq siwan lili riihan jiila, kiimaq i bomtsi ka namtsan mong na cham wan raü la, namshiq raq i We jaq wa jamlai phan wa mijaü han, kriika namshiq ma mikuq.
Krai mren, kiimwebi ka Jesuq rai adam riitam nga tlaq akhing na, tsangshiq raq apaiq ma, “Tatiwe, riita, ümniiraq Israilnok ma mung ahinti khuthaq na hokham jaqsham wan arang ka ümchaü jaqlo miili she shea mikuq haü?” nguta waito.
Phungmaiqse ka jamkhii riilungwii raüta siwan chang wa, kiikha riilungwii lanta shongnga ronglaq. Kiimaq ashi raq ashi ka shreng lanta si ronglaq.
Riita, tsangshiq shra wanti ka jushe wa sitla? Ahü she! Ümchaü ka jumin ahü she. Nashiq khupi ma tsaiti we, raüta amaa wa dong wanti we, Jesuq Khristo ka ümchaü sanha, Shiikeawe rai adam na, Shiikeawe ngatlaq kiijaq, jaqtsi nü na nga raüta, Shiikeawe man na, nashiq ara tiikhup wongke miitu, kiimwe ma jatlo!
Namshiq ka Jesuq Khristo rai adam na amaa wa, atra she tiidong wanto. Krai mren, ümchaü sanha, namtsan namtsii ka, ramungtan na siwan rilung kra tsan na atsi maq tiima lantli she sirong laq. Jesuq Khristo ka Shiikeawe rai ramungtan na, Shiikeawe ma jaqtsi nü na, apaiq hokham ngachang niishe nga tlo.