Mark 16:19 - ASII LAKDAP Bible (BSI)

¹⁹ Tati Jesuq ka tsangshiq rai riibom lot jai she, apaiq ka Shiikeawe raq ramungtan niishe shea wanto. Raüta, Shiikeawe ma jaqtsi nü niishe ngato.

Hawa Naga Bible 2001

¹⁹ Kvkhoc rvtueq Taungjix Yesu rueq tsuingshiq muex kvjaz jungc lot yix, raungmungx nuex shvlc wvnc rvhumc vtueq Tishox yauk keq kox nuex ngaungc yaq.

Muklom

¹⁹ Teyhungwa Jesu ethi raaq tang bat kot jio, piq tha mungtan náng tun solta etho Shkewa jakqha kona tong ta.

Mark 16:19 Referencias Cruzadas

Tvtsvmc 110:1

Tatiwe raq itatiwe hokhamwe ma thaüto, “Ngi ma jaqtsi nü arjaq ngalaq; ngi raq ümjaqti thun ka ümjichong na miphongkuqha shaq wiiwii.”

Mark 16:20

Kiimaq ajaqshisetiim ka maiqhiq barap binrii na kiraüta tra hokuqto. Kiimaq Tatiwe raq tsangshiq ma awang chang jaqsham miitu ningkun kuqto. Kiimaq kra ningkun lümaq, tsangshiq ka Shiikeawe jaqshisetiim dea nguta hakhi tiichhi kuqto. Amen.

Luke 22:69

Shatmaq, ümchaü ara miiphat she sanha, Maiq Se ka Ajong Shiikeawe raq apaiq ma jaqtsi nü kiijiishe mitiinga wan.”

Luke 9:51

Jesuq ka ramungtan na shea wan ma akhing ka ajeli she riito. Kriikha maq, apaiq raq atsan na khekham maq, Jerusalem chela nü niishe kihoto.

John 13:1

Arka Tiichhii Wan Poi ka anap she miraq angu wa bom. Jesuq raq apaiq ka ara mangjong hiq ara baiqthü raüta, Awe phana wawan aningthoi ranaiq akhing ka saü wato she nguta asap. Apaiq raq mangjong hiq na siti asengi thun ka pinthum lungwiito. Tsangshiq ka apaiq rii dongdii. Apaiq raq tsangshiq ka atiisup ranaiq na saüli lungwiito.

John 16:28

Ngi ka i We pha wa akiha. Kiimaq, ara mangjong hiq na kikang. Kiimaq, ümchaü ka, ngi raq ara mangjong hiq ara baiqthü lata, i We phana wawan nong she.”

John 17:13

Riita, ümchaü ka ngi ümphana wawan nong she. Kiimaq, arthun chongkuq tiikang arka, tsangshiq ka tsan na chochi asho-awo maq misi laq nguta ngo maq chongkuq tiikang.

John 20:17

Kiijiishe, “I dü niika naq tiipaq jaqkiq,” nguta Jesuq raq apaiq ka tiiwinto. “Ara jamkhano chong tiikang ngukla, ngi ka i We phana mijang wan ha shaqli. Shatmaq, ümniika i notiim phana walaüta bom ka chong wakiq. Ngi ka i We, kiimaq tsangshiq We, i Shiikeawe kiimaq tsangshiq Shiikeawe phana jang wan nong she,” nguta chong wakiq.

John 21:15

Tsangshiq raq phaqsea lot jai she, “Johan se Simon lei, riita, ümniiraq ngi ka, ara ahinti thun raq lungwii tlaq kriithaq niimin, achan lin dea sha lungwii tlaü?” nguta Jesuq raq Simon Petar ma waito. “O raq, Tatiwe. Ngi raq ümniika lungwii tiikang, kriika ümniiriimin asap haü,” nguta apaiq raq Jesuq bom ka treto. Jesuq raq apaiq ma chongto, “Ikhla, i skuse kong aransetiim kra samhea rüm laq.”

John 21:22

Kiijiishe, Jesuq raq, “Ngi raq apaiq ka, ngi saükai akhing na saüli atrali misi laq nguta thi kang lo, kriika ümniima jamlai wa raa ta? Ümniiriika i jai phan phan lishe wariina!” nguta Petar bom ka treto.

John 6:62

Bom shiiton, namshiq raq Maiq Se ka apaiq sichüchang ba kiijaq jang wan nong chhihan jiiha? Jamlai she wa mitiima han?

Acts 2:33

Awe Shiikeawe raq, Jesuq ka apaiq ma jaqtsi nü niishe tiinga wanto. Kiimaq Awe raq kongkhuji na, apaiq miika Asii Wenyi mikuq nguta kiq khamtaq kriishe kuq wanto. Riita, ümchaü namshiq raq arjaq jamlai wa chhi tlan arka, Jesuq apaiq raq, Asii Wenyi ka naishiq khum na phong tsoktsok akuq kriishe chhi tlan.

Acts 3:21

Shiikeawe raq awokhong na siti asii shammibi nübok maq, man na rathup rapha richü pat na, riisham bom tiichongtaq kra phanphan, Jesuq ka ramungtan na siruqli she misi wan. Apaiq ka Shiikeawe raq, ara phanrap ra nai hiq sitlaq ara, tingsang anye ma tiija wan rahiq akhing saü tlaq kiijaq saüli, ramungtan niili she mitiisi.

Romans 8:34

Riita, tsangshiq shra wanti ka jushe wa sitla? Ahü she! Ümchaü ka jumin ahü she. Nashiq khupi ma tsaiti we, raüta amaa wa dong wanti we, Jesuq Khristo ka ümchaü sanha, Shiikeawe rai adam na, Shiikeawe ngatlaq kiijaq, jaqtsi nü na nga raüta, Shiikeawe man na, nashiq ara tiikhup wongke miitu, kiimwe ma jatlo!

Colossians 3:1

Namshiq ka Jesuq Khristo rai adam na amaa wa, atra she tiidong wanto. Krai mren, ümchaü sanha, namtsan namtsii ka, ramungtan na siwan rilung kra tsan na atsi maq tiima lantli she sirong laq. Jesuq Khristo ka Shiikeawe rai ramungtan na, Shiikeawe ma jaqtsi nü na, apaiq hokham ngachang niishe nga tlo.

1 Timothy 3:16

Nashiq raq kam tiikai tengteng bomtsi manphan ka, nashiq ma tiichhi kuqto she. Arka pinthum maiq mao chang manphan: Khristo ka mangjong hiq na maiqse ma pokito: Apaiq ka amaa wa dong wanto. Raüta apaiq ka TATIWE dea nguta tiichhi kuqto. Apaiq raq rasetiim kunli peng tlo. Asengi Phungmaiqse raq apaiq tsa ka barap na chongkuq wanto. Krai mren mangjong maiqse pahea raq apaiq ma kamwanto. Apaiq ka Shiikeawe rai siwa wawanto.

Hebrews 1:3

Apaiq sham ari ka Shiikeawe achhai anyii ngao kra dongdii, shamshi ngamshi. Kiimaq Shiikeawe rong arai sham ari ka kunli, apaiq khum na tiisam tlo. Kiimaq apaiq nübok maq dong tlaq ningkun henghea bomtsi lümaq, ra nai hiq wiita rüm tlo. Apaiq raq ara mangjong hiq na diim tlaq, mangjong maiqse ngarai diike wan lam ka tankuq wan tlii raütiishe, apaiq ka sanseng ramungtan na ngati we, Ningkun Ajong thaq na Ajong Rümti we Shiikeawe sitlaq ngachang tho na, jaqtsi nü niishe nga wato.

Hebrews 12:2

Nashiq maklii ka, Jesuq theaphi na tiitsi rong i. Apaiq ka nashiq ara kamtsantsii rilung lam na shea wanti. Kiimaq apaiq riili, nashiq kamtsantsii rilung ara, atiisup na saüli awongsii ma mitiija wan lot. Apaiq ka pumsongkham na tsai ma hai raüta nashiq tiichhii wan jaqsham ka thaq baiq mak dea riito! Shatmaq, apaiq ka akhiismin tiime mak riito. Jamkhano ngukla, apaiq raq chochi jonghea lap wan chang asi nguta asap. Kriikha maq, apaiq raq pumsongkham na, maiqjea asi tsai wan kriika, akhiismin tiima wan mak riito. Krai mren, ümchaü sanha, apaiq ka Shiikeawe hokham ngacho maq jaqtsi nü na ngatlo.

Hebrews 4:14

Ikhiijiika, nashiq raq jamlai mo kamwankai kra, kamtsantsii raü kha kriika, phataq khonshat maq si rong i. Ramwe Ajong Pinthum we, Shiikeawe Se, Jesuq ka nashiq miitu Shiikeawe ngachang tiinap niishe nga wato.

Hebrews 6:20

Jesuq ka nashiq miitu, nashiq ma sinkhu na, kiijaq awa wan kun she. Raüta apaiq ka kra khok na nga raüta, pattup pat-sa miitu, ramwe ajong we miishe jawanto. Apaiq ka ramwe Melkijedek jaqsong miishe nga wato.

Hebrews 7:26

Riita, arningkhan, Jesuq ka nashiq miitu, Ramwe Ajong Pinthum we miishe thüto. Kiimaq, nashiq ma jamlai phan wa raa tlaq kra, apaiq raq wiita liikuq tlo. Apaiq ka Shiikeawe tiichochiti we. Apaiq khum na ashut aphit nguta jam min ahü, siirairai. Kiimaq, akhum na jamlai ngarai min ahü. Shiikeawe raq apaiq ka ngarai maiqse phong mong wa, pong na raithü wanto. Raüta ratsan ramong nyang na, tsaühea niishe tiinga wanto.

Hebrews 8:1

Riita, ija ara naishiq raq rengkiq pinthum bomtsi chong tiikai kriika arshe. Ümchaü sanha, nashiq miitu, Ajong Pinthum Ramwe ka asi she. Apaiq ka ümchaü Ratsan Ramong nyang na, Shiikeawe ngachang hokham ngacho kra tiinap na, jaqtsi nü niishe nga tlo.

Hebrews 9:24

Krai mren, Khristo ka maiqse jaq maq ahaihun jolitiip, Asii khok mong kiijiika wamak dea. Maiqse raq, jaq ma ahaihun jolitiip kriika, ramungtan na chiisan jolitiip sitlaq kra sumla li. Shatmaq, Khristo ka lakshi miili ramungtan na wawanto. Raüta, ümchaü ka apaiq, Shiikeawe man na ngatlo. Raüta, nashiq khrum kuq tlo.

1 Peter 3:22

Apaiq ka ramungtan niishe wawanto. Raüta Shiikeawe ma jaqtsi nü niishe nga tlo. Kiijaq nga raüta, apaiq raq rasetiim thun tlotli khuthaq na, kiimaq ramungtan na siti arang hotibi thun khuthaq na, kiimaq ningkun hoti pahea sitlaq kra thaq na, arang ajong jonghea ho raütiishe mung rüm nga tlo.