Acts 1:6 - ASII LAKDAP Bible (BSI)

⁶ Krai mren, kiimwebi ka Jesuq rai adam riitam nga tlaq akhing na, tsangshiq raq apaiq ma, “Tatiwe, riita, ümniiraq Israilnok ma mung ahinti khuthaq na hokham jaqsham wan arang ka ümchaü jaqlo miili she shea mikuq haü?” nguta waito.

Hawa Naga Bible 2001

⁶ Kamx waz hez kuex Yesu rulc vdvmz nuex rvhumc vtueq rvtuimx yaq nuex, tsuinghez rueq, “Taungjix lex, vruex vkhing nuex Israel miqsaz muex Mungtan kuex mnoz rueq haz tec kuq yek shuiux?” ngoz tueq wiz tueq.

Muklom

⁶ Apostle tang thajoq eq Jesu ma pitta, “Teyhungwa, iri rangham o nang aa Israel tang ma Rangmungtan shi wey thawel kot eq nu i?”

Acts 1:6 Referencias Cruzadas

RAPHA HIQWA LAK 49:10

Juda raq hokham nyeakii kra misham, Kiimaq asaü ase phan raq pattup mung misiq wan. Maiq mung thun raq apaiq ma tijong tsiiq wa miho kuq wan Kiimaq ajichong na apaiq puk na minyap wan.

ISAIA 1:26

Ngi raq ümniima ümmung pengti tuwe jongbi nai ümniima taksu tsü chongketi ka, man na rathup raphaji na ümniiraq jamkho riimwan laü kiikha hali mishong kuq wan nongkang. Kiijiishetiq Jerusalem ka kechu chela kiimaq tsapsaü kapse chela nguta mingu wan.”

JEREMIA 33:26

Krai mren, Ngi raq ara jamkho tiiq wan kang krai mren sii hali, Ngi raq Jakob saüse phan nai ijaqshise Dawit rai tongshong wan kang tri kra phanphan, mithü wanha. Ngi raq Dawit lai ala phan kiiwa maiq weshi kra tsea wan lata, Abraham saüse phan, Isak saüse phan, kiimaq Jakob saüse phan kra peng wan miitu tuwe mishong wanha. Ngi ka isenginok ma tiihang mangchan thü lata misi wanha. Lata tsangshiq ka thongshiri hali arong awinnok ma mitiija wanha.”

DANIEL 7:27

Mangjong hiq wa mungtan thun ningkun, kiimaq tsangshiq jonglu thun ka, Ajong Thaq Na Ajong Shiikeawe, sengi miishe mikiinong kuqbaiq wan. Tsangshiq hokham jaqsham ningkun ka, ümtiikiimin thumki mak she. Kiimaq mangjong hiq wa hokham wiita raq, tsangshiq puk na nyap raüta, tsangshiq ka mishli wan.”

Hosea 3:4

Akhiisii hali, Israilnok kiimin akhing luhea tsangshiq rümti hokhambi min ahü maq lo welabi min ahü maq siwan chang miraq. Kiimaq Shiikeawe ma honglu min kewan hümiili riimak la, asii honglu wacha longshong kaü thun min ahü miili siwan chang miraq. Kiimaq langlii wan chang nai teitlang chang sumla thun kiimin ahü miili siwan chang miraq.

AMO LUIK DVP (AMOS) 9:11

Tatiwe raq ngutlo, “Ranaiqshi akhing saü wan tlo, kra ranaiq ngi raq, Dawit Hokham mungtan jam ari arwa hiq na, phintsiiptsiip bumtlaq kra, mitiichap kuq wan nongha. Ngi raq khetuk thun wiita arüm arki, wiitashe mitiihea hai wan ha. Man na rathup rapha ji na jamkho ajong ala sitaq, kiikha mitii jonglu wan ha.

Mikha 5:2

Tatiwe raq ngutlo, “Bethlehem Ephrath le!, ümniika Juda mung na chela aranse pinthum. Shatmaq ngi raq ümchelati wa, Israil mung rümti hokham ashi, Mishong wan ha. Apaiq weraü manphan ka, rathup rapha pat achat wa miraq.”

JEKERIA 9:9

O Jajon chelati lei, chochi rong laq, chochi ronglaq, O, Jerusalem chelati lei chochi ronglaq! tiihong lanta gitrang ronglaq! Liimanta, nam hokhamwe ka saüwato she; Apaiq ka tingting maiqse kiimaq tiichhiiketi, apaiq ka tsannin woknin, kumtoq kaü thaq na ngaraü; kumtoq kaüse thaq na ngaraüta watlo.

Matthew 17:11

“Elija ka ngohea dea kongkhu na misaüho,” nguta Jesuq raq treto. “Kiimaq apaiq raq Shiikeawe sengi thun kra tsan tiichhii je miishe mikheho.

Matthew 20:21

Kiijiishe, Jesuq raq, “Ümniima jamlai phan wa ra tla?” nguta kra nyung ma waito. Apaiq raq treto, “Ümtiikiiwa ümniika Hokham ma jatlaü, kra akhing na i se nai arka jaqtsi na weshi, jaqpha na weshi mitiinga wan ha nguta kiqkham kuqlaq.”

Matthew 24:3

Jesuq ka Olip Pero Hiqlam na anga riito. Kiijaq ajaqshisetiim ka apaiq phana waraüta tsangshiq hon honse bala na, “Naishiq ma chongkuq liita, ara chongtlaü Shomjam tiithen baiq akhing arka ümtincho wa misaü wan? Kiimaq ümnaq saükai akhing she saüto nguta kiimaq phangthum wan akhing ka saüto she dea nguta akhing sap chang miitu ka jamlai phan she wa mitiiji shi wan!” nguta bom ka apaiq ma waito.

Mark 9:12

Apaiq raq treto, “Tengto. Elija ka sinkhu na phanrap tiijemeho kitlo. Shatmaq, Asii Bomtsi na Maiq Se ka pinthum mitiichamchao. Raüta maiqse raq apaiq ka ashleq mirbaiq ngutiika jaram wa ngu tla?

Luke 17:20

Kra akhing na, Phorisinok wiijamti raq Jesuq ma Shiikeawe Mungtan ka ümtin cho niishetiq wa misaüho nguta waito. Kiijiishe Jesuq raq tsangshiq bom ka akha treto, “Shiikeawe Mungtan saüho kriika, mak maq ra shra ka riimak.

Luke 19:11

Nokwe raq apaiq bom chongke kra tai rea na, apaiq raq tsangshiq ma ara shiiton bomtsi ashi ariiri chong kuqto. Apaiq ka Jerusalem na saüho nini she riito. Kiimaq tsangshiq raq tiima ka, Shiikeawe Mungtan ka saüho nam nam she sham nguta tiimato.

Luke 22:29

Kiimaq, i We raq ngi ka jamkho, Hokham ma shong wantaq, kiikhiisii hali, ngi riimin namshiq ka hokhambi ma mishong wan ha.

John 21:21

Petar raq kriiwe ka chhi raüta, “Tatiwe, riita arwe arha?” nguta Jesuq ma waito.