John 15:7 - ASII LAKDAP Bible (BSI)

⁷ Shatmaq, namshiq ka i dü na chamshat maq siwan lili riihan jiila, kiimaq i bomtsi ka namtsan mong na cham wan raü la, namshiq raq i We jaq wa jamlai phan wa mijaü han, kriika namshiq ma mikuq.

Hawa Naga Bible 2001

⁷ Nuimshiq kuex ngaz nuex rvwak vtueq ngvy kvjaz vruex muinz nuimshiq nuex rvwak ruiux kuex, nuimshiq rueq thoz shuinx phvnx htenc kuex lvp wvnc shuinx.

Muklom

⁷ Nim i tinmong o tong inn jo etho iraaq nim tinmong na ang ajo chamlang nuk inn sha chu inn jo tho nim ma ukot eq phanin.

John 15:7 Referencias Cruzadas

1 HOKHVMX 3:5

Kra rawa Tatiwe ka apaiq rai rawa ma maq riibom damto. Raüta apaiq ma bom ka akha waito, “Ümniiraq ijaq wa jamlai phan wa jaüro tlaü?”

YOBA 22:26

Kra riihaütiq wranaiqshe ümniiraq Shiikeawe ma mikam haü kiimaq apaiq kli dea ümniima chochi kham rai miraq.

YOBA 23:12

Shiikeawe raq ngi ma jamlai aming wa kuqtlaq kriili ngi raq wranaiqtek shamtiikang; apaiq raq aroro kli shamtiikang, ngi raq aroha na riimak.

Tvtsvmc 119:11

Ngi raq üm tri raütu imong jüna shaq thü tiikang, arka ngi raq ümmak liina ngarai tang mang miitu.

Tvtsvmc 37:4

Tatiwe wokhong na apeowiq shongnga kra rittlaq, raüla apaiq raq ümtsan raq aroro kra mikuq.

TAKSU LAK 10:24

Kechu maiqse riika, jamlai wa rittlaq kra milap. Shatmaq abi maiqse riika, jamlai mo haisong tlaq kra mihum.

TAKSU LAK 4:4

Iwe raq ngi ma akha tsii chongkuq tlo, “I bomtsi ara üm tsan mong na shaqlaq; ümtiikiimin naq laqkiq, Laüta i bomchong arphan phan jaq shamlaq, raüla üm rilung na ahea misi haü.

ISAIA 58:8

“Kra riihantiq Ngi raq namshiq ma khrum ka ranap rashedong chhaitlaq ikha mililiim. Kiimaq namkhum wa ami atsi thun kra jaqlo thitthit mihea wan. Ngi ka namshiq tiiwongke miitu wranaiqshe namshiq rai misiha. Lata Ngi ka namshiq rai nongshnong sitiikang kriiraq namshiq ka trotam maq mikhup wongkuq.

JEREMIA 15:16

Ümniiraq ngi ma ümbomtsi chongkuq laü. Kiimaq ngi raq ümbomtsi ka atsi awea tsan na washasha tiitsang taikang. Ngi ka ümniirii, Tati Ajong Pinthum Shiikeawe lei. Arningkhan, ümbomtsi raq imongjii na pinthum chochi kiimaq khoqriiq shishiiq asho awo tiima kuqtlo.

Matthew 7:7

“Jaü ronglaq, raüla namshiq ma mikuq. Rit ronglaq, raüla namshiq raq mihum han. Kilü na buk ronglaq, raüla namshiq ma midi kuq.

John 14:13

Kiimaq i mang na namshiq raq jamlai phan wa mijaü han, kriika ngi raq misham kuq ha. Krai mren, Ase lümaq Awe khushü ka mijong.

John 15:16

Namshiq raq i puk na nyap wan miitu, ngi ka ritwan man dea. Shatmaq, ngi raq namshiq ka tsea tsiiq wan kang. Lata, namshiq ka shong wan kang. Arka namshiq rilung jaqsham na, pattup thenkimak chang phan, atsi ango pahea mitsi ngo laq nguta, ngi raq namshiq ka shong wan kang. Krai mren, i mang na namshiq raq ajaü jaü kra, i We raq namshiq ma mikuq.

John 16:23

“Ümtiikiiwa kra akhing she saü wan jiiq, namshiq raq i jaq wa jamlai min jaü wan man she mirhan. Ara chongtiikang arka tengteng: Awe jaq wa namshiq raq, i mang na jamlai phan wa mijaü han, kriika mikuq.

John 8:31

Kiijiishe, Jesuq raq apaiq ma kamti Jehudinok ma akha chongkuqto, “Namshiq raq i bomtsi ara namtsan mong na shaq lanta, lang han jiila, namshiq ka awongsii i jaqshisetiim ma mija han.

John 8:37

Ngi raq namshiq ka Abraham lai ala phan wa ngutiimin asap ha. Kra taü maq dongdii min, namshiq raq ngi ka atsea baiq ma tankhan tlan. Arka namshiq raq, i bomtsi ara lang ro man kha miishe ngi tsea baiq tankhan tlan.

Galatians 4:2

Apaiq nose bala ka, maiq ahinti riili, apaiq jamkun kra milii kuq. Awe raq, apaiq ma jamkun liiwan arang ka ümtiikiiwa kuq jiiq, kra ranaiq miiphat shetiq, apaiq raq awe tachong hupsam thun kra wiita apaiq riishe milii wan.

Galatians 5:16

Ara ümchaü, ngi raq chongrat tiikang arka, ara ngo nangnga ngutiikang: Ümchaü sanha, namrilung ka, Asii Wenyi ma tiishun shea lantli she, si rong laq. Namkhum na, han-ngam sükha ramho sitlaq kriika, ümchaü sanha, naq pong pii rongkiq she.

TRI CHONGKE 6:6

Ümchaü ranaiq ngi raq ümniima kuq tiikang aming thun ara ümtiikiimin naq laqkiq.

Colossians 3:16

Khristo tsütsa chiithe jong ümtinkhan wa sitlaq kriika, namshiq tsan nai mongjii na samhea wiq maq tiicham lili rong laq. Weshi raq weshi ma shrinkuq lanta sirong laq. Kiimaq sungkhu tsiilam ka taksma tsii ümtinkhan wa rüm tlan, kra khuthaq maq, riichong phan lanta sirong laq. Asii bomtsi na ashi lak sitlaq kriiwa shinge rong laq. Tsütsa shi ka shinge rong laq. Kiimaq asii shi ka shinge rong laq. Shiikeawe ma kechutum lanta shinge rong laq.

1 John 2:14

I setiim lei, ngi raq namshiq ma waiq tiikang, jamkhano ngukla, namshiq raq Awe ka juwa kra asap han she. Awetiim lei, ngi raq namshiq ma waiq tiikang, jamkhano ngukla, namshiq raq rapha hiqwa niiphü asi dongdii we ka juwa asap han. Noriibi lei, ngi raq namshiq ma waiq tiikang, jamkhano ngukla namshiq ka kamasham na srea nolabi she. Shiikeawe bomtsi ka namshiq khum na sitlo. Kiimaq namshiq raq Abi Thawe ka tang lan she.

1 John 2:27

Riita ümchaü kla, namshiq raq jamlai chapa chang min ahü she. Khristo raq apaiq Wenyi ka namshiq khum na araüke wishe. Asii Wenyi ka namshiq khum na sishat sitlaq wiiwii, maiqse raq namshiq ma shrinke rea ngo min rarai mak she. Apaiq Wenyi raq namshiq ma phanrap hon atsii ka kunkun she chongkuq tlo. Kiimaq apaiq raq namshiq ma jamlai wa shrinkuq tlaq kriika tengteng. Ajiq ka tlang kuq mak phan. Krai mren, Asii Wenyi raq namshiq ma jamlai wa chongkuq tlaq, kra lang lanta sirong laq. Lanta Khristo rai pumshi hanshi maq tiipum lanta sironglaq.

1 John 3:22

Nashiq ka Shiikeawe wokhong na sitiikai. Laita apaiq aming thun ka lang laita sitiikai. Kiimaq apaiq raq ro tlaq kra phan phan jaqsham tiikai. Krai mren, Shiikeawe jaq wa nashiq raq jamlai wa jaü tiikai, kra apaiq raq nashiq ma kuq tlo.

1 John 5:14

Nashiq ka Shiikeawe man na tsailam jilam miishe sitiikai. Jamkhano ngukla, nashiq raq mongngam maq asap i she, nashiq raq apaiq jaq wa jamlai wa, apaiq raq thi tlaq kra phanphan jaü tiikai kriika, apaiq raq kuq tlo nguta asap i she.