John 15:6 - ASII LAKDAP Bible (BSI)

⁶ Juwa i dü na chamshat maq simak, kriiti ka, spiqraü chong wa akü ako ka adaq riibaiq tlaq, ikha, adaq mirbaiq. Raüta, ashin mirki. Kiimaq kriithun ka, adam na riichom phong raüta, wacha mong niishe michaq baiq.

Hawa Naga Bible 2001

⁶ Ngaz nuex rvwak muq waz kuex yuz phic nuex tuip gay rvhumc vtueq, shanx wvnc yaq vphak vnoz ikhoc yaungx wvnc tuex, miq rueq kvkhoc vphak vnoz kuex tvjomx tsenz vtueq wvr nuex jauk gay koq tueq khamc gay tueq.

Muklom

⁶ Utang otho i tinmong o tong moq ang ajo, piq sha irimal uking uphak mal bara bichak eq na etho uqhuk ang ti aa, etho uking uphak tang sha thajoq eq walnáng bichak na etho ning sha ujung ang ti na.

John 15:6 Referencias Cruzadas

2 SAMUEL 23:7

Maiqse raq jinkiip maq riimak la piq miitiq, tsuqbaiq wan phan. Raüta wa maq tiibun chaqbaiqtlo.

YOBA 15:30

kiimaq apaiq ka ranyaq mong wa lun wan lot mak she miraq. Apaiq ka pechong ashi akü ako thun ka wa maq achaq baiq wishe ikha miraq, apü alii thun ka wiita rahai raq apan wan wi she ikha miraq.

Tvtsvmc 80:15

Kira laüta ara spiq tsung ümniiraq achhihaü kra tiichhiilaq, ara spiq tsung ümniiraq tiijonglu tlaü kra chhiilaq!

ISAIA 14:19

Shatmaq ümmaalap chang maakho ka ahü. Ümmaa ka hiq na laphü kiikhiili tiinam baiqtlo. Ümmaa thaq niika küram liira phenlabi re na ajiimrai maaphong kriiriili chinrong ikha pattlo. Tsangshiq maaphong rai longraq kam na longkhong bok na rongbaiqto. Kiimaq maiq raq ji maq ani ashi baiq wan nguli riitlo.

ISAIA 27:10

Trotam maq kiitelong maq ruk raüta, peruk weshaü mong na siti chela ka thento she. Arka hiqmiq changkhü ikhiishe sitlo. Rumnyangkhi hiqmiq changkhü she. Nyamse rüm chang nyiim lung rii li she. Kra nyamsekong haisea chang kiimaq nyamsekong bumsea changli she.

EJEKIEL 17:9

“Ikhla, Ngi, Tati Rakaü Hiqwe raq waipha: Riita kra spiq tsung ka michhan chhi sha kiimaq mijonglu wan sha? Apha wa liihawe kaüti raq spiq tsung ka arang chong maq aphai mirbaiq riimak sha? Raüta spiqtsi tu thun kra wiita mipan raüta, akii ako thun kra wiita ngoqbaiq raüta wiita atiijung mirbaiq riimak sha? Kra arang chong maq babaiq rea miitu ka ningkun pahea ka rarai mak. Riimakla maiq mung ashi ningkun henghea rümti kiraüta babaiq kai ngomin rarai mak.

Matthew 13:41

Kra akhing na Maiq Se raq apaiq rasetiim ka mitiiki. Raüta rasetiim raq Shiikeawe man na maiqse thungtii wan tlaq kra phong mong wa, maiq ümriiti riiwa nanok ka Shiikeawe wokhong wa, lamjiq nü na sheahotaq, kiimaq tsangshiq maiqmii kiimin lamjiq nü na kihowitaqti thun kra wiita adam na mirchom wan.

Matthew 27:5

Kra tai raütiishe, Judas raq kampho thop ka kiijaq Shomjam na riiwak baiqthü raütiishe, apaiq ka juhoto. Kiimaq kiho raüta, apaiq ka ajaqlii maq tiihai shakto.

Matthew 3:10

Pechong thun ka arang chong maq ngapsak daq baiq wan miitu mang ka ümchaü arangchong na tiikam shat she. Atsi ango ka ahea tsikuq mak chong thun kriika, achong aweatek wiita adaq she mirbaiq. Raüta walü tum mong niishe michaq baiq wan.

Matthew 7:19

Kiimaq atsi ahea tsikuq mak chongti ka adaq she mirbaiq wan. Raüta wa na michaq baiq wan.

John 15:2

Apaiq raq i tsung na, atsi ahühüti i kü i ko thun kriika, angei riibaiqtlo. Kiimaq, atsi asisiti i kü i ko thun kriika, aheawiq maq tiisii chhintsii wantlo. Raüta, atsi ango ka apapa she tiitsi ngo wan miitu, ashun thun kriika, aton riibaiqtlo.

Hebrews 10:27

Kiikhiiti riika, saüho tlaq Khapho Ranaiq kra, haisi rasong mong na siraütli she mikhe! Kiimaq, Shiikeawe rai riilongliiqti kra tiibun chaq baiq chang, phiiptsi jiiptsi walü henghea sitlaq kra khe raüta si chang li she miraq!

2 Peter 2:20

Ara ngarai khamchum mangjong hiq na riitsam nyiim tlaq ara mong wa maiq tiichhii wan tlaq kriika, tsangshiq raq nashiq Tati kiimaq nashiq Chhii wanti we Jesuq Khristo ma kamwan raüta tiichhiitlo. Shatmaq, tsangshiq ka man na jamkho siwan taq kiikha rilung lamphan achü na hali jangho nong raüta, tsangshiq hanho phara ngarai rong arai kharü mong na thongshi ri hali jangki nong raü ka, tsangshiq rilung ka Phung na mishang shaq na sitaq kra nam ma tiimiqchup naolaq she miraq.

1 John 2:19

Riita ara chongtiikai Khristo ma wesang raliibi thun arka, apha miiphü nashiq rai tushi niika sidam mak dongdii. Kriikha maq, tsangshiq ka na tu mong wa pong na tiichiiq raüta pong lamphan na kihoto. Tsangshiq ka nashiq ngam napti dongdii ngu raü ka, nashiq rai adam na riitushat maq misi dam wa. Nashiq tushi wa tsangshiq ka pong na tiichiiq raüta kihotaq kra, tsangshiq ka nashiq rai tushi na sidamti ka riimak dea nguta tiisap shat mirlaq nguta ngo maq pong na khüphiiq niishe tiichiiq raüta kihoto.

Revelation 20:15

Ju mang wa atra lakdap na ahü, kriiti thun ka ara walü tum wamungtan arjiishe tiidea baiqto.

Revelation 21:8

Shatmaq, haisuti thun, mung shaphaqti thun, maiqse ka lamjiq na shunsheati thun, showe ma jawanti thun, sethoq jawanti thun, maiqwuq maiqlongti thun, sumla noq wanti thun, kiimaq arot akiq bom chong wanti thun ka, tlotli wamungtan na nyiimwin wa ikha nyai tlaq kiijaq mitiidea baiq. Arka thongnai tsai ngutlaq kriishe.”