Mark 13:7 - ASII LAKDAP Bible (BSI) Kiimaq ümtiikiiwa, ara chongtiikai chiqdong redong, reriikhat tsütsa arka aje niishe nai maiq bin alu na tsütsa kra mitai han, kra tai han jiila, namshiq ka tsaiji naq tran rongkiq. Kiikha mung brak shaq mra pin wan kriika, saü chang she dongdii miraq. Shatmaq, kra mra pin tlaq kra miili ka, Phangthum ranaiq ka saüki mak. Hawa Naga Bible 2001 Kvmaq ralx rv-khvt tvruingc nuiyc ralx khvt thaungc kuex vnyek nuiyc vluz wawc nuimshiq rueq tay ruiux yuq, thuinz nauk tvbac kaz. Kvkhoc phvnx kuex yaungx wvnc tuex, yuq muinz vtvsuip vkhing kuex max httuiuc shauk dvyx doc. Muklom Nim aa arelna thamol hit ring rak tat nin etho alo wang thamol hit raaq kap tat nin. Eshi rangham o nak cho inn, chammatakoi eshitang sha ang hun angna. Etharin esha uthun saal ang moq angna. |
Nashiq wiitarü ka atsai mirii rong i. Nashiq ka hiq na kham araübaiq rat ikha, jangshi archom kainong chang ahü she miraq. Shiikeawe raq dongdii min maiqse ka amaa wa atra ma tiijang wan lot nong mak she. Shatmaq hokhamwe riika, maiq weshi pong mung na wanshawe ma ajaki kra tiijang shea wan lamlu ka mihum lot.
Apaiq ka abi tsütsa tai raümin haimak; Apaiq kamasham ka pharang rang, kiimaq apaiq ka Tati ma kamtlo.
Rewe phentu ashi raq ngi ka trotam maq komraü min, ngi ka akhiismin riilap mang; rewe phong raq ngi khat raümin, ngi raq Tatiwe miili mikamha.
Tiidongchhaq maq rathaiq saüwa tlaq ikha, ashut maiqse jamkun na, tsaimiq khusiq saü watlaq kra miitu, ümnaq chapa chang ahü.
“Mungmaiqse raq jamlai phan wa kiimungtlaq kriijaq naq pongdamkiq. Kiimaq tsangshiq ka jam khiinok mo haisongtlaq kriima naqhai songkiq.
Tsaiji naq tran rongkiq. Kiimaq maiq tsütsa kra tai lanta naq kiinyii rongkiq. Rawiitek namshiq raq shapshaü ka phan phan mitai han. Kra mung na hokham weshi raq hokhamwe weshi rai riikhat wanto nguta tsütsa ka mitaihan.
Ara mangjong hiq na mangjong maiqse ma phiiptsi chang ka pahea asi. Maiqse ma apaiq kamasham lam kriiwa tiidea baiq chang maitai ka pahea sitlo! Akha abi maitai arka misi dongdii. Shatmaq juwe lümo maiqse ka apaiq kamasham lamphan kriiwa tiichhan baiq tlaq, kriiti miika pinthum phiiptsi chang!”
Hokhamwe Herod raq kra tsütsa ka tai raüta apaiq ka pinthum chapato. Kiimaq apaiq rai Jerusalem na siti maiq tarü chapato.
Maiq pahea, i mang shaphaq raüta misaüho kiiphan. Kiimaq tsangshiq raq, ‘Ngi ahata Khristo!’ nguta mitiitsaki kiiphan. Raüta, tsangshiq raq maiqse pahea, lamjiq nü na mishun sheaho.
Mangjong hiq na siti maiq mung thun kra liipan na arkhat mirwan. Hokhambi nai hokhambi liipan na, weshi raq weshi ka mikhat. Mungkang tlotli na, hiqjong mimu. Kiimaq maiq mung barap se na song aram pahea she midong. Arthun mra pin tlaq arka, nowüchhi tsi phaho ikha miraq.”
“Namshiq ka naq chapa rongkiq, kiimaq naq tiimangchan rongkiq,” nguta Jesuq raq tsangshiq ma tsii chongkuqto. “Shiikeawe miili kam ronglaq. Kiimaq ngi miimin kam ronglaq.
“Namshiq ma ngi raq hansang rilung she kuq tiikang. Arka i tsan mong na sitlaq hansang khap kriiwa triisha tsümkuq tiikang. Arka mangjong maiqse raq akuq hansang rilung ikhiika riimak. Jai na jamlai mra wa pin wan tlaq, kra miitu namshiq ka akhiismin naq chapa rongkiq. Kiimaq naq hanghun rongkiq, kiimaq naqhai rongkiq.
Asii lakdap wa phat raü raüta, Khristo ka pinthum chamchao wan chang dongdii. Raütiitiq apaiq ka tsai chang. Raüta, amaa wa dong wan chang nguta, phanrap tiitho tiipha maq nokwe ma traho kuqto. Raüta, “Riita ümchaü ngi raq namshiq ma phanchan tiikang we Jesuq ahata Khristo,” nguta tsangshiq ma trahokuqto.