Mark 13:6 - ASII LAKDAP Bible (BSI)

⁶ Maiq pahea, i mang shaphaq raüta misaüho kiiphan. Kiimaq tsangshiq raq, ‘Ngi ahata Khristo!’ nguta mitiitsaki kiiphan. Raüta, tsangshiq raq maiqse pahea, lamjiq nü na mishun sheaho.

Hawa Naga Bible 2001

⁶ Miq paunghvlc kuex ngvy shvmx kvyaungx shaungx ruiux kaz vtueq, ‘Ngaz kuex kvruex waz kvruex rvtauk,’ ngoz tueq miq paunghvlc muex tvshonx vtueq lvmx tvmawc shuex.

Muklom

⁶ Daqhan miqtang aa imiing o thu eq batna, ‘Nga raa piq!’ Etho daqhan miqtang ma dipkup na.

Mark 13:6 Referencias Cruzadas

JEREMIA 14:14

Shatmaq Tatiwe raq treto, “Shammibi raq imang shaphaq raüta arot chongtlo. Ngi raq tsangshiq ka thaü mangdea. Kiimaq ngi raq tsangshiq ma aming min kuqmang dea. Kiimaq tsangshiq ma bom tsishi min chongkuq mang dea. Tsangshiq raq riisham makchhi chongtlaq thun ka ngi raq atiichhikuqha riimak. Tsangshiq raq tiithaitlaq riisham bom ka tsangshiq maiqmii khutsai maq adong bomtsi chongtlo.

Matthew 24:11

Kra akhing na arot shammibi pahea mipu wan. Kiimaq tsangshiq raq maiqse pahea lamjiq nü na mishon ronho.

Matthew 24:5

Maiq pahea raq ngi mang chong raüta namshiq phana misaü wan. Raüta tsangshiq raq, ‘Ngi ahata Messia!’ nguta misaü wan. Raüta tsangshiq raq maiq pahea ka lamjiq nü na mishon ronho.

Mark 13:22

Ara jamkhano chongtiikang ngukla, kra akhing na, arot akiq Khristobi nai arot akiq shammibi ka pahea midong wan. Raüta, tsangshiq raq awang chang nai taklot mai chang jaqsham pahea miklo wan. Raüta, tsangshiq raq lot raü jiila, Shiikeawe raq atsea wan asengi phong maiqse sitlaq kiiwiimin milao lii wan.

Mark 13:5

Kiijiishe, Jesuq raq tsangshiq ma bom ka akhiishe chongkuqto, “Honkam shat maq shongnga rong laq. Namshiq ka maiq ma naq tlao rongkiq.

Mark 13:7

Kiimaq ümtiikiiwa, ara chongtiikai chiqdong redong, reriikhat tsütsa arka aje niishe nai maiq bin alu na tsütsa kra mitai han, kra tai han jiila, namshiq ka tsaiji naq tran rongkiq. Kiikha mung brak shaq mra pin wan kriika, saü chang she dongdii miraq. Shatmaq, kra mra pin tlaq kra miili ka, Phangthum ranaiq ka saüki mak.

John 5:43

Ngi ka i We aming maq namshiq phana saükikang. Shatmaq, namshiq raq ngi ka tao man. Shatmaq, ümtiikiiwa maiq weshi ra ka, maiqmii arang maq namshiq phana saüki raüla, kriiti ka namshiq raq mitao han.

John 8:24

Ara chong tiikang arningkhan tiina, namshiq ka namshiq maiqmii ngarai kho na dea lantli mitsai han nguta chongkuq tiipha ara. Namshiq raq ngi ka, ‘Ngi Santla Ngi,’ nguta tiichong tlaq we kriidea nguta kam man wiiwii, namshiq ka maiqmii ngarai mong niili mitsai han.”

John 8:28

Kriikha miishe, apaiq riili tsangshiq ma bomtsi ka akha tru chongkuq nongto, “Namshiq raq ümtiikiiwa, Maiq Se ka pumsongkham na mitübaiq han, kra ranaiqtiq namshiq raq ngi arka, ‘Ngi Santla Ngi,’ ngutliiwe kriidea ngutiishe misap han. Kra akhing niitiq ümchaü ngi raq namshiq ma ümchuwa jaqsham kuq tiikang arka, i tsiitsii maq asham ha riimak, shatmaq i We aming maq siisaq li dea sham tiikang nguta mitak han.

1 John 4:1

Lungwii phunainotiim lei, Wenyi ningkun lapkai she nguta ümchuro tiitsaki tlaq, kriiti wiita ma akamsea nguli ka naq kam rongkiq. Shatmaq tsangshiq khum na sitlaq wenyi ka riikhaqli Asii Wenyi Shiikeawe raq akuq dea sha, riimak wa, kra samhea chechiip rong laq. Ara jamkhano ara chongtiikang ngukla, arot shammibi ka pahea powan raüta, barap binrii niishe nyam wanto.