Mark 13:7 - Hawa Naga Bible 2001

⁷ Kvmaq ralx rv-khvt tvruingc nuiyc ralx khvt thaungc kuex vnyek nuiyc vluz wawc nuimshiq rueq tay ruiux yuq, thuinz nauk tvbac kaz. Kvkhoc phvnx kuex yaungx wvnc tuex, yuq muinz vtvsuip vkhing kuex max httuiuc shauk dvyx doc.

ASII LAKDAP Bible (BSI)

⁷ Kiimaq ümtiikiiwa, ara chongtiikai chiqdong redong, reriikhat tsütsa arka aje niishe nai maiq bin alu na tsütsa kra mitai han, kra tai han jiila, namshiq ka tsaiji naq tran rongkiq. Kiikha mung brak shaq mra pin wan kriika, saü chang she dongdii miraq. Shatmaq, kra mra pin tlaq kra miili ka, Phangthum ranaiq ka saüki mak.

Muklom

⁷ Nim aa arelna thamol hit ring rak tat nin etho alo wang thamol hit raaq kap tat nin. Eshi rangham o nak cho inn, chammatakoi eshitang sha ang hun angna. Etharin esha uthun saal ang moq angna.

Mark 13:7 Referencias Cruzadas

2 SAMUEL 14:14

Naungshiq lotlaz vthueyc jix jvnc rvtiq; naungshiq kuex ghaq nuex svrc kaz vtueq vtvjomx mvy muq yuix rulc dvyx rv-ngvlc vtix. Tishox rueq muinz vthueyc vruez kaz waz kuex tvyuing kuq yek muq, yuq muinz mnoz hokhvmx waz rueq vganc mungtan nuex yuz wvnc jix miq washiz kuex thuiyx vtueq tvyez shvlx wvnc lot shuiux.

Tvtsvmc 112:7

Vbac thuix thaungx tay ruiux kvmac piq hiz muq; piq kvmluimx hungc vlaungc vtsanz nuiyc Yehowa muex tvluimc yaq.

Tvtsvmc 27:3

Ralx tap wvdaungx tuimx rueq ngaz tuimx wvnc ruiux muinz, ngaz hiz taungx rvmuq; ralx htenc rueq ngaz khvt wvnc ruiux doc muinz, Tishox muex dvyx kvmx vtaungx.

TAKSU LAK 3:25

Layx bac jix miqsaz htenc htauk nuex raunghtiq ikhoc vhuingc rvhek laz maq httuiuc kaz tueq jamjaux htenc kuex mnoz rvwvlc rax muq.

ISAIA 8:12

“Miq rueq dvnc yaq kvyuq nauk lomx naungx kaz, tsuingshiq hiz yaq phvnx kvmac nauk hiz kaz.

JEREMIA 51:46

Nuimshiq rueq tay tuik khuec guez lvmx guez kvjaz ningkhvnc nuex thuinz nauk nulx kaz, nauk hiz kaz. Mungtan mungx wawc yauk laungc yalawx thaungc, hokhvmx washiz rueq vganc washiz kuex khvt tueq ikhoc kvjaz kuex wawc tek dung yaq.

Matthew 18:7

Miqsaz htenc muex kvmluimx thuinz tvyaq jix httaz ningkhvnc nuex mungkawx nuex kvhiz juing httax yaq! Kvkhoc phvnx kuex mkaq muinz yaungx wvnc tuex, yuq muinz miq muex kvmluimx thuinz tvyaq kuy jix waz kuex kvhiz juing rvhumc tuex.

Matthew 2:3

Herod hokhvmx rueq kvruex lvmz kuex tay vtueq piq nuiyc Yerusalem miqsaz lotlaz thuinz phez yvp wuez tueq.

Mark 13:6

Miq paunghvlc kuex ngvy shvmx kvyaungx shaungx ruiux kaz vtueq, ‘Ngaz kuex kvruex waz kvruex rvtauk,’ ngoz tueq miq paunghvlc muex tvshonx vtueq lvmx tvmawc shuex.

Mark 13:8

Miq phvnshiz maq phvnshiz, mungshiz maq mungshiz vdvmz dvmz rv-khvt wvnc tuex. Baung ruip nuex gaqyung mux wvnc tuex, rvmc dung wvnc tuex, kvruex htenc kuex vphaungc thuiuz wvnc yaq nox wuic khic thuiuz yaq ikhoc kuilc daz vphaungc shauk dvyx rvtueq.

John 14:1

Yesu rueq, “Nuimshiq thuinz nauk tvbac kaz Tishox muex kvmluimx wuez kuinz, ngaz muex muinz kvmluimx kuit.

John 14:27

“Nomic kuex nuimshiq muex ngaz rueq taq kuq shec phaungx. Ngvy nomic kuex nuimshiq muex ngaz rueq kuq vphaungx, mungkawx miqsaz rueq kuq yaq kvkhoc rvmuq. Nuimshiq thuinz maq nauk rvwvl kaz, nauk hiz kaz.

Acts 17:3

Mesia kuex kuilc daz rvhumc tuex lvmz, thueyc vtueq yuing kvtenc wvnc tuex lvmz kuex Rumvrc luik wawc tvkhic vtueq jungphvnx kuq tueq. Polu rueq, “Ngaz rueq nuimshiq muex jungx kuq vphaungx waz Yesu kuex Mesia rvtueq,” ngoz tueq muinz jungx tvsvmz kuq tueq.