Mark 13:8 - ASII LAKDAP Bible (BSI)

⁸ Mangjong hiq na siti maiq mung thun kra liipan na arkhat mirwan. Hokhambi nai hokhambi liipan na, weshi raq weshi ka mikhat. Mungkang tlotli na, hiqjong mimu. Kiimaq maiq mung barap se na song aram pahea she midong. Arthun mra pin tlaq arka, nowüchhi tsi phaho ikha miraq.”

Hawa Naga Bible 2001

⁸ Miq phvnshiz maq phvnshiz, mungshiz maq mungshiz vdvmz dvmz rv-khvt wvnc tuex. Baung ruip nuex gaqyung mux wvnc tuex, rvmc dung wvnc tuex, kvruex htenc kuex vphaungc thuiuz wvnc yaq nox wuic khic thuiuz yaq ikhoc kuilc daz vphaungc shauk dvyx rvtueq.

Muklom

⁸ Phan ajat ni phan ajat sha takhat jan na. Mung ni mung sha takhat jan na. Adak adak haq sho haqkung shin na shong aa cham angna. Iritang raa rapney phang tsamnang angna.

Mark 13:8 Referencias Cruzadas

2 KAÜWA WERAÜ 15:6

Maiq mungshi raq mungshi kra jamsha wanto. Kiimaq chela ashiti raq chela ashiti ka haihiito. Jamkhano ngukla Shiikeawe raq tsangshiq khuthaq chamchao sangrai kiimaq kiimaq ngila nguraü chamchaoto.

Tvtsvmc 48:6

Kiijaq tsangshiq ka haisi kiimaq pinthum kiinyiito, jechak nyung asechii tsi ma chamchaotlaq ikha,

ISAIA 19:2

Tatiwe raq ngutlo, “Ngi raq Ejip mungti liipan na re mitiidongha. Lata mung ka mibrak baiqha. Siphu sino liipan na atriingeng mirha. Hiqshongti liipan niimin tatso mitiidongha. Chela ashiti raq chela ashiti rai arkhat miraq. Kiimaq hokhambi liipan na hokham riinyea ta mitriitsoha, raüta mirkhat.

ISAIA 29:6

Ajong Pinthum Tatiwe raq ümniika ramok rachhai wa trangla rathaiq wan raüta kiimaq hiq jong tiimu wan raüta mitiichhii kuq wan. Apaiq raq henghea pinthum rathaiq mitiisaü. Kiimaq walü wa amok dung dung mitiikhiim wan.

ISAIA 37:3

Ara tsütsa ara Isaia ma chongki rongkiq nguta apaiq raq tsangtsam ka tiikito: “Ümchaü ranaiq arka chamchao ranaiq. Nashiq ma maiq raq mo jonghea tiihotlo. Kiimaq nashiq khushü ka jamkito she. Nashiq ka jechak nyung no wüchhiho she ikha. Shatmaq aningkun ka ahü. No ka dolot mak chamchao rai tlaq ikha.

JEREMIA 13:21

Ümniiraq jamlai she wa mingu haü, ümniiraq kongtibi khla nguta atiima haü nok raq nam mung ka khat raüta, namshiq ka jamsha wan raüjaq? Ümniika maiq nyung nowü chhi tsi ma hoqtlaq ikha mihoq haü.

JEREMIA 22:23

Ümniika maisak toqpum kham mong na bumsiq tlaü, kriika Lebanon pum wa alam wa; shatmaq ümniima chamchao akhing saü raüjaq, ümniika maiq mang ngam chan michamchao haü, maiqnyungre nowüchhi tsi hoqtlaq ikha mirhaü.

JEREMIA 25:32

Tati Ningkun Ajongwe raq ngutlo, chamchao sangrai ka mungshi maq riita mungshi na misaü wan. Kiimaq mang jong hiq raikhü tiisup na rathaiq henghea dong wantlo.

JEREMIA 4:31

Ngi raq maiq nyung no wüchhitsi ma hantlaq ikha aho taikang, ase chhikhu do akhing na siiraitlaq ikha. Kriika Jerusalem hotlo, atsitsü pit wan kiita ajaq wiinai ka ra na tiipii raüta ngutlo, “Ngi ha miqkang she! tsangshiq ka ngi tsea wa watlo!”

JEREMIA 49:24

Damaskas chelati ningkun ka ajom she. Raüta akiinyii tsi ma wiita she pintrangto. Tsangshiq ka jechakre nowü chhi tsi akhing na phetlaq ikha kai chamchaotlo.

JEREMIA 50:43

Bebilon mung hokhamwe raq tsütsa ka taito, kiimaq ajaq aji ka atiikhai rokrok maakito. Apaiq ka akii anyii phiip raq tsai wanto, jechak nyung nowüchhi tsi chamchao tlaq ikha.

JEREMIA 6:24

“Naishiq raq tsütsa ka taikaishe,” nguta Jerusalemti raq ngutlo. “Kra tailaita naishiq hok ajaq wiita nintata she tiikhaikito. Jechak nyung nowüchhi akhing na atsitsi ma phetlaq ikha kiinyii wankai.

HAGAI 2:22

Lata, pongmung hokham mungtan ningkun nai hokham ngacho thun ka wiita ümklao baiqha. Ngi raq tsangshiq kumrang leng thun wiita ümklao kap baiqha. Kiimaq leng jiiqti thun ka tsangshiq nai tsangshiq lishe jaq ma mirjiip.

JEKERIA 14:13

Kra akhing na Tatiwe raq tsangshiq ka mok raüta mi tiituru baiq. Kiimaq ahai miraq. Raüta tsangshiq nai tsangshiq liipan niishe riikhat raüta mirtsat.

Matthew 24:8

Riita ara chong tiikai thun mra pin tlaq arka, maiqnyung ashi ma nowüchhi tsi akhing phaho tlaq ikha maiqpat anye saü wan ma nowüchhi tsi phaho she.”

Mark 13:7

Kiimaq ümtiikiiwa, ara chongtiikai chiqdong redong, reriikhat tsütsa arka aje niishe nai maiq bin alu na tsütsa kra mitai han, kra tai han jiila, namshiq ka tsaiji naq tran rongkiq. Kiikha mung brak shaq mra pin wan kriika, saü chang she dongdii miraq. Shatmaq, kra mra pin tlaq kra miili ka, Phangthum ranaiq ka saüki mak.

Mark 13:9

“Arkha maq, namshiq ka honkamshat maq shongnga rong laq. Namshiq ka maiq raq alap miwan kiiphan. Raüta, rung na mihit wan. Namshiq ka sinagok maq atea miraq. Namshiq ka mung welabi nai hokhambi man na, i mang miitu rung na mitiichap. Tsangshiq rung phong na, namshiq raq Tsütsa Ahea kra michong kuq han.

Acts 11:28

Tsangshiq kongti weshi, amang ka Agabas nguta kriiwe ka Asii Wenyi raq ama riito. Apaiq ka chap hiiq raüta, mangjong tlotli na ram jonghea midong lii nguta, Antiok na siti phungmaiqsetiim ma riisham bom maq tiithai chongkuqto. (Kra ramdong ka Klaudias raq munglang Roman Hokham jataq bala dongto.)

1 Thessalonians 5:3

Maiqse raq ümtiikiiwa, “Ai, ümchaü kla, jamlai chapa chang min ahü she. Mungtsing mung-ngang she. Ümchaü kla, jam min ngusiq mak she,” nguta tsangshiq ka, ümtum ümmai misisiq. Kra bala shon li, tiihanghiiq miili, tsangshiq ka miqchup, mithen wan! Kra Phangthum akhing Ranaiq saükai ka, jechakre nowüchhi tsi, tiihanghiiq miili dongki tlaq, ikhli tiina misaüki. Krai mren, mungmaiqse ka, kra chamchao walü mong wa, jumin hang wanlot mak she miraq.

Revelation 6:4

Kiijiishe kumrang kaü ashi hali dongho nongto chhikang. Kra kaü ka ashii kaü riito. Kra kaü thaq na chaoti we miika mangjong hiq na re tiidongkai miitu arang kuqto. Krai mren, maiq nai maiq liipan niishe mitriijiip wan. Kiimaq apaiq ma nepja jonghea ashi kuqto chhikang.