Mark 13:8 - Hawa Naga Bible 2001

⁸ Miq phvnshiz maq phvnshiz, mungshiz maq mungshiz vdvmz dvmz rv-khvt wvnc tuex. Baung ruip nuex gaqyung mux wvnc tuex, rvmc dung wvnc tuex, kvruex htenc kuex vphaungc thuiuz wvnc yaq nox wuic khic thuiuz yaq ikhoc kuilc daz vphaungc shauk dvyx rvtueq.

ASII LAKDAP Bible (BSI)

⁸ Mangjong hiq na siti maiq mung thun kra liipan na arkhat mirwan. Hokhambi nai hokhambi liipan na, weshi raq weshi ka mikhat. Mungkang tlotli na, hiqjong mimu. Kiimaq maiq mung barap se na song aram pahea she midong. Arthun mra pin tlaq arka, nowüchhi tsi phaho ikha miraq.”

Muklom

⁸ Phan ajat ni phan ajat sha takhat jan na. Mung ni mung sha takhat jan na. Adak adak haq sho haqkung shin na shong aa cham angna. Iritang raa rapney phang tsamnang angna.

Mark 13:8 Referencias Cruzadas

2 KAÜWA WERAÜ 15:6

Tishox rueq vkuilc vdaz phvnx ruip saz kuex tsuingshiq muex tvdungc kuy ningkhvnc nuex, mungshiz rueq vganc mungshiz muex, ghaqshiz rueq vganc ghaqshiz muex tuinghtuing wuez tueq.

Tvtsvmc 48:6

Tsuingshiq kuex kvruex yuq nox wuic khic muex thuiuz hvlc rvhumc yaq nyuiuz nuiyc,

ISAIA 19:2

Yehowa rueq, “Ngaz rueq Ejip mungx nuex ralx tvdung vtueq saqphuz saqnox vdvmz dvmz, yuimx phic yuimx phaungx jix vdvmz dvmz kuex tvkhvt shaungx. Rvlongx yaq ghaqyungx htenc tsuingshiq vdvmz dvmz rvkhvt wvnc vtueq, rvlongx yaq hokhvmx bix muinz tsuingshiq luimc vkawc tvkoc hunglaungx wuez tuex.

ISAIA 29:6

Tvphaungc Tvsuip Yehowa rueq raungmuk raunghtiq hvlc nuiyc gaqyung mux rulc vdvmz maq nuimshiq kuex palc wvnc kv-phuinx. Vpiq rueq raunghtiq raungguil nuiyc wvrluic kuex tvkaz shuex;

ISAIA 37:3

Vruex kuex Esaia muex jungc kay tvkoc piq rueq tsuinghez muex nvr tueq bomjungc rvtueq: “Majuiuc raungnuiyq kuex kuilc daz rvhumc raungnuiyq rvtueq; nuiyshiq kuex murx gurc rvhumc vtueq yvlc svy rvhumc vtix. Nuiyshiq kuex nox wuic khic tvkoc vyoalx dvyx shex, yuq muinz vjawc tvkoc hungc vguez yalxjuik nyuiuz shiz rulc rv-ngvlc vtix.

JEREMIA 13:21

Mkungjix bix rueq mnoz kuex taungx gay vtueq mnoz kuex guimz wvnc tvkoc Yehowa rueq htvp htaz ruiux yuq, mnoz rueq mkhoc lac ngoz shuiux? Mnoz kuex nox wuic khic thuiuz rvhumc jix nyuiuz ikhoc thuiuz sac rvhumc tuiux.

JEREMIA 22:23

Lebanon wawc vwvnc ruippulx htenc hvlwvl nuex mnoz kvguing httax lvp tuiux; yuq muinz wuic khic thuiuz rvhumc yaq nyuiuz ikhoc thuiuz sac rueq mnoz kuex tvthuiuz sac shuex nuex mnoz kuex mtanc khvnc menjenc sac juing wuez!

JEREMIA 25:32

Tvphaungc Tvsuip Yehowa rueq miqphvnx phvnshiz maq phvnshiz htauk nuex thuimkux httuiuc yaq kvmuinz, ghaq tvsuip maq guil wvnc tuex ngoz tueq jungx shuiux.

JEREMIA 4:31

Nox wuic khic thuiuz rvhumc yaq yalxjuik nyuiuz huinc, pekhux saz jawx tueq yalxjuik nyuiuz guyc tvruingc ikhoc ngaz rueq vkhoarc tay tauk. Kvruex kuex nyec hvlc vyauk kvkhuirc yaq, Yerusalem ghaq tvruingc rvtueq, piq rueq, “Ngaz kuex vphoc rvhumc tauk! Tsuingshiq kuex ngvy thvy muex kaz yaq!” ngoz tueq jungx tueq.

JEREMIA 49:24

Damasku miqsaz kuex nulx wvnc vtueq kawc yawc yuz wuez tueq. Tsuingshiq kuex nox wuic khic thuiuz rvhumc yaq nyuiuz ikhoc thuiuz sac rvhumc yaq.

JEREMIA 50:43

Babelon hokhvmx waz rueq thaungc kuex tay tueq, piq yauk htenc yulx kaz tueq. Piq kuex vkuilc vdaz rvhumc vtueq, nox wuic khic thuiuz yaq nyuiuz ikhoc vthuiuz vsac rvhumc yaq.

JEREMIA 6:24

Yerusalem ghaq jix rueq, “Nuiyshiq rueq kvruex thaungx kuex tay vtueq, nuiyshiq yauk htenc yulx kaz tueq; nuiyshiq kuex nox wuic khic jix nyuiuz ikhoc vthuiuz vsac rvhumc vtix.

HAGAI 2:22

mungkawx mungtan htenc kuex rop gay ruiux tsuingshiq luimc vkawc kuex tvbac gay shaungx. Ngaz rueq tsuingshiq nolaungx renc htenc nuiyc vruip jix htenc kuex tvbac gay shaungx, mvre htenc thueyc mvy wvnc tuex. Mvre nuex ngaungc jix hez kuex vdvmz dvmz rvyap wuez tuex.

JEKERIA 14:13

Kvkaq Yehowa rueq tsuingshiq kuex tvthuip khvt tvhiz sungx tvyaungc ruiux, miq tek vtueq miqmac phic vphaungx wawc waz kuex khvt thvt wuez shuex.

Matthew 24:8

Kvruex htenc lotlaz kuex kungkhux wawc nox wuic khic thuiuz rulc rv-ngvlc yaq.

Mark 13:7

Kvmaq ralx rv-khvt tvruingc nuiyc ralx khvt thaungc kuex vnyek nuiyc vluz wawc nuimshiq rueq tay ruiux yuq, thuinz nauk tvbac kaz. Kvkhoc phvnx kuex yaungx wvnc tuex, yuq muinz vtvsuip vkhing kuex max httuiuc shauk dvyx doc.

Mark 13:9

“Nuimshiq shauk pumz honc lvmz hvt maq httax kuinz. Nuimshiq kuex lvp vtueq phoc waz muex kuq gay kv-phuinx. Vjux thoz yuimx htenc maq nuimshiq kuex wungc tvlc rvhumc tuinx; guimz lawc jix nuiyc hokhvmx bix htumc nuex ngvy ningkhvnc nuex nuimshiq jvp wuez vtueq, tsuingshiq muex Thuix Thaungc Vhvlx jungx kuq lvp shuinx.

Acts 11:28

Tsuingshiq phungc kvwawc vmuingc Agabu ngoz yaq waz kuex jvp vtueq ghaq lotlaz nuex thuimkux yunghvlc httuiuc tuex lvmz Siyac luimc vkawc maq tvluz nuex jungx tueq. (Kvruex kuex honoc Klaudiu pat nuex yaungx wvnc tueq.)

1 Thessalonians 5:3

Miqsaz htenc rueq, “Phvnx ruip saz kuex kuiyqshuik maq suinglix httax yaq,” ngoz tueq ngoz wuez shuex, kvkhoc jungx yaq nuex dvyx wvgvnz nyuiuz htauk nuex nox wuic khic thuiuz huingc rvhek yaungx yaq ikhoc miqsaz htauk nuex vgvrx kuilc daz httuiuc wvnc tuex.

Revelation 6:4

Kvkaq mvre vganc vshawx vshiz dung kaz tueq. Mvre kvyuq ngaungc jix waz muex ghaq htauk vyuq rvlungc rvkhvt tvyaungc vtueq, miq rvthvy rvshuy vkhangx kuq tueq. Piq muex yaung yunghvlc vshiz kuq tueq.