Mark 13:9 - Hawa Naga Bible 2001

⁹ “Nuimshiq shauk pumz honc lvmz hvt maq httax kuinz. Nuimshiq kuex lvp vtueq phoc waz muex kuq gay kv-phuinx. Vjux thoz yuimx htenc maq nuimshiq kuex wungc tvlc rvhumc tuinx; guimz lawc jix nuiyc hokhvmx bix htumc nuex ngvy ningkhvnc nuex nuimshiq jvp wuez vtueq, tsuingshiq muex Thuix Thaungc Vhvlx jungx kuq lvp shuinx.

ASII LAKDAP Bible (BSI)

⁹ “Arkha maq, namshiq ka honkamshat maq shongnga rong laq. Namshiq ka maiq raq alap miwan kiiphan. Raüta, rung na mihit wan. Namshiq ka sinagok maq atea miraq. Namshiq ka mung welabi nai hokhambi man na, i mang miitu rung na mitiichap. Tsangshiq rung phong na, namshiq raq Tsütsa Ahea kra michong kuq han.

Muklom

⁹ “Nim ni nim rangtun eq tong inn. Nim sha lo eq khaphung náng solkat phanin, etho nim sha synagogue tang na wat pha nin; i tungtang aqhal sungrang raaq tatat rangma ajong miqtang nia lungwang jakho o thalang phanin.

Mark 13:9 Referencias Cruzadas

Matthew 5:22

Yuq muinz majuiuc ngaz rueq jungx kuq ix, miqmac phuz vnox waz muex thuinkhvy jix waz ukhaq yuq muinz vphoc rvhumc tuex, miqmac phuz vnox waz muex “Mnoz yvmx vjux muinz vguez!” ngoc jix waz kuex Suingdaungx muingdaungx rvtuimx yaq maq htvp htaz aungx yaq, kvmaq miqmac phuz vnox waz muex ngoc “Vngauk vngaz” ngoc jix ukhaq yuq muinz ngarvyx wvr mungx nuex juiuz gay rvhumc tuex.

Mark 1:44

piq muex kvkhoc jungc kuy yix maq, vpiq rueq, “Tay shuiuz, vruex yaungx wvnc tueq lvmz kuex ukhaq muex muinz nauk jungx kaz, yuq muinz shomc waz kox nuex tvlanx juit kaz vtueq mshauk pumz kuex tvlawc kaz kuiuz. Kvruex yimaq mnoz hvlx wvnc toq lvmx miq paunghvlc htumc nuex hakhix yaungc tvkoc Moshe rueq jungx shec tueq rulc rv-ngvlc shomc nawk kuy juing shomc kuq kaz kuiuz,” ngoz tueq jungx kuq tueq.

Mark 13:5

Yesu rueq tsuinghez muex jungx kuq tueq, “Nuimhez wawc ukhaq yuq muinz tvshonx ronx rvhumc muit tvkoc honc lvmz wuez shuinz.

Mark 13:8

Miq phvnshiz maq phvnshiz, mungshiz maq mungshiz vdvmz dvmz rv-khvt wvnc tuex. Baung ruip nuex gaqyung mux wvnc tuex, rvmc dung wvnc tuex, kvruex htenc kuex vphaungc thuiuz wvnc yaq nox wuic khic thuiuz yaq ikhoc kuilc daz vphaungc shauk dvyx rvtueq.

Mark 6:11

Nuimhez miqghaq vshiz shiz nuex httuiuc kaz vtueq kvruex ghaq jix rueq nuimhez kuex tvduiz roc muq, tay kuq muq ngoz ruiux kuex, nuimhez yaz phac wawc bokkhuyx kuex nuiuc gay shec ruiux, kvruex maq kaz wvnc kuinz. Kvruex kuex tsuingshiq muex honc tvsvmz kuy lvmx rvtueq,” ngoz tueq jungx kuq tueq.

Luke 9:5

Nuimshiq malc wvnc muq ngoz ruiux kuex kvruex ghaq kvmaq kvtenc wvnc tuinx yuq, tsuingshiq tvkoc hakhix m-yaungx kueq nuimshiq yaz nuex kop yaq bokkhuyx kuex nuiuc tvdvy shec shuinz,” ngoz tueq jungx tueq.

John 15:20

‘Dax kuex jiyungx htauk nuex vyungx rvmuq,’ ngoz tueq ngaz rueq nuimshiq muex jungx kuq phaungx kvjaz kuex rvwvl wuez shuinz, mungkawx miqsaz rueq ngaz vruex guirguenz ruiux yuq, nuimshiq muinz guirguenz kv-phuinx, mkhoc shoc maq tsuingshiq rueq ngvy kvjaz vruex tay ruiux kuex nuimshiq kvjaz kvmuinz tay shuex.

John 16:2

Nuimshiq kuex vjux thoz yuimx htenc wawc yurc gay rvhumc tuinx, nuimshiq thvy gay kv-ngoc Tishox yauk shuimc rvtueq ngoz tueq tsuingshiq rueq tvmaung wvnc shuex vkhing kuex vsuing httuiuc wvnc tuex.

Acts 21:11

Piq kuex nuiyhez kox nuex kaz vtueq Polu keshuit ruiuz kvmaq piq yauk vyaz kuex kvkhvrc buinc ruiux, “Vruex keshuit ruiuz taungjix waz kuex Yuda miqsaz rueq Yerusalem maq vkhoc khvrc vtueq Pungnuk miqsaz yauk nuex lekuq gay shuex ngoz tueq Vsawc Siyac rueq jungx tueq,” ngoz tueq.

Acts 7:54

Suingdaungx Muingdaungx phungc nuex lomx yaq htenc rueq Stephen kvjaz kuex tay vtueq, thuinkhvy phuk vtueq wac tvtsuir wuez ruiux lawc tueq.

Acts 9:16

Ngvy muingc ningkhvnc nuex piq rvhumc juing kuilc daz lotlaz kuex piq muex ngaz rueq tvkhic kuq shaungx,” ngoz tueq.

Philippians 1:29

Nuimshiq kuex Christu muex kvmluimx ningkhvnc nuex dvyx muinz rvmuq, vpiq tvkoc kuilc daz rvhumc ikhoc maq vpiq yauk shuimc kuex gurc pic vkhangx kejux kuy rvhumc tuit.

2 Thessalonians 1:5

Tishox rueq khac phox yaq kvruex kuex tvrac vlvmz httax yaq lvmx kvkhic yaq, kvkhoc rvtueq nuimshiq kuex vpiq Mungtan nuex hunghtaungx yaq hez muex yaungx wuez tuinx, kvruex laung nuex juex nuimshiq vkuilc vdaz rvhumc wuez vtuinx.

2 John 1:8

Nuiyshiq rueq shuimx wvnc tiq yauk shuimc kuex nuimshiq rueq nauk tvmoz gay kaz, kvruex dvyx nuimshiq yauk mauk kuex mvrc laz lvp wvnc wuez shuinz, miqmac honc lvmz wuez shuinz.

Revelation 1:9

Ngaz kuex nuimshiq phunox waz Yohan rvtauk. Yesu yix phvnc jix waz vshiz ikhoc maq vpiq Mungtan nuex seng yaq miqsaz htenc rvhumc yaq kuilc daz kuex thuinz vluz maq nuimshiq rulc roc nuex nanx jix waz rvtauk. Ngaz kuex Tishox bomjungc nuiyc Yesu rueq hakhix tvkhic wvnc tueq tsuingrux lvmx jungphvnc tvtay kuy ningkhvnc nuex, Patmo julc lomz nuex tvkay gay rvhumc tauk.

Revelation 2:10

Mnoz rvhumc wvnc juing kuilc daz muex nauk hiz kaz. Lawc shuiuz! Nuimshiq muex talc lawc tvkoc Htaungc rueq nuimshiq wawc wvyvmc kuex khoktep nuex shauk vtueq nuimshiq kuilc daz jamjaux rvhumc tuinx lvmz kuex raungx rokshiz tup httvmx tuex. Vthueyc nuex httuiuc laz ngaz nuex tvmtuing httax kuiuz, kvkaq ngaz rueq mnoz muex rullungx khushec kuq phaungx, kvruex kuex mnoz rueq taungx wvnc toq yauk mauk rvtueq.

Revelation 2:13

Mnoz httaz vtuiux baung kuex ngaz rueq tuiuz yaq, mnoz kuex Satan hoc daungraungc httax yaq kvyuq httax vtuiux. Ngaz nuex tvmtuing maq hakhix khvmc kuy jix waz Antipa kuex Satan httaz juing baung nuimshiq hvlwvl nuex thvt gay tueq kvkaq doc muinz, mnoz kuex ngaz nuex tvmtuing httax vtueq ngaz muex kvmluimx lvmx kuex tvlvlc gay muq.