Mark 1:41 - ASII LAKDAP Bible (BSI)

Jesuq raq mangchan tsihea lam maq, atsitiwe dü na ajaq maq sham raüta, “Ngi raq ümkhum ka tiisiike rotiikang. Ümchaü min heakikiq she!” nguta bomdamto.

Hawa Naga Bible 2001

Yesu rueq menjenc hvlc ningkhvnc nuex vyauk maq piq kuex pemz vtueq, “Ngaz rueq menjenc vphaungx msawc wvnc kueq,” ngoz tvralc kuq tueq.

Muklom

Jesu aa piq thima rapney tinshit ta, etho ujak tha thalo eq piq tha thaklo eq batta, “Nga unuk ang, usang ang u!”

Mark 1:41 Referencias Cruzadas

RAPHA HIQWA LAK 1:3

Kiijiishe Shiikeawe raq akha aming kuqto, “Ra wü laq,” kiimaq ra wükito.

Tvtsvmc 33:9

Ümtiikiiwa apaiq kiq tiideataq, mangjong hiq ka dungto; apaiq aming maq phanrap dongto.

Matthew 9:36

Apaiq raq mungnyung mungse riiphong rong rai wantlaq kra thun ka chhi wan raüta, tsangshiq miitu atsan mong na kai tsi wanto. Tsangshiq ka achapa riili tsai wan raüta siwan tlaq kra chhi raüta kiimaq tsangshiq ka tsangshiq rümkom wanti ahü, skuse kong mangrang mra mangmii rai wan tlaq ikha, chamchao rai wan kra chhi wan raüta, apaiq tsan ka kai tsi wanto.

Mark 1:40

Maiq weshi ka ashong thatsi riito. Apaiq ka Jesuq phana kito. Raüta, kaütsrong na ngasaq raüta, “Ümniiraq mangchan haü jiila, i khum ara mitiisii kuq lot haü,” nguta tiipaiqneato.

Mark 1:42

Krai mren, ashongtsi ka tlothit li she, tiidoqra heakito. Kiimaq apaiq khum ka nyeajok she siikito.

Mark 4:39

Krai mren, Jesuq ka tiidopot raüta rathaiq ma, “Kaiq laq!” nguta aming kuqto. Kiimaq khamtso miimin “Sang laq!” nguta aming kuqto. Krai mren, rathaiq wa ka tsaqsaq she tsaqkito. Kiimaq tiikaiqshak sanglili she riito.

Mark 5:41

Apaiq raq no jaq na, ajaq maq shamsaq raüta, “Talitha, kum,” nguta hiato. Kra liichum ka, “Noshii loi, ngi chongpha, tiidolaq!” nguta ngo riito.

Mark 6:34

Jesuq ka lai maq satki raüta, mungmaiqse pahea riiphong rai tlaq kra chhito. Apaiq raq tsangshiq ka arümti ahü skuse kong ikha chhi raüta, tsangshiq miitu atsan mong na, kai mangchan tsito. Kra ningkhan, apaiq raq tsangshiq ma phanrap tengteng bomtsi kra shrinkuqto.

Hebrews 1:3

Apaiq sham ari ka Shiikeawe achhai anyii ngao kra dongdii, shamshi ngamshi. Kiimaq Shiikeawe rong arai sham ari ka kunli, apaiq khum na tiisam tlo. Kiimaq apaiq nübok maq dong tlaq ningkun henghea bomtsi lümaq, ra nai hiq wiita rüm tlo. Apaiq raq ara mangjong hiq na diim tlaq, mangjong maiqse ngarai diike wan lam ka tankuq wan tlii raütiishe, apaiq ka sanseng ramungtan na ngati we, Ningkun Ajong thaq na Ajong Rümti we Shiikeawe sitlaq ngachang tho na, jaqtsi nü niishe nga wato.

Hebrews 2:17

Riita, ara chongtlaq arai mren, apaiq ka mangjong maiqse ikha, tiijai han-ngam na shamshi ngamshi pokai chang dongdii she raa kito. Apaiq maiqse han-ngam na akha pokitaq arka, apaiq ka tsangshiq miitu, tsapsaü kapse mangchan tsantsii jonghea maq, tsangshiq thaq na Ramwe Ajong Pinthum we ma jawan miitu pokito. Raüta apaiq ramwe jaqsham lümaq, Shiikeawe tsankhiq ka tiishi wanto. Krai mren, Shiikeawe raq tsangshiq ngarai kra diikuqto.

Hebrews 4:15

Nashiq ma Ramwe Ajong Pinthum we riika, nashiq tiinan shan tiikai kamasham ningkun ajom si tiikai thun kriika, kunkun asap siisaq. Nashiq ma Ramwe Ajong Pinthum we ka nashiq raq maitai chamchao ümtinkhan wa riihum tiikai kriika, apaiq raq kunli asap siisaq. Apaiq ka nashiq jamkho tairai tlaq, kiikha Thawe raq tairaito. Shatmiitiina, apaiq raq jamkiq min shut mak riito.